✳ الجزء 3 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
في جهة اخرى
الدار مجموعين يا لالة على طبسيل الدجاج بالزيتون كي مد يديه بكل رجولة فيه طرف الخبز غمس و خدا الدجاج معاه و خشاه في فمو حداه كان باه كبير في العمر و كي ياكل حتى هو خدا يا لالة مو كتمد يديها تاخد و تحط ليه فرحانة بيه حتى دوى
***:غير جيني من الاخير الوليدة
***(ساست يديها و هي تشوف فيه):ويلي اسحاق اش هذه الكلام
اسحاق:كنشوفك كتمدي ليا غير عادتك
***:ا مارية خلي الولد ياكل
ماريا:و انا درت شي حاجة ا علال
اسحاق(سمح يديه و شاف فيها):جيني جيني اشنو عندك
ماريا:ليلى بنت دريسية
اسحاق:مالها
ماريا:ما شاء الله كبرات و مكرتهاش ليك
اسحاق(مسح فمو و شرب الماء و شاف فيها): شفتي هذه الباب
(نيش ليها لباب الدار):نهار لي عندخل المرة عنكون راضي عليها امي بصحتكم شاد طريق لمكناس
ماريا:و مالها اولدي اشنو فيها من عيب
اسحاق:مي خلي هذه النهار يدوز بيخير
علال(ناض خرج معاه من الدار و شاف فيه): اشنو عندك تما
اسحاق:عندي شي سلعة خاصني نوصلها الدار ديال شاف و عنرجع
علال(رتب ليه على ضهرو):الله يسر اولدي و متنساش ديك الساعة دير وقيت نمشيو المكناس لعند ولاد عمك نطل عليهم راه من هذا شحال ما مشيت و نيت حتى انت تمشي نشوفهم و تعرف عليهم اولدي
اسحاق:كون هاني انا مشيت دعي معايا
هز ليه براسو و مشا ركب في لوطو و ديمارا يتيسر لخدمتو و هو كي تبسم و يحك شفايفو اسحاق من النوع الرجال الرزين كي فكر بعقلو قبل من قلبو عندو غير نيشان نيشان الا مشيتي معاه بنيتك يحطك في سابع السماء و الا مشيتي معاه بالغدر يتقلب عليك و يخليك تمناي كون غير مغلطتيش علاقتو بجنس اللطيف غير الخير و الاحسان باغي منين يتزوج يكون وفي لمراتو فقط
وصل المكناس مع 3 العشية وصل السيد لي كان عيعطيه سخرة ديالو و داز الهديم على قبل شي سخرة اخرى خاصو ياخدها و نيت تفكر ميمتو وباه بشي كادو ليهم بجوج عاد رجع لوطو يركب هو يصغر عينيها و حلهم على جهدهم
توجه لعندهم نيشان و بقا كي حاظي حتى شاف بنت ركبات في لوطو يكدب الا قال انها معجباتوش نقدرو نقولو انه من اول نضرة طيحاتو دار لوطو و ركب فيها و تبع الطاكسي حتى وقف في البرج و نزل تابعها حتى دخلات الدار هو راسو كي شوف في الحومة حتى بانت ليه مرة دايزة غوت ليها
اسحاق:خالتي
***(دارت عندو):نعام اولدي
اسحاق:هذه الدار ديالمن
**:ديال سي العربي الله يرحمو علاش اولدي
اسحاق:اش نقول ليك ناوي المعقول و بغيت نسول على بنت هذه الدار
شافها خارجة و هو يتبسم و نطق:ها هي
***:هذه زاينة اولدي
اسحاق:واخا اخالتي شكرا بزاااف
سمحان فيه و مشات هو بقا تابع زاينة حتى غبرات تبسم و حك شعرو من لور و مشا قاصد لوطو ديالو حتى يرجع يسول عليها و على صمعتها و يجيب باه و مو يخطبو
طريق كاملة و هو كي فكر كيفاش خلاتو يتبعها بلا هواه اصلا معرفش اشنو وقع ليه نهائيا
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Acción🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
