✳ الجزء 95 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
دخل يخدم خدمتو و في بالو مباغيش يصيفط دوسي ديال الياس حيت عارف واخا عتعرف عتشدها ضد و هذه الشي لي ماباغيش تعرف حاليا كي خدم و هو طاير بالفرحة قلبو بغا وحدة و هي شامة شكون بحالو الزهر في يديه و عاد عرف قيمتو اشنو هي
خرج من الخدمة حتى شمن وقت حيت اصلا بالفرحة معرفش شحال دوز وصل الحومة و شاف غالي خارج من الدار و غمزو حتى وقفو بجوج
غالي:غبرتي حتى بياضيتي
اسحاق:من الخدمة الدار صيف هذا انت عارف كتكتر بزاف
غالي:عارف لي كاين اوا فين شادها امتى العرس
اسحاق:نهار 25 كاين ضريب صداق و 28 و 29 الحنة
غالي:اوا مبروووك كتبان ليا فرحان
اسحاق(تكا على الحيط):عندي البنت لي باغي شكون بحالي
غالي:ديك لي جات داك النهار معاكم
اسحاق:باش منكونش كنكدب على صاحبي هي نيت لي عناخد
غالي:الله يسر ليك نيت هي لي توالمك و طيح ليك كواريك
اسحاق(ضحك):طيحاتني كلي
(عقد غوباشتو):أجي شفت اسماء مبقاش صوتها كي خرج
غالي(خشا يديه في جيب):حتى يقدرو بعدة داكشي لي دارتو مراتك كملت عليه انا و زيدت غرقت ليهم الشقف حتى سناو على اتفاقية الا مشاو حتى حطو عليها يديهم عيدخلو الحبس و حيت خوافة وافقو
اسحاق:هذه الشي كان خاصنا نديروه حنا شحال هذه
غالي:وااايييه حتى من عادل تبدل معاها و الا دوا داك نص بلاصة ديال خوها كي جمعها معاه
اسحاق:البنات نعمة اخويا و هما كي حرمو الجنة على رأسهم
غالي:راه قالوها الا مات الاب توسد الركبة و الا ماتت الام توسد العتبة
اسحاق:الله يمسح لينا من حق الوليدين
(صغر عينيه):كتبان ليا حتى انت شي حاجة تحت راسك
غالي(حك راسو):عطيتها نمرتي من السطح و صيفطات ليا اوديو في الواتساب مكتعرفش تقرى ولا تكتب قلت نشوف ليها شي مدراسة تعلم
اسحاق(كي شوف فيه):هااي هااي هااي على سيد و باك مدويتيش معاه
غالي:كنرطب و سلام حتى نهار لي يحن الله
اسحاق:يدير الله خير
غالي:باين عيااان سير يالله ترتاح
اسحاق: خليتك على خير
تبسم ليه و دخل بحالو و غالي كمل طريقة الخدمتو طلع كيف عادتو دوش و حط الحوايج الخدمة في الصابون و نزل كي ياكل حتى من باع مقال ليه والو حسن ما يمشي يفضحو قدامها و يصدق هذه المفاجأة ضاربها ليه في الزيرو
هز تيلي كي طلع فيه حتى شافها اونلاين صيفط ليها سلام شامة اسحاق و حط تيلي كي دوي هو و مو عاى العرسو هو و زاينة حتى وصلو ميساج من عندها هز تيلي و قراه
شامة:علاش مقلتيش ليا ان زاينة جات عندك و علاش مقلتيش ليا بلي مابغاتش تفارق معاك واخا مكتبغيكش علاش وافقتي على هذه الشي واش هذا ما تسوى عندك ا اسحاق ولكن برااافوووو ليك انا لي تقت فيك و عطيتك وقت و قيمة انا لي كنت كانبوة و طحت في غرامك اخر مرة تدوي معايا او تعيط ليا و الا اقسم لك يمينا حتى خبارنا يديوها الجيران
متسناتوش حتى يجاوبها بلوكاتو ديك الساعة عقد غوباشتو و ضحك حتى الوديان معتعصب ما تفقص اهم حاجة انه شاف الغيرة في كلامها و لمس منها الحب
اسحاق(دور راسو التلفازة و سرح بعينيه حتى دوا بين راسو):ليا ليا ا شامة معندك فين تهربي
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
حركة (أكشن)🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
