✳ الجزء 133 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
العرس كان زيون من واحد الناحية لا حيت مشي كلشي كان فرحان و مشي كلشي متمني ليه الخير و خصوصا جوج الناس لي منين دخلات شامة مع اسحاق و هما يبينو ابتسامة الصفرة اما شامة لي كانت جالسة حدا اسحاق دورات راسها حتى بانت ليها ليلى كتشوف فيه تبتات نضرها عليها و نغزات اسحاق و صدرها كي طلع و ينزل همسات ليه
شامة:لهلا يخطيك عليا
اسحاق(ضحك وحرك راسو بلا حولة):علاش
شامة(عينيها على ليلى):حيت واقف معايا
اسحاق(شاف فين كتشوف و ضحك حيت اسماء كانت واقفة من مور مو مطلعش الحسبة):اوا هي الا برعتي راجلك و سلام
شامة (خنزرات):باااز وجهك قاصح
ضحك عليها اما ليلى ديك الشوفة لي دارت فيها شامة و همسها ليه و منين دار عندها وهو مكانش قاصح اصلا دخلات ليها الشك زغزات ماريا دارت عندها و همسات ليها
ليلى:بدات من دابا تعمرو ا خالتي
ماريا:متشوفيش فيهم
ليلى:من قبيلة و هي تهمس ليه تدوي تتحاتت هي و ياه
ماريا(شداتها من يديها):سمعي ا ليلى ولدي عيدور يدور و يرجع ليك واخا شمتاتني في السلة الدخلة حيت مكنتش باغياه يدخل عليها ولكن مشي مشكل مزال الخير القدام
(تنهدات):ما هي من مقامنا ولا والو حتى مها شوفي كيفاش مبهدلة هذاك قفطان يلبسوه الناس و حتى من ولدي تابع هبالها كان باغي ختها صدق واخدها هي فقيها صحيح
(شافت في ليلى):في الاول كنت راضية بهذه الزواج ولكن منين شفت السيدة كيفاش رامية راسها على ولدي حلفت بحلوفي في الدار لا جلسات و انت لي عتولي مرات ولدي و عنربيها مزياااان
سكتات منين جا علال جلس و هو فرحان ليهم و عيطير بالفرحة حيت لي كان متمني هو لي كون و لكن لي في راس جمل في راس الجمالة شامة منين قالتها ليها اسماء و هي مبدل حالها و الا كانت ماريا كتقلب على الحرب هي مولاتهم و عارفاها لاش كتخطط و في راسها اشنو كي دور حيت خبارها كاملين قالتهم ليها اسماء بتالي و متلي هي باغيا ولدها يتزوج ليلى و مشي بعيد يديرو مشكل و يدخلها عليها ضرة ولكن شامة واش عتسمت راها جنية و كيف الشيطان كيف ما هما عاطيين ضحكة الصفرة هي عندها جوج وجوه حتى تبتسم و كتعرفي الدقة منين جاتك
العرس داز بالتبدال و حاولات تتناسا و وصات البنات حتى من اسحاق كان متسني غير فوقاش يدوز هذه العرس خلاص باش يمشيو الاوطيل بلبسة البيضة نزلات من الدروج و وقفات هو مشا عندها و خدات يديها باسها قدامهم و وقفة قدام الطارطة و زبيدة عينيها كي دمعو حيت وقت الفراق وصل تحت ايقاعات يا الميمة دعي بنتك بسلامة كان كلش يكي بكي ولكن القلب لي عامر حقد منزلش دمعة
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Боевик🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
