ادعوا لاخواتنا في فلسطين 🇵🇸....
في صباح اليوم التالي....
حسام بجديه: انا سيبتك امبارح تفكر في اللي هتعمله، لكن برضو انا مش معاك يازين، لازم الاول تعرف خلود كل حاجه عن نرمين قبل مايحصل بينكوا اي ارتباط.
زين بجديه: مش وقته ياحسام، الاول اتقدم لها واتاكد من مشاعرها وبعدين لما الاقي الفرصه المناسبه هقول لها علي كل حاجه.
حسام بسرعه: انتي كده بتنبني سعادتك علي وهم يازين، حط نفسك مكانها كده لو اكتشفت انك بتحبها عشان شبه مراتك اللي ماتت هيكون شعورها ايه وقتها.
زين ببرود: يمكن تكون صوره من نرمين لكن مافيش وجه مقارنة تاني، خلود عمرها ماهتكون نرمين ياحسام ولا عمرها هتاخد مكانه نرمين اللي في قلبي.
حسام بجديه: انا نصحتك يازين وانت حر، انا هسبقك للشركه،عندي ميتنج مهم .
يرحل حسام ليظل زين يفكر في كلام حسام ليقطع تفكيره اتصال من عدي...
عدي بسرعه: الحق يابشا الانسه خلود.
يقف زين ويقول بقلق: فيه ايه ياعدي حصل حاجه لها؟.
عدي بجديه: مرات ابوها ماسكه في خناقها قدام الحارة و...
زين بغضب: ماتكمل حصل ايه؟.
عدي بقلق: الانسه خلود دلوقتي مغمي عليها واتنقلت للمستشفى.
ونرجع بالوقت نصف ساعه عشان نعرف اللي حصل في الحاره بين زهرة وخوخه...
تنزل خوخه مع عفاف كالعاده مبكرا للذهاب للشغل في فيلا سامر المنشاوي..
زهرة من خلفهم بصوت عالي وفي نص الحاره: علي فين العزم انشاء الله يابنت جوزي؟.
تلتفت خوخه وعفاف في نفس الوقت و تقول لها: علي الشغل يامرات ابويا، فيه حاجه؟.
زهرة بمكر: صحيح ماهي سايبه، بعد ماابوكي ساب امك وطلقها، ساب الحبل علي الفاضي وتقدري تخرجي وتطلعلي ولا كأن فيه راجل يشكمك.
خوخه بغيظ: يافتاح ياعليم، انتي جايه تتطلبي شكل علي الصبح ولا ايه مرات ابويا.
عفاف ببرود: فيه ايه ياام علي هو شغل جر شكل وخلاص ماتخليكي في حالك وتسبينا نروح نشوف شغلنا .
(زهره كانت متجوزه قبل ماتتجوز عاطف ومخلفه بنت واسمها سلمي ولما اتطلقت واتجوزت عاطف خلف منه ولد وسميته علي)
زهرة بسخرية : شغل يابنت سميرة ههه عليا الكلام ده ولا فاكرني بدق طبول ههه.
ام محمد( ام عفاف) من البلكونه: ماتلمي نفسك زهرة لاما هنزل امسح بيكي الحاره.
زهرة بصوت عالي: ماتنزلي تشوفي بنتك يا ام محمد بترد عليا وبعدين انا بتكلم مع بنت جوزي، بشوفها راح فين وجايه منين مش حقنا برضو ولا ايه ؟.
أنت تقرأ
كيف احب شبيهتها ❤️🩹؟...
Fiction généraleباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
