✳ الجزء 113 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
منين رجع خوها الدار و قال ليها تجمع حوايجها كان باها تم و كي شوفو حتى هي كي جمع مشا تبعو البيت و حط يديه على الحيط كي شوف فيه
مختار:فين غادي ا سي
عادل(شاف فيه):انت مالك نمشي فين ما بغيت
مختار:طوال ليك اللسان وليتي ترد الهضرة على باك عاداتك ديك المفعوصة
عادل(كي شوف فيه باحتقار):مفعوصة هذيك راها بنتك من لحمك و دمك
مختار:اسيدي انا معندي بنات فين غادي بسلامة
عادل:كاري كاري اللهم نكري فين نصيب راحتي
مختار(تزاد معاه الزايد):كيفاش واش ناوي تخوي الدار و تكري في بلاصة اخرى ياك جالس هنا واكل شارب فابورعادل(هز صبعو):وياك تقول ليا فابور 1800 درهم عطيتها ليك و راس الشهر تقاضا و من دابا الفوق منشوفكش كطوف لا بساحتي لا بساحة اسماء و الا سمعت قربتي ليها ما تلومو غير راسكم
مختار:عادل ولدي رجع المخك متديرش لي تندم عليه
عادل:ندمت على النهار لي فكرت نبقا معاك فيه في الدار
رشيدة:صافي ا المختار الا بقا يمشي الباب وسع من كتافو
عادل:سمع كلام مراتك ا سي المختار اسماااااءنزلات في الدروج تجري:هانا ا خويا هانا
عادل:يالله منسيتي والو
اسماء(حركات راسها بلا):اصلا خديت لي شريتي ليا و صافي
عادل:يالله
مختار:الا خرجتي انت و باها معندكم رجعة نساو راني باكم
عادل(دور يديه على اسماء و شاف فيه):فين عمرك كنتي بانا يالله اختيخرجو بجوج و هي كتقلي السم لرشيدة لي عتاكل ريتها عليها مشاو الدار لي وراه غالي و فتح بالساروت دخلو بجوج و كي شوفو الدار من الداخل واخا مغبرة ولكن اسماء ميتخافش عليها مرأة نص في الشقا ديال الدار بقات تنقز من قنت القنت فرحانة
اسماء:عادل عادل الدار مفرشة مفرشة
عادل(ضحك عليها و حط من يديه الصاكو): عجباتك
اسماء:على الاقل عنلقا راحتيييييقالتها بطريقة جابت ليه الضحكة خصوصا انها متصرف كيف البنت باقة عندها 10 سنين و خصوصا ان اسماء معاشتش الطفولة ديالها و داك الطبع مزال عندها الدابة داكشي لي عاشت و قاصاتو مخلي عندها طبع انها ترجع الطفولة ديالها و بزاف گاع سمعها كتغوت و مشا الصالة طل لقاها شادة التيليكومونض شعلاتها
اسماء:ياااه فيها حتى تلفازة معلقة
حطاتها و مشات و غوتات:عديييل كاينة تلاجة كبيييرة
(حلاتها و هي تهضر سيفتها):ولكن خاوية
عادل(طل عليها):دابا نعمروها(شافت جنالها و مشات شعلات البوطة):كاين حتى البوطة و كتشعل بلا بريگة
خرجات من تما و كتطل و تغوت فين ما تلقا شي حاجة جديدة طلعات الفوق و شافت البيوت نعاس مسدودين و صالة و زادت السطح لي كي طل على الشارع الكبير و شافت فيها حمام تقليدي و كاين ماكينة الصبون هبطات تجري
اسماء:دار تحمق ا خويا بشحال كريتيها واش عنستعملو هذه الفراش كاملة
عادل (هز براسو):اسماء ماليها كراوها لينا بفراشها ياك و بغيتك تهلاي ليا فيها راه متخافش عليك
اسماء(دوات بحال الا كتدوي على بنتها):لا لا نتهلى فيها
عادل:عارف غير على حساب الا جاو يدخلو عندنا يلقاو الدنيا نقية و كيقولوش علينا خانزين فهمتي كيفاش
اسماء:والله حتى نتهلى فيها والله
عادل(وقف):عنمشي السوق و ندوز ندير ليك ضوبل السوارت و نجيبهم ليك و ديري لينا شي طويجين فاعل تارك العشاء جيت عنجي حتى ليل
اسماء:خطف ليا التيد و جافيل هو الاول نكرم الدار هو الاول
عادل(ضحكاتو):واخا هي الأولىخرج كي ضحك و رتاح من هذه الناحية سعداتو لي عندو و كي دير الخير و يرجع عليه اما هي مشات حلات الشراجم و كتشوف الشارع و ضحكات رجعات تشوف في الفراش و مشات هزات السدادر و المطارب ملقاتش فينهم مشكل حيت كانو خفافين و خرجاتهم الواسطة و خدات الكلامط و داتهم اللابادورة و حطاتهم عاد ارجع تشوف كيفاش دير تخدمها معرفتش تطلعم السطح و تفركهم بيديها رجعات جمعات الدنيا و خدات الشطابة حتى سمعات الدقان مشات حلات و خدات سخرة من عند عادل عاد دخلات جمعات شعرها بزيف حياتي و زادت الشغال ديال الدار متحمسة كثر و كثر
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Ação🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...