ادعوا لاخواتنا فی فلسطين 🇵🇸.....
بعد مرور كام يوم....
في الشارع...
تقف خوخه امام زين وبغضب تقول: انا اسفه يابيه، لو فاكرني من اياهم، لا انا باكلها بعرق جبيني، بقالي فترة ملاحظه نظراتك ليا لكن بكدب نفسي واقول يمكن يكون صدفه او متهيلي، لكن توصل بيك تمشي ورايا، لا اوعي عقلك يجيب شمال وتفكر اني ممكن اجيب معاك سكه و..
زين بسرعه: اسمعني الاول وبعدين احكمي عليا، انا بس طلبت منك اقعد معاكي في مكان عام، لان عندي موضوع مهم وعايز اخد رايك فيه.
خوخه ببرود: يابيه لا عام وخاص، انا عارفه مقامي يابيه،وموضوع ايه اللي هيكون بينا اش جاب لجاب، ممكن تسبني اكمل طريقي .
زين بتنهيده: براحتك ياخوخه، اتفضلي لكن لو غيرتي رايك اتصلي بيا ده الكارت بتاعي وانا لاخر مره بقول انا مش عايز حاجه من اللي قولتيها، انا قصدي حاجه تانيه واعرفي يابنت الناس انا لا يمكن العب عليا او اخدعك.
خوخه بقلق: هو الموضوع في ايه يابيه انا مش فاهمه حاجه.
زين بجديه: بكره اجازتك، ياريت نتقابل في كافي....
خوخه بحرج: هو فين المكان ده يابيه؟.
زين بإبتسامة: تحبي اعدي عليكي بكرة اخدك وارجعك.
خوخه بسرعه: لا لا يابيه، اوصفلي المكان وانا هاجي، انا وافقتك يابيه عشان شكلك محترم وابن ناس.
زين بإبتسامة بكرة في....... ومعاكي الكارت بتاعي لو معرفتش توصلي او غيرتي رايك كلمني انا هنتظرك وبعدها يرحل وهي مازالت مذهوله من الموقف وعلي بعد كام خطوه تقف عفاف تكاد الغيرة تاكل قلبها، فكيف لبنت امل ان تفعل ماعجزت هي عن القيام به برغم اهتمامها بنفسها ولبسها علي عكس خوخه ويقطع تفكيرها خوخه وهي تنادي عليها ليكملوا طريقهم وطول الطريق لا يخلو من اسئلة عفاف وفجا تخرج خوخه عن صبرها وتقول لعفاف انا مااعرف حاجه ياعفاف، البيه عايزني في حاجه مهمه هروح اسمعه لو الكلام ماعجبني خلاص ماحصل اي حاجه.
عفاف بغيظ: انتي هبله يابت، دي فرصه وجت لحد عندك، البيه عينه منك يافالحه وشكل الصنارة غمزه وبعدين حاجه ايه اللي عايز يقابلك عشانها، اكيد مش شغل يعني.
خوخه بجديه: اسمعني ياعفاف، انا واقفت اقابله كم دقيقه وخلاص، عشان اريح نفسي من التفكير وياخبر دلوقتي بفلوس بكره يبقي ببلاش وبعدين لو زي ما بتقولي انا هرفض طبعا،انا الحمد الله بشتغل ومش محتاجه حاجه،واكلها بالحلال احسن ماابيع نفسي.
عفاف بغيظ: فقريه ومين قالك تبيعي نفسك وقعيه وخليه يتجوزك هو انتي تطولي انه يبصلك حتي وبعدين هتلبسي ايه لما تروحي تقابليه وكمان هتقولي ايه لخالتي امل ، انتي ناسيه بكره الجمعه اجازه ومفيش شغل.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
