يخطئ القلب لحظه..فـيعاقبه العقل سنين..
زين بصدمه: انت بتقول ايه انت اكيد بتكذب.
المتصل: انا الضابط كارم وبتكلم دلوقتي من المستشفى، مدام نرمين عملت حادثه ودلوقتي هي في غرفه العمليات.
زين بقلق: انا جاي بسرعه، هي في اي مستشفى؟.
الضابط كارم: مستشفي...
زين: حاضر مسافه السكه واكون عندك.. ينهي المكالمه ويصعد لغرفته ويرتدي هدومه بسرعه وينزل علي السلم وهو مازال يزرر زراير القميص وممسك بجاكيت بدله ويفتح السياره ويلقي الجاكت علي الكرسي بجانبه ويقود السياره باتجاه المستشفى.
في شقه أمل وخوخه...
خوخه بحزن: شايفه ياماما بابا جاي يجوزني لمحسن البرشامجي، ده بدل ما يجي يسال عليا ويطمن عايشه
ازاي وبصرف منين.
أمل بحزن: اسمعني يابنتي ابوكي رمانا من زمان، وراح اتجوز وكل همه دلوقتي مراته التانيه وعياله.
خوخه بدموع: هو انا مش بنته ياماما وزي زيهم.
أمل بحزن: ربنا ينتقم منها جميله بنت عطيات خرابه البيوت، لافت علي دماغ ابوكي وخليته يطلقني، ولما خلفت الواد ممدوح، كلت دماغ ابوكي وبقت الكل في الكل وابوكي نسي نفسه، ما تزعلي يابنتي انا امك وابوكي كمان، وبرشامجي ايه اللي عايز يجوزه ليكي، بكره ربنا يرزقك بابن الحلال اللي يهنيكي ويسعدك، انتي بسم الله مشاءالله جمال وحلاوه وكمان بتراعي امك هو انا هنسي يوم ماتعب ونمت في الفرشة ونزلتي تدوري علي شغل ياحبت عيني وانتي بنت سبعه عشر سنه، شيلتي الهم بدري يابنتي والكلاب طمعانه فيكي.
خوخه بحزن: ليه بتفكري في اللي فات ياماما، احنا الحمد الله ربنا بيرزقنا وعايشين مستورين.
في المستشفى...
يصل زين المستشفى...
في الاستقبال زين بقلق: انا عايز اعرف نرمين مراد في اي غرفه؟.
موظف الاستقبال ينظر لشاشه جهاز الكومبيوتر ويبحث عن الاسم...
موظف الاستقبال: مدام نرمين في غرفه العمليات حاليا في الدور التاني علي الشمال.
زين بسرعه يصعد السلم للدور الثاني ويجد ضابط شرطه واقف امام غرفه العمليات..
زين بقلق: انا زين العامري زوج نرمين مراد، هي عامله ايه دلوقتي؟.
الشرطي: انا الضابط كارم اللي كلمتك في التليفون، مدام نرمين في غرفه العمليات من ربع ساعه، ولسه مافيش اخبار وسواق العربيه مات.
زين بخوف: السواق مات، هو ايه اللي حصل بالضبط؟.
كارم بحزن: حصل حادث كبير علي الطريق، سواق عربيه نقل دخل في عربيه مدام نرمين والسواق مات من الحادث ومدام نرمين اصابتها جروح خطيره في المخ وهي دلوقتي بتعمل عمليه والدكتور بيحاول يوقف النزيف.
زين بحزن: انا السسب كان لازم اوصلها بنفسي لبيت والدها او امنعها تخرج من البيت وهي زعلانه مني.
كارم بحب: حاول تشد حيلك يا زين بيه، و ادعي لها ان ربنا يشفيها وتقوم بالسلامه.
زين بحزن: يارب تقوم بالسلامه، انا بحبها لو حصل لها حاجه انا عمري ما هسامح نفسي.
بعد ساعه....
في شقه أمل وخوخه...
خوخه بحب: انا هقوم اغسل المواعين ياماما واقوم انام عشان عندي شغل بكرة.
أمل بحنان: روحي نامي يابنتي وانا هغسل المواعين قبل ما انام.
خوخه بدلع: ودي تجي يا لولو تغسلي المواعين طيب انا روحت فين.
أمل بحب: ربنا يخليكي ليا يارب وميحرمنيش منك ياخلود يابنت بطني.
خوخه بحب: شوفتي الدعوة دي احلي حاجه في الدنيا ياماما.
في المستشفى...
زين بقلق: اتاخرت في العمليات اوي ياكارم.
الظابط كارم بتوتر: خير انشاء الله يازين.
فجأ يخرج الدكتور من غرفه العمليات...
زين بسرعه: خير يادكتور نرمين عامله ايه دلوقتي؟.
الدكتور بحزن: انا اسف بجد المريضه كان عندها نزيف في المخ غير باقي اصابات جسمها، حاولنا كتير نوقف النزيف لكن...
زين بغضب: مراتي عامله ايه يادكتور؟.
الدكتور: البقاء لله.
زين بغضب: يمسك الدكتور من البالطو ويقول انت اكيد بتكدب عليا، مستحيل نرمين تكون ماتت...
كارم بجديه: زين بيه انا مقدر الموقف لكن الدكتور عمل اللي عليه.
زين بدموع: يترك بالطو الدكتور ويقول بحزن ازاي ماتت، طيب انا هعيش ازاي من غيرها...
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
