❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)

✳ الجزء ✳ ❤️ شــــــــــــامة اســـــــــــحاق♥ 🌸تيما مبارك🌸

✳ الجزء 223 ✳

   ❤️ شــــــــــــامة اســـــــــــحاق♥

🌸تيما مبارك🌸

🔥 احببتك حتى ضننت ان بقسوتي احافظ عليك 🔥

حتى واحد ما هاني حتى واحد ما تهنى من صداعات الرأس في جهة كان اسحاق و شامة و جهة تانية كان داوود و نجوى

داوود لي تخربق ليه كلشي ولا دايها غير في صاحبو و هما نجوى بزاااف في هذه الفترة و هي مفراسها خبار اصلا شكون عيقولها ليها و هما كلهم مشغولين كانو في شامة صدقو في اسحاق غير ربي لطف منين ديك البنية متشبتة بالحياة و متشبتة باباها و ماماها

جالسة كتراجع شي حسابات مع باها و هي كتحك راسها باين عليها متوترة ومخلوعة و كلشي مجموع فيها اهمال داوود ليها في هذه الفترة خلاتها تحس بتأنيب ضمير يمكن خاصها تقول لباها عليه و هي لي تواجه خاصها تقوي راسها و تقولها ليه متبقاش هكدا ضعيفة كيف كراكيز هما لي كي حركتها و يوكلوها في النهاية متعلمة و عندها شواهد و عندها فلوس مخبياهم من غير البانكا لي تهز بيها راسها بقات تحك راسها بالقلم حتى هزات راسها في باها و نطقات

نجوى:عيييت
منير:كيفاش
نجوى:عييت ا بابا
منير(حط الستيلو من يديه و شاف فيها): مناش عيتي

نجوى(ببرود):منكم و من عيشتكم من هذه الحياة لي انتوما بزينها عليا من هذه المحيط لي انا عايشة فيه تسلط و الظلم لي ظالميني فيهم

منير(صدماتو بهضرتها): نجوى اش هذه الكلام كتقولي

نجوى:غير الحقيقة

منير(شاف فيها مخنزر):الا عييتي عنصيفطك الشي دولة سيمانة رتاحي فيها و رجعي الخدمة ديالك و حياتك

نجوى(وقفات و هي مخنزرة):مفهمتينيش و معمرك عتفهمني انا بغيت اب لي يعاوني مشي يحسبني الة عندو لي يحركها كيف بغا

منير(وقف و شاف فيها مخنزر): نجوى رجعي عقلك في راسك و جلسي تخدمي

نجوى(ضربات بالكرسي):هذه هي مشكلتك ا بابا انت باغي تبزز عليا شي حاجة باغيها انت و مشي انا لي باغياها شنو ناكل شنو نشرب شنو لبس فين نمشي فين نجي فوقاش نعس فوقاش نفيق ابسط الاشياء انت حرمتيني حلوة حلوة الا بغيت ناكلها خاصني ناخد منك الادن و نبقا نتسنا الموافقة ديالك ولكن مشي حتى لهنا ا بابا صافي بركة لهنا و حبس انا بنادم مشي حيوان لي تسيرو على يديك

منير:هذه الشي لي ضارك اممم قولي ا بنتي فرغي
نجوى:من اليوم معنصاعش ليك عندير لي قالها ليا راسي ا بابا
منير:نجوى سيري الدار رتاحي عاد ندويو
نجوى:لا ا بابا معحزرتيش معنسمعش ليك عندير لي قالها ليا راسي من دابا الفوق
منير:نجوى

نجوى مسمعاتش ليه هزات صاكها و خرجات من البيرو و شركة كاملة ركبات في لوطو ديالها و هزات تيلي صونات على داوود تسناتو حتى جاوبها