ادعوا لاخواتنا في فلسطين والسودان......
لا حول ولاقوة الابالله العلي العظيم 🌺.....
في اليوم التالي....
خوخه وهي علي سجاده الصلاه...
يارب ارحمها واغفر لها وصبرني علي فراقها ، وحشتيني اوى ياماما ههههي ومن غيرك مش عارفه اعمل ايه، روحتي وسبتني لوحدي هههي .
سها بحزن: وحدي الله ياخوخه، الله يرحمها كانت ست طيبه والكل بيشهد بده،واكيد دلوقتي بتتهني في الجنه ونعيمها.
خوخه بحزن: لا اله الا الله.
سها بحب: تعالي افطري، حضرتك شويه فول وطمعيه انما ايه عسل وعيش سخن طازه الواد محمد اخويا لسه جايبه من الفرن و جرجير طازه .
خوخه وهي تقوم وتلم سجاده الصلاه وتطبقها وتخلع اسدال الصلاه وتضعه علي الكرسي مليش نفس، كلي انتي ياسها بالهنا والشفا.
سها بحزن:كده ياخوخه طيب والله لو ماكلتي معايا، لاكون مخصماكي وزعلانه منك هاااا.
خوخه بحب: خلاص هاجي اكل، مقدرش علي زعلك.
سها بحب: انتي عارفه ياخوخه ،انا بعتبرك اختي ومعتزتك في قلبي اكتر من اخويا محمد، ااه لو كان ينفع اجوزك الواد محمد هههي.
خوخه وهي تاكل لقمه فول: اتجوز عيل صغير ياسها.
سها بتنهيده: لو ياختي، اهااا اعمل ايه نصيبي كده،الواحدة يكون الفرق بينها وبين اخوها سنه اتنين مش اثنين عشر سنه، والواد من وقت ماجه لاغي وجودي قال ايه الناس تنادي على امي ياام محمد اه اشكيلك ايه ولاايه،انتي عارفه الواد الصغير ده بيقولي انا راحه فين وجايه منين ومتاخريش ههه.
حوخه بضحه مكتومه.. ااهه
سها بحزن مصطنع: اضحكي، ماانتي ماسمعته وهو بيؤمرني.. ابو نص لسان... ريييح فين ياسها، ده ابويا الحج رضوان اللي الحاره كلها بتعمله حساب مش بيعمل معايا كده.
خوخه بحب: محمد ربنا يخليه ليكي، يابت العيل الصغير بكرة يكبر ويكون سندك وظهرك وبكره تقولي خوخه قالت، وبعدين مش احسن من حالي، الاسم عندي اخ والفعل مفيش.
سها بحزن لنفسها: ربنا يعوضك بخطيبك، انا حاسه بيكي ابوكي زي الغريب لاجه ولا وقف جنبك، واخوك اللي المفروض يقف جنبك عمل زيه ياعيني عليكي ياخوخه، وربنا يرحمك ياخالتي امل كنت كل دنيتها. وبنظر امل
تقول لخوخه: بس يابت ربنا عوضك بخطيبك الاستاذ زين، بسم الله ماشاء راجل شهم وجدع، وقف امبارح ياخد العزاء واتكفل بمصاريف كل حاجه من اول تصريح الدفن لغايه اجر المقرئ والفراشه، و الست والدته العسل والله اللي يشفها مايديها سنها، يابختك حماتك ست طيبه و...
خوخه بحزن: يابت كفايه رغي وكلي لقمه.
سها بحب: بعملك جو ههه، انا عارفه امي مقعداني معاكي، عارفه اني الوحيدة اللي اقدر اخرجك من الحزن،كلي كلي محدش واخد منها حاجه.
أنت تقرأ
كيف احب شبيهتها ❤️🩹؟...
Narrativa generaleباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
