ادعوا لاخواتنا في فلسطين و السودان.....
لا حول ولاقوة الابالله العلي العظيم 🌺......
يتلقي كلا من فرح وحسام التهاني من الجميع ووسط التهاني والمباركات ينظر زين لخلود وبحب يمسك يديها ويقول بكره هعوضك وهاعملك احلي فرح وهعوضك الظروف اللي انكتب فيها كتب كتابنا.
خلود بحب: انا مش زعلانه بالعكس، افتكرت كلامك ليله دخلتنا ودلوقتي فهمت ليه اجلتها ، يمكن كنت هحس دايما بالحزن او بالنقص لما احضر فرح او كتب كتاب وافتكر ا...
زين بهدوء: بلاش تفكري باللي راح المهم الجاي، تعالي نبارك لفرح وحسام .....
بعد تلقي التهاني والمباركات اصر حسام ان يعزم الجميع علي عشاء بمناسبه كتب الكتاب ولكن الحج راشوان وسلوي اصروا علي الرحيل وياخد حسام فرح ويتعشوا معا ولكن شرط عدم التاخير ويرحل الجميع
وفي الفيلا.....
كالعاده يجلس زين مع خلود في البراندا يتسامرون للصبح، فالغد الجمعه عطله وتعويضا عن ايام انشغال زين.. فيقرروا الاثنان الاعداد للفرح بعد الانتهاء من الصفقه، وظل الاثنان يتحدثنان حتي بزوغ الشمس..
زين بابتسامه: شوفي النهار طلع و الكلام خدنا وما حسينا بالوقت، يالله تعالي ننام شويه ولما نقوم نخرج مع بعض وافسحك فسحه تعوضك عن سفرري.
خلود بصدمه: هتسافر!.
زين بسرعه: هسافر لندن كام يوم، لازم اقابل الكلاينت بره واخلص الصفقه، تعرفي ياخوخه، لو الصفقه الجديده رست عليا، الشركه هتنقل نقله كبيره من شركه مصريه الي شركه عالميه ونبدا بنزنس علي مستوي عالي وننافس الاسواق العالميه بمنتجات مصريه، ينظر لخوخه فيجدها حزينه فيقول بحب كان نفسي اخدك معايا لكن غصب عني هيكون مشغول علي طول ومش هقدر اكون معاكي ومش عايز اول مره ليكي تقضيها في الفندق لوحدك، لكن وعد عليا هخليكي تلفي العالم كله معايا.
خلود بحب: تروح وترجع بالسلامة، كلمني كل يوم وطمني عليك وخلي بالك على نفسك واياك واحده خواجايه تاخدك مني.
يضحك زين من غيرتها ويقول: عيب اسيب بنت بلدي واروح ادور علي اجنبيه وبعدين انا عندي وقت، انا رايح في شغل.
خلود بغيظ: يعني لو كان عندك وقت كنت هتخوني.
زين بسرعه: اخونك مره واحده، خوخه هي اللي في القلب ومستحيل اخونك، قومي ياخوخه نامي وبكره هنخرج مع بعض.
حست خلود من نبره كلام زين انه زعل منها ولامت نفسها علي تسرعها : انت زعلت مني والله غصب عني، انا بغير عليك وخايفه واحده خواجيه تاخدك مني.
زين بجديه:تاني ياخلود بتعيدي كلامك، انا مش عيل ياخلود، انا راجل محترم ومستحيل اخون وبخاف من ربنا وانا لما فكرت فيكي دورت علي الحلال ودخلت البيت من بابه وطلبتك من اهلك فتفكيرك فيا غلط، لازم تثقي فيا و... فجا تبكي خلود فيقف زين ويقترب منها ويمسح دموعها ويقول بحنان ليه الدموع دي بقا،انا اللي مفروض اخد علي خاطري منك.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
