أشتقنا لناس كانت سعادتنا ..كانت حياتنا .. كانت كل شئ...
في فيلا العامري...
بعد مرور شهر...
حسام بحزن: زين عامل ايه دلوقتي ياطنط انجي؟.
انجي بحزن: من يوم الحادثة هو قافل على نفسه غرفته ورافض يقابل حد، حتي الاكل باكله بالعافيه هههي.. انا خايفه عليه ياحسام،نفسي يتخطي حالة الحزن.
حسام بحزن: انا حاولت اتكلم معاه ياطنط عشان يرجع الشغل من تاني، كل حاجه في الشغل واقفه علي امضته.
انجي بحزن: انا مش عارفه اعمل ايه، غلبت افهمه ان موت نرمين كان قضاء وقدر، لكن محمل نفسه مسؤليه موتها.
حسام بجديه: الضابط كارم اتواصل معايا انهارده، وعرفني ان سائق النص نقل كان شارب مخدرات وهو سايق، وطبعا شاهين بيه ماسكت من ساعه ماعرف وقلب الدخليه علي السواق، وشكله كده هياخد اعدام.
انجي بحزن: لا حول ولاقوة الابالله، حاول ياحسام تتكلم مع زين، وعرفه ان ملهوش ذنب في حاجه، انا نفسي ابني يرجع زي الاول، يخرج ويشوف شغله ويكمل حياته.
حسام بحب: اهدي ياطنط عشان صحتك، وانا هطلع اتكلم معاه وربنا يسهل...
في شقه خوخه..
خوخه بغيظ: انا تعبت من الرجل اللي مايتسمي مختار صاحب المحل.
أمل بقلق: عمل ايه المنيل علي عينه، اياك يكون حاول يتحرش بيكي.
خوخه بغضب: هو يقدر ياماما، انا كنت كسرت ايده، و فرجت عليه اللي يسوي واللي ما يسوي، الراجل الشيايب، في الراحه والجايه يعاكس فيا ويكلمني عن الجواز شويه عرفي وشويه هيتجوزني رسمي واجيبلك واعملك، وامبارح جاب ليا سلسله دهب وقال ايه عايز يخرج معايا فاكرني من اياهم .
امل بغيظ: الراجل الناقص عايز يشتريكي بالدهب، لا ياخوخه الموضوع زاد عن حده يابنتي ، انتي لازم تسيبي الشغل عنده،اخايف يعمل فيكي حاجه .
خوخه بحزن: وهاعمل ايه ياماما في مصاريف البيت والكهرباء والمايه، هو سهل الاقي شغل بالسرعه دي، ده القبض يدوبك بيقضي بالعافيه.
أمل بحزن: انا هرجع اشتغل خياطه تاني واساعدك يابنتي.
خوخه بحزن: لا ياماما عشان صحتك، انا بكرة هنزل ادور على اي شغل، انشاء الله خادمة في البيوت.
أمل بحزن: شيلتي الهم بدري يابنتي، ربنا يوفقك لك ولاد الحلال ويبعد عنك كل شر يابنتي.
خوخه بحب: ربنا يخليكي ليا ياماما، عشان الدعوة الحلوه دي هقوم اعملك احلي كوبايه شاي.
في غرفه زين...
يجلس زين في الظلام ويتذكر اخر لحظات مع مراته نرمين قبل مغادرتها الفيلا....
زين بحزن: انا السبب في اللي حصل لك يانرمين، اتعصبت عليكي وخليتك تسيبي الفيلا وفجا يسمع طرق علي باب غرفته....
زين بصوت عالي: مش عايز اقابل حد، ياريت تسبوني في حالي.
حسام من خلف الباب: انا حسام صديقك يازين، افتح يازين عايز اتكلم معاك شويه.
زين بحزن: امشي ياحسام مش عايز اقابل حد، عايز اقعد مع نفسي.
حسام بغضب: افتح يازين الباب، عشان خاطر والدتك اللي نفسيتها متدمر وهي شايفه ابنها الوحيد بيضع قدامها، وشغلك اللي تعبت فيه هيضيع، حياتك مش هتقف عند موت نرمين، لازم تقوم وتخرج وتكمل حياتك.
يقوم زين يفتح الباب ويقول لحسام بغضب: انت مش فاهم حاجه نرمين ماتت وهي زعلانه مني، انا السبب فى خروجها من الفيلا، لو كنت منعتها او روحت وصلتها بنفسي ما كانت ماتت.
حسام بجديه: لا يازين ماكنت هتقدر تمنع موتها لان ده عمرها ومش هتقدر تمنع موتها مهما حولت.. وقال تعالى: وَلَنْ يُؤَخِّرَ اللَّهُ نَفْساً إِذَا جَاءَ أَجَلُهَا.
زين بدموع: انا حاسس ان بعد موت نرمين، حياتي انتهت.
حسام بحب: اهدي يازين، لسه قدامك مستقبلك ياصاحبي ويمكن تقابل بنت تحبها وتحبك وتقدر و
تنسيك نرمين.
زين بعصبيه: انا لا يمكن انسي نرمين ياحسام ولا قلبي هيدق لواحده غيرها.
حسام بحنان: الوقت هيعالج كل جروحك يازين، ارجع لشغلك ولحياتك القديمه.
زين بحزن: مش قادر ياحسام، دايما بفكر في نرمين ومش هقدر اركز في حاجه.
حسام بهدوء : الشغل هينسك كل حاجه يازين.
زين....
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
