ادعوا لاخواتنا في فلسطين والسودان....
لا حول ولاقوة الابالله العلي العظيم 🌺......
في شقه خوخه.....
خلود بدموع: دي حياتي وانا من حقي اختار الانسان اللي هتجوزه ومن حقي اختار هكمل مع زين ولا.
عاطف بحده: بصي يابنت امل، الحال المايل مايعجبنيش وسيره المحروس خطيبك اللي بقت علي كل لسان في الحاره، الفلاتي بتاع النسوان ميشرفنيش اناسبه واحط ايدي في ايده ولا هو هيشترينا بفلوسه.
خلود بسرعه: الكلام اللي بيتقال عليه مش صح والله، زين انسان محترم ومن ساعه ماعرفته ماشفتش منه حاجه وحشه.
عاطف بسخرية: اه يابرنسيسه زين باشا واكل بعقلك حلاوه، هو مفكراني كرديه وهيتختم علي قفاي لا ، ولا مفكر نفسه جاي يشترينا بشويه الماظ وبعد مايتجوزك وينول غرضه، هيرميكي رميه الكلاب ولا هتنولي ابيض ولا اسود، لا يابنت امل، انا مش مختوم علي قفايا، انا لازم برضو اضمن مستقبلك، امال ايه، مش بنتي وشايله اسمي ومن لحمي ودمي.
خلود بجديه: واخر الكلام ده ايه يابابا.
عاطف بابتسامة: بصي من غير لف ولا دوران، المعلم زهدي موجود ويرضي لك المني ترضي، رجل كسيب وعايش وسطينا ومقدر قميتك.
خلود ببرود: اولا يابابا، شكرا علي الواجب اللي موصلش في عزاء امي الله يرحمها، ولا علي وقفتك معايا ثانيا ارتباطي بزين دي حاجه تخصني اوافق او لا، انا اللي هتجوز، وثالثا ولاهم مين اللي قال ان زين بيخوني والكلام الفاضي ده.
عاطف بغضب: ماتتعدلي يابنت امل، ولا عشان امك ماتت، هتفكري تخرجي عن طوعي لا انت بنتي فاهمه وجوازك ملزم مني،وده اخر كلام عندي.
خلود بسخرية: باماره ايه، الاب اللي بيربي ويكبر، امي هي اللي كانت امي وابويا، انت رمتتي لحمه حمراء وروحت اتجوزت ونسيت ان لك بنت ووقت مابنتك كبرت وخطبها كتروا، روحت تدور علي مين يدفع اكتر، المعلم زهدي هالا اولا هلا تري...
عاطف بغضب: يضرب خوخه علي وجها بالقلم وبحده يقول يظهر المحروسه امك ماعرفت تربيكي، لكن ملحقوقه، انا هربيكي من اول وجديد وخطيبك ليا قاعده معاه، اشوف اخر الكلام اللي متنتور في الحاره ايه.. ويرحل بعد ان رزع باب الشقه بقوه
خلود بحزن: يعني اسيب زين الشاب المحترم والمتعلم واتجوز زهدي الراجل الشايب، جوز الاتنين، في اب عاقل يرضي يعمل كده في بنته.
سها بحزن: انا السبب ياخوخه وبس الله ماكان قصدي.
خلود بحيره:السبب في ايه؟.
سها بتوتر: انا كنت واقفه في المطبخ بعمل الشاي، سمعتكوا بتتكلموا عن الاستاذ زين بيحب واحده تانيه ويعني في مشاكل وكده، فرحت حكيت لابويا عشان خفت عليكي وامي انت عارفها فضفضت مع ام حسن (حنان بياعه الخضار) و انتي عارفه حنان بوقها مايتبل فيه فول.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
