✳ الجزء 235 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
جالسة دايرة يديها على خدها و كتشوف في المرح و تنهد غير بوحدها منين جرا عليها علال حاولات و حاولات تشوف غير ولدها ولكن مخلاهاش شحال طلبات و رغبات ولكن لي في راسو فراسو منين كترجع تفكر كتلقا هي لي دارتها الراسها كون وقفات نهار الاول مع زواجو بشامة لي ولات تشوفها هي لي تستاهل ولدها كون وقفات ولدو خسارة الندامة جات معطلة و بزااف گاع
فاش كانت هي جالسة في طرف التاني كانت خرجات جوج گصاعي ديال كسكسو و وحدة صايباتها لإسحاق بيديها بالخضرة ليه و عاد نزلات عند العيالات جلسات معاهم و عطاتهم صوابهم حتى خرجو بحالهم عاد طلعات عند رجلها صكات القصرية و مشات عندو صالة فين مجبد و حطاتها قدامو و زادت جلسات هو كي شوف فيها ببتسامة و رضى خارج ليه من قلبو و باين على وجهو
شامة:بالمعلقة او يدي
اسحاق:يدك ا شامتي
شامة:هي الأولى
دازت تلگم و تعطيه و هو فرحان كي ياكل معاها و الاهتمام لي عاطياه ليه و الحب لي باين عليها عجبو الحال بزاف فعلا داوود و الغالي عندهم الحق صام و فطر على مرة ديال الزمان قارئة واعية حكيمة رزينة و قبل هذه الشي على قبل عائلتها دير اي حاجة مكتخليش الواحد يدخل بيناتهم وقت الشدة تلقاها و وقت القرح تلقاها و هذه الشي كان متمنيه من زمان و ربي ستاجب لدعوة ديالو و حقق هذه الأمنية حيت هو بحد داتو معيرضاش بوحدة قل منو خصوصا هو مجهد و جات شامة و قالت ليه مكتعرف والو
طيحات ليه كواريه من ناحية انها كتحني راس و تصنط ليه و دير ليه الف حساب قبل اي حاجة لا كلام فوق كلامو ولا كلمة لا يسمعها من شفايفها و هذه بحد داتها حاجة مزيانة منها ليه هو حيت كي شوفها مشي غير مراتو نصفو التاني لي كان كي قلب عليه
هزات راسها بان ليها كي شوف فيها و بنضرات غير العادة تبسمات و مدات ليه هو بعد فمو حيت صافي شبع
اسحاق:صافي
شامة:غير هذه غير هذه
اسحاق:والله ا شامة إسحاق صافي الحمدلله
شامة:بصحتك
اسحاق(كي شوف فيها)
شامة(خدات تاكل هي عاد):علاش كتشوف فيا بحال هكذا
اسحاق:والو غير الكريشة وتاتك
شامة(طلات عليها ببتسامة):ااااه بصح بانت اصلا زيدت في الوزن ديالي
اسحاق:عادي ا شامتي راك هازة روح
شامة:امتى عليا غير نهزها بين يدي ا حبيبي والله
اسحاق:مشي بزاف و نهزوها بين يدينا ان شاء الله
شامة(خشات في فمها):ان شاء الله غير صورة مكمولة
اسحاق:خوي فمك ا شامة
صرطات و شربات الماء و ناضت هزات الكصعة و داتها الكوزينة دوزات على دوك المعان عاد رجعات مسحات الطبلة خوات في زبل و مشات تجبدات حداه في سداري التاني هو تجبد و غمض عينيه يرتاح شوية✳ الجزء 236 ✳
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
