ادعوا لاخواتنا في فلسطين و السودان.....
استغفر الله العظيم واتوب اليه ❤....
موظفه الاستقبال: احم احم احنا اسفين يافندم، اتفضلي الاسانسير علي الشمال وزين بيه منتظرك وفجاه يفتح باب الاسانسير ويخرج زين بلهفه لينظر لخوخه عده مرات ويقول بابتسامه: مش مصدق نفسي من المفاجاه، اتفضلي معايا ويذهب اليه ويمسكها من يدها ويلاحظ انها تحمل في يدها حقيبه فياخدها منها ويحملها برفق ويسحبها ويدخل الاسانسير...
تلتف الفتاتان لبعضهم البعض في دهشه، فتقول الاولي للثانيه: انتي شايفه اللي انا شايفاه، زين بيه طلع متجوز.
فترد الاخري: ده كلامها طلع صح، زين بيه نزل بنفسه يستقبلها، لا وكمان شال الشنطه اللي كانت في ايدها، الموضوع ده مش لازم نسكت عليه، لازم الشركه كلها تدري بالخبر ويعرفوا ان زين بيه اتجوز ومراته موجوده في الشركه.
فترد زميلتها باعتراض: استنى ياغبيه، يمكن يجي الموضوع علي دماغنا في الاخر، واحنا مش ناقصين قطع عيش، مش هنلاقي فرصه تانيه نشتغل في شركه كبيره وبالمرتب الكبيره ده.
الموظفه الاخري: ونسيب الشغل ليه، هوالموضوع سر وانا مش واخده بالي وتمسك الهاتف وتتصل بعده ارقام وتنظر الاخري لها في غيظ من تصرفات زميلتها وتهورها، وتدعوا المولي في سرها الموضوع يعدي علي خير.
... وفي الاعلي...
في مكتب زين....
زين بسعاده: انا مش قادر اوصف سعادتي بالمفاجاه، اول ماعرفت انك موجوده في الشركه وانا كنت هطير من الفرحه، مفاجأة جميله وينظر لاعلي ولاسفل ويقول بس ايه الحلاوة دي، انا اسيبك كام يوم ارجع الاقيكي احلويتي، الفستان هياكل منك حته.
خلود بخجل: شكرا..
زين بغمزه : لا بجد ايه الحلاوه دي، هتخليني اندم اني ماجل دخلتنا.
خلود وهي تحاول ان تغير الموضوع: احم احم، انا استاذنت من ماما انجي وهي وافقت اجي اعدي عليك في الشركه، واتغدي معاك وبالمره اطمن عليك لانك وحشتني...
زين بسرعه يقترب منها ولم يبقي بينها اي مسافات، فتبلع خلود ريقها بصعوبه وفي نفسها تتمني الهرب وبسرعه تمسك حقيبه الطعام وتهب لتفرغ محتاويتها لكن...
زين بابتسامة: براحتك ياعمري، الشركه وصاحب الشركه تحت امرك، بس ايه الشنطه دي؟.
خلود بابتسامه: حزر فزر؟.
زين بحيره: اممم شنطه كبيره مربعه، علبه هدايا لالا انا شاممم ريحه محشي، اياك يكون اللي في بالي .
خلود بحب: عملتلك محشي ورق العنب وصنيه مكرونه بشاميل ومانسيتش ام علي اللي بتحبها.
زين : محشي وبشاميل مره واحده وكمان ام علي، اكيد ماما اللي وصيتك عليا.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
