التعامل معي سهل جداً أعطني احتراماً ، أعطيك ماهو أكثر ....
أم محمد بحب: ولا معروف ولا حاجه، احنا جيران ياأم خوخه، والجيران لبعضهم، انا هقوم امشي، وبكره الساعه ثمانيه تكوني جاهزه ياخوخه.
خوخه بفرحه: حاضر ياخالتي.
بعد رحيل أم محمد...
خوخه بفرحه: انا مش مصدقه ياماما، اخيرا لاقيت شغل.
أمل بحب: الحمد الله يابنتي، لكن اسمعي مني الكلام ده وحطيه حلقه في ودنك، الناس العليوي دول، مش زينا يابنتي فاهمه،فيهم الكويس وفيهم الوحش،طبعا عندهم كل حاجه بيشتروها بالفلوس، يعني تحرسي منهم ياخوخه، وتخلي بالك على نفسك، واوعي تفكري ان واحد منهم هيبص لواحدة شغالة عنده ويوافق يجوزها زي الافلام، لا يابنتي، هما من طينا واحنا من طينا تانيه.
خوخه باستغراب: ليه بتقولي الكلام ده ياماما؟.
أمل بجديه: لان يابنتي انتي داخله علي عالم جديد ويمكن تنبهري بيه و تنسي نفسك، ولازم اوعيكي يابنتي وافهمك.
خوخه بحيره: ليه ياماما بتقولي كده، ما عفاف بتشتغل من زمان ولا حصل حاجه.
أمل بجديه: وانتي فاكره عفاف ماتغيرت يابنتي،لا اتغيرت و كل مايجي عريس بترفض وامها بتشتكي منها ونفسها تفرح بيها، لكن عفاف باصه لفوق يابنتي، وخلاص عايزه تطلع من توبها، اياكي ياخوخه تبصي لفوق، احنا ناس علي قد حالنا، ويوم ما تجوزي، لازم تتجوزي واحد شاريك ويجي لحد هنا ويطلبك مني، غير كده لا يابنتي، لولا ان عارفه ان صعب تلاقي شغل، كنت رفضت.
خوخه بحب: ماتخافي عليا ياماما، عمري ماهنسي اصلي، انا تربيتك برضو.
أمل بحب: عارفه يابنتي، بس لازم انصحك يابنتي.
خوخه بحب حاضر ياماما.
في غرفه زين...
زين باستغراب: خير ياحسام، عايز حاجه؟.
حسام بغيظ: دي مقابلة تقابل بيها صديقك.
زين ببرود: انا طول النهار معاك في الشركه ياحسام، اكيد هيكون فيه حاجه مهمه لزيارتك.
حسام بجديه: انا غلطان اني جاي اخدك معايا نروح النادي.
زين ببرود: مش عايز اخرج ياحسام، وكان ممكن تتصل بيا في التليفون، بدل ماتتعب نفسك وتجي لحد هنا.
حسام بغضب: مالك يازين انت فيك حاجه متغير، انت اصبحت انسان بارد وعصبي وكل وقتك شغل وبس، حتي موظفين الشركه بيشتكوا من عصبيتك.
زين بغضب: انا حر ياحسام، عايز اقعد مع نفسي، اظن سمعت كلامك ياحسام ورجعت الشغل،ايه اللي مطلوب مني تاني؟.
حسام بغضب: انت مش عايش لوحدك، في ناس نفسها ترجع زين بتاع زمان، والدتك اللي من يوم الحادثه وهي قلبها بيوجعها لما تشوفك في الحال دي، انت هتوقف حياتك علي موت نرمين.
زين بحزن: انا مش هقدر ياحسام ارجع زي زمان، مش هقدر فاهمني.
حسام بهدوء: حاول ياصاحبي.
زين بحزن: طيب اعمل ايه؟.
حسام بحب: قوم البس وتعال اخرج معايا.
زين بدهشه: البس دلوقتي
حسام بجديه: من غير كلام اسمع كلامي، وقوم البس.
زين: حاضر.
بعد كام ساعه..
حسام بفرحه: ايه رأيك يازين في الخروجه دي؟.
زين بحب: كانت فكرة حلوه منك تقعدني علي الكورنيش.
حسام: فكرت اروح النادي، لكن خفت تفتكر ذكرياتك مع نرمين.
زين بحزن: تعرف انا سافرت بلاد كتيره مع نرمين، لكن عمري ماجيت معاها هنا.
حسام بفرحه: كل يوم هخرجك في مكان مختلف و جديد، ايه رايك بكره نروح مثلا مكان شعبي زي قهوة في الحسين او مطعم فلافل أو....
زين بضحكه: انت اكيد بتهزر ياحسام ههه
حسام بحب: اخيرا شوفت الضحكه منوره وشك، طيب وبالعند فيك هنروح دلوقتي ناكل فلافل وطمعيه.
زين بضحك: انت اكيد مجنون وبعدين مش كفايه الذرة واللب والترمس هههه.. هه
حسام بغيظ: انت هتسمي ده اكل،عصافير بطني بتصوص، تعال نلف بالعربيه يمكن نلاقي مطعم فاتح.
زين بضحك: بتصوص، حاضر هلف بيك ويارب الاقي محل فاتح دلوقتي ههه.. ههه..
في الصباح...
أمل بحب: صباح الخير ياخوخه، بس ايه الحلاوة دي.
خوخه بحب: صباح الورد والياسمين، انا لبست الدريس الجديد، يالله انشاء الله ما حد حوش.
امل بفرحه: بس هياكل منك حته.
خوخه بخجل: ماتكسفنش بقا ياماما.
أمل بحب: تعالي افطري، الواد محسن متوصي بالفول النهارده.
خوخه بحب: هاكل لقمه، لغايه مالبنت عفاف تعدي عليا.
بعد عدة دقايق...
صوت طرق علي الباب...
خوخه تلاقيها البت عفاف ياما، انا هقوم افتح،واغسل ايدي.
بعد قليل تدخل فتاة في منتصف العشرينات ترتدي جيب ضيقه سوداء لتحت الركبه وقميص ابيض وتترك شعرها المصبوغ بالون الاصفر خلف ظهرها....
أمل بغيظ لنفسها: ايه كميه البويا اللي حطها علي وشها، ربنا يستر، أنا خايف علي بنتي خوخه.
عفاف بحب: ازيك ياخالتي أمل.
أمل بإبتسامة مصطنعه: الحمد الله ياعفاف، انا طبعا مش هاوصيكي علي خوخه.
خوخه: انا كنت بغسل ايدي، يالله ياعفاف.
تتفحص عفاف خوخه بنظرة طويله وتقول: انتي هتجي معايا بالدريس ده.
خوخه: وماله ياعفاف، الدريس جديد والله،واول لابسه.
عفاف: حلو بس حطي حاجه علي وشك.
امل بغيظ: بنتي مش محتاجه تحط حاجه، بسم الله ماشاء، بياض وحلاوة وعيون ملونه.
عفاف بغيظ: انا عارفه ياخالتي خوخه حلوه ومش محتاجه حاجه، لكن انتي عارفه الناس العليوي بيحبوا المظاهر واخاف يرفضوا يشغلوها.
أمل...
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
