✳ الجزء 23 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
صباح صباح الجمعة دورات راسها مبقاتش زاينة تنهدات و دورات راسها لقات خلات ليها تيلي ديالها و هزات ديال شامة باش عددا الا صونا ليها اسحاق تجاوبو تنهدات و ناضت من بلاصتها شافت في البلاكار شحااال و مشات فتحاتو هزات سروال جينز اسود مع قميجة و تيشورت بيض و ختارت شال يجي معاه حطاتو و مشات جبدات صبادري ديال زاينة اخر واحد لبساتو قدامو و حطاتو حتى هو تم و خرجات من البيت مشات الصالة و دوزات الخط
شامة:وصلتي
زاينة:وصلت و دابا كنتسنى ندوز عند الطبيب
شامة:زيري راسك اختيتو
زاينة:كوني هانية
(سكتات شحال):عارفة راسي كنستغلك في بحال هذه المواقف ولكن راك عارفة
شامة(حركات راسها و كتحرك القهوة):هبيييلة والله العظيم على اساس نهار لي نحتاجك معنلقاكش حدايا حنا خوت لبعضياتنا
زاينة:عندك الحق
شامة(حسات بالفيبرور جبدات تيلي من ودنها و شافت اسحاق تنهدات):شوفي كحل العفطة ديالك كي صوني
زاينة:يالله نخليك انا نيت عندخل و اااه شامة الله يعطيييك الستر متقصحييييش معاه راني كنعرفك اختي قاصحة قاصحة
شامة:عندير مناقص
زاينة(حركات راسها):صافي ديري لي بغيتيقطعات معاها و شافت في تيلي حتى هو قطع و عاود صونا عليها جاوباتو نيت حيت منين حل عينيه مع 7 صباح مشا المحال دوز على شي طونوبيلات و صلحهم باش يتفرغ لعشية نيت و يخلي غير معلمية صغار شادين الكاراج صافي غير خرج مع 11 دوز ليها الخط ولكن مجاوباتش و ولا عاود حتى داز الخط
اسحاق:زاينة صباح الخير
شامة:صباح الخيرشامة صوتها كيف صوت زاينة غير هو فيه وا الرنة مهدنة شوية و كتدوي بتباتة عكس زاينة و هذه الشي لي خلا اسحاق ميباحظش و بالعكس غير ما زاد رتاح لهذه الصوت اكثر و اكثر و خلاه يزيد يبغيه و يتشبت بيه غمض عينيه و ولا فتحهم و نطق
اسحاق:وقيلة عاد فيقتك
شامة:كنشرب قهوتي
اسحاق(قلبو كي ضرب و مرتاح لهضرة عكس المرة لي فاتت):بصحتك ا الآلة
شامة:شي حاجة
اسحاق:4 تكوني واجدة صافي
شامة(عدوها لي يعطيها الاوامر):لا عنكون مشغولة
اسحاق(عقد غوباشتو): زاينة 4 هي 4 حتى انا راه عنشد طريق من فاس المكناس
شامة(كتحرط القهوة في يديها):حتى انا عندي ما يدار عاد عنمشي لاصال عاد عنجي نمشي الحمام و خاصني نوصل واحد القفطان لمولاتو يعني باختصار ممسالياش مع ربعة
اسحاق(حرك راسو و هزو الفوق راسها قااااصح):5 مزيانة
شامة:لا الخمسة عنكون يالله جيت من الحمام خاصني نشرب كاس اتاي على خاطري
اسحاق(حط سلاحو يسايس معاها غير حتى تشد ليه):توقيت لي تشوفيه مناسب ا زاينة معنديش مشكل
شامة:دابا هضرتي مع 7 يالله نكون رتاحيت
اسحاق:واخا ا زاينة مشي مشكل
شامة:خليتك على خير اولد عميقطعات معاه و هي مخنزرة:تحكاااام كيف داير 4 تكوني واجدة خدامة عندك انايا
زبيدة(دخلات عليها شافت فيها مستغربة): باسم الله عليك ابنتي علامن كتدوي
شامة(مدات يديها):اري ليا داك التوب امي نكملو المرة باش نمشي الحمام
زبيدة(مدات ليها الميكة حيت شامة كتدم طرز الرباطي):هاكي مقلتي ليا والو
شامة:غير صحبتي طلعات ليا الدم و سلام
زبيدة:اوا صافي زاينة مشات الكونكور
شامة:اااه على الله تخدم هذه المرة حامقة على البوليس
زبيدة:الله يسر ليكم ابناتي
شامة:اميييين
زبيدة:نوووض منصب كسكسو
(شافت في شامة):نغوت لخوك يتغدى معانا
شامة:الا جا انا عنخويها امي(هزات يديها):هذا لله معاك خرجتي من الجنب مصاب كون كانت نفسو حارة بحالك
مشات اقصي شغالها و شامة بقات حاظنة على القفطان حتى كملاتو و سمعات الضهر كي ودن ناضت توضأت و مشات صلاة و دخلات الكوزينة تعاون مها
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Action🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...