ادعوا لاخواتنا في فلسطين والسودان....
لا إله إلا الله سبحانك إني كنت من الظالمين...
في شقه خلود....
سها بضحك: يابت فضفضي معايا والله ماهروح اقول حاجه لامي وسرك هيكون في بير.
خلود بتعجب: هتحلي كل مشاكلي ياشارمك هولمز.
سها بسرعه: واحل ابوها،بس انتي احكي، ايه حكايه خطيبك ومراته وايه اللي مزعلك منه.
خلود بحزن: الحكايه ياستي من طقط...... الي سلام عليكوا..
سها بدهشه: ده حكايه غريبه ولا بتاعه الف ليله وليله وصدق اللي قال يخلق من الشبه اربعين، يعني فيه اتنين يطلعوا شبه بعض للدرجه اللي بتوصفيها، لكن برضو هرجع واقولك زعلانه منه ليه وشايله تاجن ستك علي راسك ليه وممصمه تفسخي الخطوبه.
خلود بحزن: يابت شبه مرااته...
سها بجديه: المرحومه ياختي، الست ماتت وشبعت موت، ولا الغيره كمان من الميتين.
خلود: هغير من ميته ياسها، لا انا زعلانه انه اختارني عشان شبها.
سها: يابت ياخايبه مايمكن الشبه الكبير اللي بينكوا، بيكون سبب من عند ربنا عشان يجمعكوا مع بعض وبعدين ياختي جوزك علي ماتعوديه وابنك علي ماتربيه وشاطرتك تاكلي عقله بالهشك بشك.
خلود بغيظ: ياسلام وكانت نفعتك الهشك بشك لما اطلقتي وتنظر لوجه سها الذي تغير وجها 180 درجه واختفت الابتسامه اللي كانت تزين شفتيها وتلالات الدموع في عينيها...خلود بسرعه: انا اسفه والله،ماكان قصدي اجيب سيره الموضوع سامحني ياسها زله لسان.
سها بحزن: انا مش زعلانه علي طلاقي بالعكس انا فرحت، من وقت مااطلقت وانا رفضت افتح سيره الموضوع ولا اجيب سيره المخفي طليقي،كنت بسمع الناس بتجيب بسيرتي والكل بيسال ويقول ليه اطلقت بالسرعه دي،البت ياعيني،مالحقت تعمر في بيت جوزها شهرين، لكن ياخلود انا ماعملتش حاجه غلط، شاب اتقدملي ولاقيته اخلاق ومحترم، قلبي حبه وبعد الجواز لاقيت انسان تاني، مدمن وبتاع مخدرات وحتي الشغل سابه وقال ايه خلي ابوكي يصرف عليكي وكلام وضرب واهانه ويجي يصالحني اسامحه، اتكرر الموضوع مرة واتنين وثلاته واسامح، يقولي غصب عني، انا مش بكون في وعي وسامحني ياحبيبي واسامحه لحد ليله سوداء، لاقيته بيسرق دهبي وانا نايمه من الدولاب ولما واجهته قال مزنوق في قرشين وعايز يبيعه، وطبعا خمنت عايز فلوس عشان يصرفه علي الهباب اللي بيشربه ولما وحاولت امنعه، اتهجم عليا وضربي لحد ماعدمني العافيه وبعدها خد الدهب وطفش،وسابني مرميه علي الارض ولا فكر يكلف نفسه يطمن عليا او يطلب دكتور او ياخندني علي اقرب مستشفى،بعد محاولات مني قومت وانا بتوجع في كل حتة في جسمي، لبست الاسدال وسترت نفسي ونزلت ههه... هيههي مش عارفه وصلت لهنا ازاي وقعت من طولي علي باب شقه بابا، وبعد مافوقت، كان بابا وداني المستشفى والحمد الله قعدت كام يوم وخرجت وبعدها ابويا عرف كل حاجه .
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
