ادعوا لاخواتنا في فلسطين 🇵🇸......
يوم الخميس....
في فيلا سامر المنشاوي...
عفاف بغيظ: اسمعي كلامي ياخوخه روحي استاذني من الست ريري وروحي النهارده بدري، لازم يابت تجهزي نفسك وتحضري اكل وتجيبي شويه حلويات وحاجه ساعقه.
خوخه بتنهيده: اهدي ياعفاف، انا امبارح روقت الشقه ووصيت امي تبعت للواد حمودي يجيب ازازه حاجه ساقعه وامي تحطها في الثلاجه وموصيه عطيه الفاكهاني يجيب تسويقه فاكهه ويبعتها لامي تغسلها وتحطها برضو تسقع في الثلاجه.
عفاف بجديه: طيب وانتي مش هتجهزي نفسك ولا ناوي تقابلي زين بيه كده وتنظر لها من اعلي الي اسفل بنظرات عدم الرضه.
خوخه بجديه : وماله شكلي ياعفاف؟.
عفاف بغيظ: اعملي اللي عايزها، لكن امانه عليكي لما زين بيه يمشي تكلمني علي طول وتعرفني عايز امك في ايه، سامعه ياخوخه.
خوخه بضحك: ماتجي تباتي عندنا النهارده وبكرة الجمعه يعني سهرة للصبح.
عفاف بسرعه: انتي بتقولي فيها، انا هموت واعرف زين بيه عايز منك ايه ههه، لكن انتي عارفه امي هتقف لي علي الواحده وتقولي عيب.
خوخه بسخرية: يعني هي اول مرة يابنت تباتي عندنا.
عفاف بغيظ: من بعد كلام اللي ماتتسمي مرات ابوكي وامي بقت محرج عليا وتعمل لكل خطوه ليا حساب ودلوقتي كل شويه تقولي احنا ملناش الا سمعتنا في الحاره.
خوخه بتنهيده: عندها حق والله، مرات ابويا عابت فيا وفيكي وقالت كلام قدام الخلق في حقنا، لكن هقول ايه حسبي الله ونعم الوكيل ربنا يمهل ولا يهمل.
بعد عده ساعات...
في شقه خوخه....
تفتح امل الباب لتتفاجا بزين فقد جاء مبكرا عن موعده وبسرعه تنادي امل علي جارتها اعتماد ويخرج راجل كبير في منتصف الخمسينات وبجانبه امرأة في اوائل الخمسينات .
امل بترحيب: اتفضل يابني بيتك ومطرحك ادخل مفيش حد غريب ده الحاج رضوان جارنا اللي ساكن قصادناويعتبر اللي مربي بنتي خوخه وزي اخويا يعني انت عارف انا مطلقه وعايشه لوحدي مع بنتي وماينتفعش اقابلك كده لحالي.
الحاج رضوان بترحيب: اتفضل يابني.
زين بإبتسامة: انا بعتذر اني جيت بدري عن معادي لكن..
الحاج رضوان بإبتسامة: بيتك ومطرحك ويدخلوا الثلاثه ويغلقوا الباب يجلس الحاج رضوان امام زين وفي الجهه الاخري تجلس امل ويبدو عليها الحيره من زين بيه فهي لحد الان لا تعلم الهدف من زياته ومايريده من ابنتها فهي من اول ماكلمتها خوخه عنه وينتابها القلق والخوف منه ولكن بعد ان راته في المستشفى ارتاحت قليلا فهو ليس كمثيله من الاغنياء الذين يتربصون بالفتيات فيقومون باغرائهم بالمال وبعض كلمات الحب ليناولوا عرضهم ثم يلقوهم كالقمامه.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
