ادعوا لاخواتنا في فلسطين 🇵🇸......
بعد مرور كام يوم.....
زين بجديه : محسن مين؟.
المتصل: محسن واحد من نفس الحارة اللي ساكنه فيها وبيعاكسها في الراحه والجايه وفي كلام انه عايز يتجوزها ياباشا وابوها موافق لكن امها هي اللي رافضه عشان اخلاق الولد وشغلته.
زين بجديه: وشغلته ايه؟.
المتصل: يعني بييبع مخدرات يابيه برشام وحشيش و...
زين ببرود: عايز ماسمعش حاجه عنه ياعدي انت فاهم.
عدي بطاعه: تحت امرك يابيه.
زين بجديه: لو فيه حاجه حصلت عرفني علي طول ولو فيه واحد اتعرض لها شوف شغلك معاه.
عدي بطاعه: حاضر يابيه.
بعد يومين....
تاتي خوخه من الخارج وتقول بفرحه: شفتي ياما الكلام اللي بيتقال في الحارة محسن اتقبض عليه واخيرا ارتحت من رزالته في الراحه والجايه.
امل بجديه: ادي اخرة المشي البطال يالله عقبال ماتنظف باقي الحارة من اللي زيه، وابوكي كان عايز يجوزه ليكي، عشان ياعيني تبهدلي معاه في القسام ، الحمد الله يابنتي ربنا بعده عنا، ولما يخرج حلني بقا كام سنه في السجن، يكون ربنا رزقك بابن الحلال.
خوخه بدلع: عايزه تخلصي مني ياماما.
امل بحب: اخص عليكي ياخوخه والله لولا اني نفسي افرح بيكي، كنت خليتك قاعده معايا، لكن يابنتي الجواز قسمه ونصيب ومسير كل بنت لبيت جوزها.
خوخه بحب: ربنا يخليكي ليا وميحرمنيش منك انا هروح اغير هدومي واجي.
امل بسرعه: خوخه صاحب البيت جه النهارده وعايز الايجار المتاخر وكمان بتاع الشهر ده.
خوخه بحب: بعد يومين هقبض ياماما وهعطيه الايجار كلها وشهر مقدم كمان.
امل بسرعه: والمرتب هيقضي يابنتي كل ده وكمان مصاريف البيت وعلاجي ومياه ونور.
خوخه بحب: ماتشيلي هم ياماما، الست ريري هتقبضني الفين جنيه مكافاة علي المرتب هيكون معايا ان شاء الله خمس الآف جنيه هدفع الايجار كله هيبقي الفين ونص اهو يمشوا البيت لاخر الشهر.
امل بحزن: كان نفسي احوشلك قرشين علي جنب لجهازك لكن اللي جاي علي قد اللي رايح والحمل تقيل عليكي وابوكي من وقت ماطلقني ماصرفش عليكي قرش يالله ربنا يسامحه.
خوخه بحب: الحمد الله ياماما عايشين مستورين وبكره الامور تتعدل مشكله الايجار خلصت وهخلص عمي محمود البقال الشهر الجاي ويبقي مافيش ورانا اي ديون والمرتب كله هيتصرف علي البيت.
امل بحب: روحي يابنتي غيري هدمك وانا هحضر العشاء.
خوخه بحب: حاضر ياماما.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
