✳ الجزء 51 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
كانت شامة لاصقة في قرار انها باغيا تقلب التهمة على هند و باها و معندهمش كيفاش يجبدوها و حتى الولد كون كان كبير والله ما خاطاه فيها الحبس حيت كدب على العدالة كيف كنقولو اما سيد لي ضرب بلوكو طلقوه حتى هو حيت مشي الغلاط ديالو ديال الولد لي خرج ليه من الجنب
تشاورلت مع ختها و كان رأيها من رأي زاينة نيت ناضو خرجو الطبيب نيشان يعاود يدويو مع منصف و اما لخرين مشاو الدار يشدو باها ديال هند و هي براسها
وصلو السبيطار دخلو كانت فوزية مع منصف كتمسح ليه على راسو و معاج جالس اما هند كانت في الدار كدير ليه ما ياكل زعمة معاد كان جالس حتى كي شوف زاينة و شامة دخلو و معاهم البوليس و اسحاق مفهم حتى زفتة ناض جمع الوقفة و شاف فيها
معاد:انت كيفاش خرجتي
(شاف في اسحاق):خرجتيها كفااالة معتهربيش من الحبس
زاينة(كتشوف فيه شوفات الغدايد قلبات وجها عليه)
شامة:لا هو الحبس كاين كاين ولكن مشي هي لي عتمشي ليه
الكوميسر:كنشوفك ا منصف وليتي مزيان
منصف(هز براسو):اه ا عمو
الكوميسير:قول ليا ا عمو واش عميتو زاينة هي لي دفعاتك لوطو
منصف(شاف في جداتو و شاف في الكوميسير):ااه عميتو زاينة
زاينة(خنزر):يااك ا منصف كتشهد بزور عليا ياااك
الكوميسير(شاف فيها و ولا قلب عينيه لشامة و دور بشوية):عافاك خليني ندوي معاه
(جبد الطابليط و وراه الفيديو منصف كي شوف و هو يبدا يبكي):بغيتي تفارق على باباك و ماماك جداتك لي كتبغيك ا منصف
منصف(حرك راسو بلا و ناض يبكي):بغيت ميييماااا زبييييدددة و عميتو شامة و عميتو زاينننة
الكوميسير؛علاش كدبتي علينا منين بغيتي عميتو زاينة
منصف:هاااا هيييي لي قااالت لياااا عنكويك بالموووس و ماما قااالت ليا عنصيفك تعيش في الزباااالة الا مقلتيش ان عميتو زاينة هي لي دفعاتك مشي هي مشي هي انا انا لي خرجت بوحدي و هي قالت ليا لا جات خرجااااتنيييي و دفعاتني انا عزيزة عليا عميتو زاينة هي زوينة و مكضربنييييش مشي بحال ماماااا.
بقا كي بكي و معاد بقا مصدوم ناض خرج من تما و معارفش اشمن وجه عيتقابل مع خواتاتو اما الكوميسير مسح على وجهو و خرج من تما مشا الكوميسارية حيت البنات رفعو دعوة منين مشا لقا باين ديال هند و حتى هي تما شادينها
زاينة خرجات البرا و لقات معاد واقف كي حك راسو و وجهو مزنگ مشات عندو وقفات عند وجهو و هي مخنزرة فيه
زاينة:ياااك اخويااا ياااك هذا ما نسوى عندك معمري اديتك معمري ضريتك باغي تخرج ليا على حياتي و مستقبالي هذه هي الامانة لي قال ليك الوليد صونها
معاد(بندم):والله ما كنت عارف منين سمعت منصف ولدي اشنو قال تلفت
زاينة:تلفتي خسااارة معمري نسمح ليك لا دنيا لا أخيرة و عقل الدنيا دوارة
شامة:يالله ا زاينة مي عتكون كتسناك في الدار زيدي
شامة كتشوف فيه مخنزرة و خرجات هي و ياها و اسحاق كي تسناهم على برا حلات الباب لور ركبات شامة و زاينة القدام و ديمارا الدار يفرحو زبيدة
شامة:خاصك تقولي لاسحاق شكرا مسكين وقف معانا و ما هنا ليه بال حتى خرجك من تما
زاينة(كتشوف فيه):بصح ا اسحاق
اسحاق تبسم اما الداخل ديالو حاجة اخرى هذه الشي كامل دارو حيت شاف شامة حالتها كيف كانت فين عمرو تصوق لشي وحدة و حتى منين شاف زاينة ها هو عيتزوج بيها و الاختيار ديالو تبدل ندم لي مسمعش كلام غالي كان كلشي عيكون هو هذاك دابا
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Боевик🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
