🚨جديد جديد 🚨
#لا_يــــــــــــــــحلل_النشر ⛔
#حــــــــــــصريا_عـــــلى_وردات_المــــــلوك 👑
قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
فجيهة اخرى في السيلون القيامة نايضة و هي مخنزرة في واحد خيتي لي كتدوي بصوت عالي و تغوت و البوليسي حداها مكي دوي ما كي تكلم مخليهم مع بعضياتهم هو كي كنش
زاينة:فرعتي ليا مخي انت بالغوات سكتوووناااا ***(دارت عندها و حطات يديها على جنبها): ياك لاباس ا برينسيسة معاجبكش صوتي زاينة:درتي ليا الارارة في راسي سكتيني شوية **(مشات كتگفص على يديها:شفتك انت الفم عندك محلول أجي نوريك الكلام على سيادك
بغات تقرب ليها شداتها زاينة من شعرها لواتو ليها و خشاتها في حيط حتى طوش الدم و سخفات العيالات لي كانت تدابز معاهم شافوها اش دارت جمعات السيدة بنص و هما يلبدو
زاينة:نسمع شي وحدة كتدوي هنا نكويها بلا دفال سمعتوني يالله تركنوووووو
جلسو شافت في وحدة:كمدي ليها ديك الضربة يعطيكم ضربة انت و ياها
صمت مشات جلسات تصنط ل عضامها و هي مخنزرة كتفكر في منصف لي معمرو ضرباتو و مقطر ليها من عينيها قال ديك الهضرة ملامتوش لامت مو و خوها بقات تفكر ليل كامل مجاهاش النعاس حتى صباح الصباح و جاو طلعوها عند الكوميسير دخلوها و جلسات كان المحامي معاه
زاينة:شنو درتي المحامي:قلبنا في مكان الحادث ملقينا حتى كاميرة لي تبت براءتك زاينة:صافي تهمة لابساتني و مستقبالي في البوليس مشا الكوميسير:الدري لي قال الحقيقة زاينة:راه كدب انا جيت مع الكسيدة نيشان الكوميسير (شاف فيها):باين فيك درويشة ا زاينة ولكن القضاء خاصو شي حاجة لي ملموسة زاينة (مسحات وجها):عاودو سولو منصف سولو الناس المحامي:سولنا الناس حتى واحد ما بغا يقول شي حاجة زاينة:خوااافييييين عندنا غير الخوافين الكوميسير:كلها كي خاف على راسو زاينة:اكبر غلاط درتو اما كون كملت طريقي الدار خير ليا الباطل لي طاح عليا منسمح ليهم لا دنيا لا أخيرة عليه
سكتات كتشوف قدامها و الكوميسير نطق: ملف ديالك عنحولوه لوكيل الملك زاينة(شافت فيه):الا جات فيك الضربة غير حني ليها الدوز حسبيا الله و نعمة الوكيل هذا ما نقول
غوت البوليسي جا دا زاينة اما المحامي بقا مع الكوميسير كي حاول ما أمكن يخلي الملف غير حتى الغدا هذه المرة خلاه معرفو واش المصلاحتهم او لا المهم على ما يلقاو حل قبل ما دوسيها يتوسخ و توصل المحكمة خرج البرا عند زبيدة و علال لي كانو كي تسناوهم وقف شرح ليهم اشنو كاين و مشا خلا زبيدة غير تغوت و تدعي هند و ولدها الله عمركم شفتو ام كتدعي ولدها الله راه هي زبيدة حيت ولدها ضلم راسو و ضلم مو و ضلم خواتاتو معاه على قبل وحدة قاطعة يديها من رحمة سيدي ربي
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
