ادعوا لاخواتنا في فلسطين و السودان.....
لا حول ولاقوة الابالله العلي العظيم 🌺......
في منزل فرح....
تجلس سلوي (والدة فرح) مع انجي.....
سلوي بابتسامه: نوراتنا وشرفتنا ياست انجي ، اتفضلي الشاي...
انجي بابتسامة: انا اللي اتشرفت بمعرفتك امال فين البنات؟.
سلوي بسرعه: كل واحده في بيتها وفرح في الورشه وبسمه عندها امتحانات وطول النهار قاعده في غرفتها، استني هروح انادي عليها تسلم عليكي.
انجي بسرعه: سبيها تذاكر براحتها، وماتشغليها، ربنا ينجحها وتشفيها احسن دكتوره في الدنيا.
سلوي بفرحه: امين يارب وتنظر للشنط والاكياس اللي بجانب باب الشقه وتقول مكنتش ليه لزوم تجييي حاجه، احنا دلوقتي اهل ومفيش بينا تكلفه.
انجي بابتسامة: جبتي المفيد ياام فرح، بقينا اهل واكتر لكن لامتي هنفضل كده، بصراحه من غير لف ولا دوران ، حسام مستعجل وعايز يحدد معاد الفرح وانا نفسي ومون عيني، افرح بيه واشوف ولاده بيتنطوا حوليا مع ولاد زين.
سلوي بسرعه: وده نفس اللي بتمناه لبنتي فرح، كنت خايفه اموت ولا يجري ليا حاجه من غير ماطمن علي فرح، خايف لو حصل ليا حاجه تنسي نفسها وتفضل وحدانيه، فرح بنتي طول عمرها شايله مسئوليه اخواتها وناسيه نفسها و والله ماليكي عليا حلفان انا فرح بخطوبتها اكتر من اخواتها المتجوزين، لكن اعمل ايه، ادي الله وادي حكمته، اخواتها من وقت الخطوبه، متغيرين وقالبين علي فرح وعايزين يبيعوا الورشه،و فرح بنتي روحها في الورشه ولا هتوافق تبعيها.
انجي بجديه: بصي ياام فرح، الورشه موضوعها سهل ومش محتاج كل المشاكل دي، وطبعا انتي ست وعارفه ربنا، بناتك من حقهم ياخدوا حقهم في الورشه بشرع ربنا، وانتي ست العرفين، كل واحد حر في حقه.
سلوي بسرعه: لكن يا ست انجي، الورشه اخر حاجه من ريحه المرحوم ابو فرح، الف رحمه ونور تنزل عليه.
انجي بجديه: ربنا يرحمه، لكن ده ورثهم ياام فرح وحقهم، يرضكي ابوهم يكون زعلان في قبره وبيتعذب، وهو شايف بناته بيتخانقوا وفيه مشاكل علي الورشه، لو كان عايش كان ده هيكون نفس كلامه.
سلوي بسرعه: لكن البنات خدوا حقهم وزياده، اتجوز وبتوصل ليهم كل اول شهر شهريه و فرح وبسمه يعني لسه مااتجوزا ومن حقهم برضو يتجهزوا زي اخواتهم، انا حاسه اني بظلم بسمه وفرح.
سلوي بابتسامه: ياام فرح، فرح بسم الله ماشاء، ربنا رزقها بواحد ابن حلال متسربع عليها وبتمني لها الرضا ترضي، وبسمه بسم الله ماشاء الله هتكون دكتوره كبيره وتفتخري بيها، مش كل رزق فلوس ياام فرح، في رزق تعليم وصحه وزوج مطيع، اتكلي علي الله وادي لكل بنت حقها.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
