✳ الجزء 35 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
صباح صباح جالس كي فطر هو مو و باه كي حك شفايفو بيديه باين معصب و مصطفى كي شوف فيه غير بنص عين عارفو فاش كي فكر اما مو راها قابلة على ديك البنت ز باغيا غير تهنيها من ديك العيشة لي هي عايشاها سميحة واخا كتبان قاصحة ولكن حنينة من الداخل و تمناتها لولدها غير بان لي شاد معاه زگاير و مباغيهاش نهائيا معرفوش علاش
مصطفى:فاش سارح ا الغالي
غالي(هز راسو فيه):علاش مباغينيش نتزوج
مصطفى:دوز عزل و تخير البنت المخيرة ناخدها ليك الا بنت المختار الغالي
غالي(مسح وجهو):عطيني غير سبب واحد
مصطفى(ببرود):مشي من مقامنا
غالي(شاف في مو ولا شاف في الباه):الوليد اسماء بنت الله يعمرها دار و انت عارف هذه الشي انا عنتزوج بيها هي مشي باها
مصطفى(هز راسو و شاف فيه):كي قول واحد الكتاب شوف الجار قبل الدار و هذا هو الغلاط لي درت كان عليا نقلب و نبحت عاد نجي نسكن هنا
غالي:مباغيهاش حيت هي أمية ياااك و ولدك عندو شواهد
سميحة:مجات لا بالقرية لا والو راه الزمان لي كي علم اولدي و المرة كتكون حافظة حروف النساء
غالي:و شنو سبب
(شاف في باه):باااا قول ليا علاااش مباغيييهاض
مصطفى تنهد مسح يديه و شاف في ولدو كي دوي معاه بواحد التقالى ياااا سلااام و اصلا هذه الشي باش معروفين رجال فاسة بعيالاتهم و رجالهم بتقالة ديالهم و كلامهم الحلوووو
مصطفى:واش يحساب ليك غير جيت و قلت ليك لاااا من نهار قلتي ليا باغي بنت المختار هذه عام مشيت عندو و دويت معاه عليها من الاول طالب فيها 6 المليون و جوج جوج من الحاجة و دار تكتب باسمو هو مشي حتى باسم بنتو
سميحة(ضربات يديها مع بعضياتهم):اويلي ستغفرت الله على طماع بن طمااااع لاخر
مصطفى:و مشي غير هذه الشي السيد باغي نخرج ليه ولادو كاملين الخارج كيف ولادي
غالي(مسح وجهو و تنهد)
مصطفى:الغالي اولدي الغاالييي راني بغيتها ليك ولكن باها ولد الحرام مقطر
غالي:اسماء مشي بحالهم
سميحة:مصطفى:كون درتي ليه خاطرو و جرجرتيه حتى ناخدو البنت
مصطفى(وقف و شاف في غالي و سميحة): زواجو بيها من موراه غير المشاكل و صداعات الراس و انا على كبري بغيت نرتاح مشي نبقا نحلل المشاكل
(ضاف في غالي):تخير المحيرة في البنات نخطبها ليك الا بنت المختار الغالي و انت عارفني معنديش مع بنادم الطماع
خرج و خلا الغالي كي ياكل جنابة بالفقصة معرفش شنو يدير ولد الحرام لقا باه بخيرو قال نستاغل البنت و نربح من موراها و هي اشنو دنبها ولا حيت هي بنت زادت بنت سمح على وجهو و شاف في مو و نطق
غالي:عنديها عندها
سميحة:واش عتعصي باك الغالي
غالي:معنعصيهش ولكن البنت عنديها و يديه فوق راسهم كاملين
سميحة:اييه الفهيم و كيف عدير ليها
غالي(كي حك راسو):بنت في عمرها 23 عام مشي قاصر
سميحة:ركبو فيها الرعب مسيكينة كنطل عليها من سطاح مرة مرة ندوي معاها و تعاود ليا تخوي قلبها كتقطع ليا في قلبي غير تسمع تخرشيش في الباب تمشي تجري لا يسدو عليها حتى باب السطح مكرهتهاش ليك ولكن باك اولدي راه معكس و خاطيه الصداع
الغالي(وقف):يدير الله خير
خرج من البيت و هو مخنزر لبس صبادري ديالو و خرج من تما يمشي البازار عند باه باش يبدا الخدمة حتى كي شوف ولدو الصغير خارج و جاي عند غالي و كي غوت معرفو علاش بغاه هذا تاني
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Action🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
