ادعوا لاخواتنا في فلسطين 🇵🇸....
أستغفر الله العظيم واتوب إليه من كل ذنب عظيم 🦋💙.....
بعد يومين في حارة شعبيه تقف فرح في الورشه تنهي عربيه حسام بيه وفجا ياتي حسني ويقول بجديه: مش ناويه توافقي يافرح انا شاري يابنت الحلال وشقتي جاهزه وانا راجل كسيب و هريحك من الشقا.
تخرج فرح من تحت العربيه وتقول ببرود: هو كنت اشتكيت لك يااسطي حسني من الشقا وبعدين لما اتجوز واتستت مين اللي هيصرف علي اخواتي وامي.
حسني بغضب: هتفضلي لحد امتي مسئوله عنهم، انتي الحمد الله جوزتي اتنين والتالثه كبرت وبقت دكتوره ولا انتي ناسيه نفسك لما تعنسي وقطر الجواز يفوتك وكل واحده من اخواتك متستت في بيت جوزها ومخلفه عيل واتنين،شوفي نفسك بقا.
فرح ببرود: وانت مالك يااسطي اعنس ولا اتجوز، انا مسؤوله عن اخواتي، ابويا قبل مايموت وصاني عليهم وحتي لو اتجوزوا انا مسؤله عنهم و لازم برضو ابعت لهم شهريه ده حقهم، الورشه مش بتاعتي لوحدي وبعدين انا قولتلك قبل كده، الجواز قسمه ونصيب وربنا يرزقك ببنت الحلال اللي تسعدك، ممكن بقا تسبني اشوف شغلي، البيه صاحب العربيه جاي زمانه يستلمها دلوقتي.
حسني بسخريه: كملي شغل يافرح، خلي الشغل ينفعك ويرحل..
فرح لنفسها: راجل رزل عايزني اتجوزه عشان يقعدني في البيت وياخد الورشه.
ويقطع تفكيرها دخول حسام الورشه....
حسام بصوت عالي: فرح... فرح.
فرح بسرعه: اتفضل يابيه، اسفه كنت بفكر في حاجه،اتفضل يابيه (وهي تشير علي كرسين وامامهم طاوله صغيره تضعهم امام الورشه) ارتاح عقبال مااخلص.
حسام بجديه: العربيه اتصلحت ولا؟.
فرح بسرعه: هشيك عليها، خمس دقايق وكله هيكون تمام تحب تشرب حاجه.
حسام بجديه: قهوه مضبوطه.
بسرعه تلتف فرح للواد حمص وتقول سيب اللي في ايدك و روح بسرعه هات قهوه مضبوطه للبيه من قهوه محروس وخليه يعملها من البن المخصوص وتقول
علي مايه معدنيه، وبسرعةيركض حمص ليلبي الامر...
وعلي القهوه..
يجلس حسني مع صاحبه عماد...
عماد بجديه: ماتسيبك منها ياحسني، دي بنت مسترجله وبعدين البنات علي قفا من يشيل والف واحده تتمناك.
حسني بسرعه: فرح علي قد ماهي مسترجله بس بنت جدعه وكمان حلوه وعندها بيت وورشه ملك.
عماد بجديه: البيت والورشه ليها ولاخواتها ياحسني وبعدين حلوه ايه سلامه نظرك، طول النهار واقفه بين الشحم والزيت ولابسه عفريته هههه، انت ذوقك غريب ياحسني هههه.
أنت تقرأ
كيف احب شبيهتها ❤️🩹؟...
Ficción Generalباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
