❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)

✳ الجزء ✳ ❤️ شــــــــــــامة اســـــــــــحاق♥ 🌸تيما مبارك🌸

✳ الجزء 244 ✳

   ❤️ شــــــــــــامة اســـــــــــحاق♥

🌸تيما مبارك🌸

🔥 احببتك حتى ضننت ان بقسوتي احافظ عليك 🔥

جالسة شادة بنتها منين جات عندها مها صباح و مشات و هي مسحاتش تحطها اما اسحاق غير يدور و يرجع عندها اليوم في العشية عتخرج نيت و غادا 3 ايام ديال بنتهم هزات راسها في اسحاق ببتسامة و رجعات تشوف في بنتها لي كترضع من عندها ببتسامة

اسحاق(هز يديه و حطها على خدودها):الله يخليكم ليا ولهلا يحرمني منكم

شامة(كتشوف في بنتها و تبسم): اسحاق البنت كتشبه ليك بزاف
(هزات راسها):منين كنا مخاصمين كنت نتوحم عليك و على خصامك معايا

اسحاق(كي طل عليها):خديداتها أجي معمرك حكيتيها
شامة:لا معمري
اسحاق:مزيان

هزات راسها فيه ببتسامة هو دوز يديه على دقنها هبط عندها باسها في شفايفها و هز راسو منين سمع الباب تفتح في البلاصة غكات صدرها حتى كتشوف مها داخلة ببتسامة شافت في بنتها

زبيدة:سلام عليكم
شامة:مي رجعتي
اسحاق:انا نخليك تمشي نخلص الكلينيك و ندوز عند الوليد بغاني و نرجع عندك
شامة:واخا

تحنا باس بنتو و باس لشامة راسها و خرج من تما مساخيش بديك اللحيمة لي فيديها اما زبيدة حطات ليها طبيسيل ديال الرفيسة مدات يديها سمات الله و خدات من عندها البنت و حطاتها في الكونة ديالها و زادت تاكل و كتفكر حتى هزات راسها

شامة:بغيت نتشاور معاك امي
زبيدة:خير ا بنتي

شامة(نهدات):انت عارفة اشنو وقع من هذه شحال واخا كنبغي ننساه ولكن مكنقدرش مي كنت عنخسر بنتي و راجلي ولا نقدر نقول كنا عنمشيو عائلة على كملها هذه الشي كامل بسباب ماريا و ليلى

زبيدة:اوا

شامة:دابا ماريا خدات عقابها جات تضربني قاصت ولدها و 5 شهور و هي مشي معانا و عمي معاقبها لبارح جات تطلب السماحة منا و كي بان ليا صرحة ان عمي و اسحاق معدبين من ناحيتي مباغيينش يعكروني حيت شافو حالتي ولكن هذيك و انا مبغيتش راجلي يعيش معدب مبغيتوش يقول ليا شي نهار مك كتشوفيها و انا لا ودو كيف قال امي اللحم الا خناز كي هزوه ماليه

زبيدة:و انت سامحتي ليها
شامة:مسامحتش ليها و مكنتيقش فيها امي ولكن اوووف تالفة امي والله

زبيدة:ديري يريحك ا بنتي الا كنتي كتشوفي راجلك داير ليك خاطرك متركبيش عليه راه راجل كي بقا راجل و تفكيرو متقدريش تعرفي اشنو فيه هذه الشي علاش كنقول ليك كبري عقلك و كبري في عينيه جلسي انت و ياه و دوي خليه يدوي مع باه يرجع مو الدار و انت ردي ليه البال مكنقولش ليك رجعي تيقي او سامحي كنقول ليك هذه الشي غير باش تكوني على البال و تزيدي تكبري في غدعين راجلك ا بنتي