✳ الجزء 47 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
عيا يقلب و واااالو حرام واش لقا خصوصا سول الكارديان ديال طونوبيل و قال ليه مكاين حتى واحد عندو كاميرة رجع الدار و هو كي شوف في الحومة و هو يمشي عند السيدة دقدق عليها و خرجات عندو معارفاش شكون هو
دريسية:سلام اولدي خاصك شي حاجة
اسحاق:انا ولد عمها ديال شامة و زاينة
دريسية: مرحبا اولدي
اسحاق:بغيت غير نطلب طلب الا جات على خاطرك
دريسية:خير
اسحاق؛بغيت تسجيلات الكاميرة ديال على برا لي اونفاص مع دار عمي
دريسية:علاش اولدي
اسحاق(مشكيلة مع هذه حتى هي عاد كتسول علاش):بغينا غير نعرفو واش الدري خرج بوحدو او خرجو معاه شي حد
دريسية:اااه صافي فهمت ولدي لي كي فهم في هذه الشي منين يجي نصيفطو عندكم الدار و يشوف التسجيلات
اسحاق:غير يدقدق انا نخرج عندو و نمشيو شي قهوة
دريسية:اييه اولدي و كيف بقا منصف
اسحاق:لباس عليه تخطاها الحمد لله
دريسية:اوا الحمد لله
تبسم و مشا الدار لقا شامة جالسة و هي مخنزرة وجها مزال مزنگ علال كي دوي مع ماريا و يقول ليها معيجيوش مقالش ليها شي حاجة اما زبيدة كانت في البيت تصلي و تدعي الله بنتها تخرج منها سالمة شواتهم مرات خوهم و شوية خوها اكثر وحدة ضرات شامة بالخصوص
اسحاق:كيف بقا الخاطر
شامة(دعوة من قلب): كسر الله خاطرهم وجعلها حسرة بقلبهم
اسحاق:ان شاء الله عتخرج
شامة:مكاينش لي قاهرك قد خوك من لحمك و دمك كون كان غير مشي شقيقي نقولو اه
اسحاق:منين كي دخل البراني ا شامة راه كي فسد العلاقة
(جلس مقابل معاها):رجعت قلبت و ملقيت والو سولت و والو
شامة(كتمسح عينيها و شافت فيه):خويا حكم علينا و ساومني بختي
اسحاق:متكتبوش ليه حقكم
شامة(شافت فيه):الابتزاز لي داير لينا مغديش يدوز على خير
اسحاق:هكدا نبغيك خليك قوية
سكتات كتشوف في الساعة لي جاتها تقيلة اما اسحاق كان عينو عليها و كي شوف فيها مرض يزحزحهم كتجيه مختالفة تقيلة و رزينة و حتى كلامها متسخاش تسكت كطيح و تنوض على ختها اما هو صافي جابت ليه التمام بهذه التصرفات خلاتو يندم على تزريفة لي دار واخا عجباتو زاينة في كلامها داك النهار في القهوة ولكن دابا شامة فيها خصلة زوينة لي لاحظها فيها حكمتها
فيقو من شرود ديالو باه لي دخل جلس و هو كي تحصر على زاينة :منين تبان براءة ختك عنديكلاري بمول الفعلة
اسحاق:كون هاني دويت مع المحامي في هذه القضية
علال(كي ضرب يديه مع عكازو):ياويلي يا ويلي على معاد و شنو دار في ختو قليل الترابي
شامة(شافت فيه):مزال دقتو جاية ا عمي الا مربيناه حنا الزمان يربيه و ربي كبير
علال:خلعتيني عليك ا بنتي شامة
شامة(مسحات عينيها و شافت فيه):متخافش عليا ا عمي غير حسيت بالحگرة
اسحاق(دوا بالزربة بدون ما يوزن):طالمة انا عايش معمرك تحسي بيها
(علال شاف فيه بصدمة و هو جمع الموقف): في النهاية حنا عائلة و عنولي راجل ختك
شامة(تبسمات):شكرا اولد عمي عنمشي نعطي لنانا دوا
ناضت من حداهم و علال شاف فيه اسحاق و نطق:الوليد
علال:نعام
اسحاق:كيفاش كتميز بين شامة و زاينة من غير الحجاب
علال:شامة عندها شامة حدا عينيها و زاينة لا واخا يكونو بجوج دايرين الحجاب راه كتفكر تميز بيناتهم داكشي علاش عمك سماها شامة
اسحاق:علاش انا ملاحظتهاش دابا شامة الا حيدات الحجاب نقول راها زاينة
علال:شامة مكتحيدوش اما زاينة كديرو مرة مرة الا كانت خارجة من الحمام
اسحاق(هز براسو):فهمت دابا
سكت كي حك شفايفو و بقاو تما حتى ناضت زوبيدة سخنات الغدا لي بقا العشاء و حطاتو يتعشاو كاملين مجموعين واخا معندها منين دوز
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Боевик🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
