ادعوا لاخواتنا في فلسطين والسودان.....
لا حول ولاقوة الابالله العلي العظيم 🌺...
في الحاره....
يقف الحاج رضوان مع منصور (جار الست امل) ينصبان فراش الخطوبه في الحاره وتطل امل من الشباك وتقول بحزن: تعالي شوفي يابنتي الغريب واقف جنبا وابوكي شايل ايده من كل حاجه.
خوخه بتنهيده: النهارده العريس هيجي واهله ياماما بلاش تنكدي علي نفسك وعليا انتي اكتر واحده عارفه بابا، هيجي يرسم نفسه بالليل ويمشي ومش هيطلع من جيبه مليم واحد.
امل بحب: الحمد الله يابنتي كنت شايله قرشين علي جنب والا كنا اتفضحنا وكتر خيره الحاج رضوان عمل الفراشه علي حسابه ورفض ياخد مني حاجه وباقي الفلوس جبتي فستان جديد تقابلي بيه عريسك والحاجات الساقعه والجاتو لكن يابنتي هنعمل ايه في جهازك و....
خوخه بحنان: ماتشيلي هم ياماما، الحج رضوان قال ان زين عنده فيلا جاهزه واكيد يعني مش هحتاج حاجه.
امل بسرعه: لا محتاجه يابنتي، هو فيه عروسه هتدخل كده من غير فرش ولا هدوم ده حتي هيبقي عيبه في حقنا وكمان عريسك غني وهتحتاجي هدوم حاجه كده عليها القيمه عشان تباهي بيها، الناس الاغنيه بيحبوا المظاهر يابنتي وانا مش عايزاكي تحسي انك قليله.
خوخه بحب: سبيها علي ربنا ياماما.
امل بتفكير: هو مفيش غير حل واحد انا هعمل جميعه كبيره وهقبضها اول واحده وهسد فيها براحتي وانتي عارفه ستات الحاره بيحبوني وبتمنوا ليا الرضا ارضي.
وفجا يسمعان الاثنان طرق علي الباب.. فتذهب خوخه لتفتح الباب
الحج رضوان بحنان: خدي يابنتي الحاجات دي دخليها المطبخ.
خوخه بحرج وهي تحمل الاكياس: ليه تاعب نفسك يا حج و...
الحج رضوان بسرعه: تعب ايه ياست البنات انتي مش عارفه معزتك عندي ولا ايه ياخوخه.
امل بحرج: بس ياحج رضوان ده كتير كفايه عليك الفراش و...
الحج رضوان بابتسامة: عيب ياام خوخه، خوخه معزتها من معزة بنتي سها، شويه و مراتي هتطلع لو فيه حاجه كده ولا كده تعملهاو تساعدك في المطبخ والترويق والبت سها هتيجي تقعد مع خوخه تضبطها امال ايه لازم العريس يجي ويكون كل حاجه جاهزه علي سنجه عشره.
امل بامتتنان: ربنا يخليكي لينا ياحج وتفرح قريب بسها والله مش عارفه هرد جمايلك ازاي.
الحج رضوان بحب: جمايل ايه يا ام خوخه احنا جيران والنبي وصي علي سابع جاره مش جيران حيطه واحده، عن اذنك هنزل اشوف شغلي وانشاء الله هطلع مع العريس امال ايه انا بنفسي هستقبل وارحب بيه...
ويرحل...
خوخه بدموع: شايفه يامه الغريب احن علينا من ابويا.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
