ادعوا لاخواتنا في فلسطين والسودان.....
لا حول ولاقوة الابالله العلي العظيم واتوب اليه ❤....
فی الاعلی تجلس خلود علي الفراش تتامل غرفتها الجديده وتشعر لوهله بمدي ثراء زين واسرته وتنظر لنفسها بحسره وتقول انا خايفه الناس تستقل بيا وتقول عليا كلام وحش،اني دخلت علي طمع، انا مكنتش متخيله ان زين غني قوي، ده الغرفه لوحده اد شقتنا كلها وكمان غرفه للبس وانا يدوبك، حيلتي هدمتين ومكسوفه اطلعهم من الشنطه، اه ياما لو كنت عايش كنت اترميت في حضنك وشكيت لك همي هههي وتنهمر الدموع علي وجهها وفجا تسمع صوت طرق علي الباب، بسرعه تمسح دموعها وتقوم تفتح الباب للتفاجا بزين يقف امامها فتتذكر ان الليله ليله دخلتها فتخجل لمجرد التفكير فتتورد خدودها فيلاحظ زين خجلها وبسرعه يقول احم احم ممكن تسمحلي ادخل اتكلم معاكي كلمتين.
خلود بسرعه: اتفضل بيتك ومطرحك، اقصد هتستاذن مني وانا مراتك اتفضل.
زين بابتسامة: تعال نقعد في البرنده وتحكلي ليه كنت بتعيطي؟عنيكي وارمه.
خلود بتردد: مفيش حاجه، افتكرت المرحومة امي، كان نفسي تكون معايا في يوم زي ده، حسيت للحظه اني محتاجه ليه قوي.
زين بهدوء: اقعدي ياخلود.. فتجلس خلود في الكرسي المقابل له في البرنده فتشعر بالسكينه والراحه فالجو ممتليء براحه الزهور التي تمليء الفيلا وتزين البرنده وتعطي طابع بالرقي والجمال وتنظر للاعلي لتري النجوم تتلالا وكانها اول مره تنظر للسماء وبالاضافه الي اضاءه خافته تضيف للجو طابع رومانسي.
يحاول زين كسر الهدوء : عجبتك الفيلا؟.
خلود بابتسامه: حلوه اوي.
زين بهدوء: تحبي تعيشي هنا ولا اجيبلك فيلا جديده.
خلود بسرعه: الفيلا حلوه وكبيره والست والدتك عايشه لوحدها علي الاقل نونسها يعني ده بعد ماتوافق طبعا، وبصراحه انجي هانم بتعاملني كويس وانا والله هعاملها كويس زي المرحومه امي واكتر.
زين بضحك: ده لو سمعتك بتقولي انجي هانم، عارفه هتعمل فيكي ايه هههه، قولها ماما، لو مش حابه ولسه مش واخده عليها، قولي طنط.
خلود بحب: انا بحبها والله ودخلت علي قلبي من اول مره شفتها ولا مره حسيت انها حماتي.
زين بمكر: وابنها الغلبان حبتيه ولا؟.
خلود بخجل: وبصوت خافت حبيته.
زين بمكر: علي صوتك مش سامع قولتي ايه؟.
خلود وقد ازدادت خجلا وتوردت خدودها وحاولت بكل طاقتها ان ترفع صوتها وتقول: بحححبك..
زين بضحكه جميله ارتسمت علي وجه: وانا بحبك وبموت فيكي ياخلود، حبيت فيكي البنت البسيطه اللي مش متكلفه،حبيت طيبه قلبك ، تعرفي انا امتي عرفت بجد اني بحبك لما حسيت انك ممكن تضيعي من ايدي وترفضني بعد ماتعرفي حقيقه نرمين لكن كان جوايا احساس تاني بيقول انك هتوافقي ترتبطي بيا ونكمل مع بعض.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
