✳ الجزء 33 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
خرج من الخدمة في ليل كي مسح يديه من لاكريز كي شوف صاحبو واقف حدا باب الكاراج مشا عندو و هو مخنزر وقف عليه و شاف فيه مستغرب
اسحاق:خيير
غالي(سمح على وجهو):معرفتش شنو عندير ا صاحبي حرت
اسحاق(شد فيه):أجي لشي قهوة نجلسو فيها و ندويو
مشا معاه دخلو جلسو و جابو ليهم براد اتاي مشحر و شاف فيه اسحاق لي كان باين على صاحبو باي مشي هو هداك معرفش اشنو بيه ولكن على حد علمو ان المسالة متعلقة بباه و اسماء
اسحاق:دويتي عوتاني مع مصطفى
غالي(رشف من اتاي مخنزر):دويييت و عاوووودت ا اصحبي حتى من اسماء طلعت السطاح قبيلة نتنفس شوية طليت لقيتها فيه دويت معاها و قلت ليها ناويها الحلال
اسحاق:اش قالت ليك
غالي:البنت كترعد غير بوحدها مبغاتش حتى تدوي معايا
(تنفس بعمق):انا باغي نخرجها من داك الحبس لي هي فيه
اسحاق(تنهد):مشكيلتك صعيبة
غالي:معرفتش اشنو ندير
اسحاق:غالي البنت ما متخرج ما مدرج عندها جوج خوتها و باها تقول غزييييت منهم
غالي:ولكن هي اش دنبها واش حتى القراية مخلاوهاش تقرى خص باها الحبس على هذه الشي
اسحاق(حط يديه على الطبلة و دوى بتبوت):هديك راها بنتو و السيد جاي من العروبية بتفكير متخلف واش يحساب ليك عاد عيفكر بحالنا حنا و ولا وليدينا
غالي:كاينين شي اباء الله يعمرها سلعة واخا ساكنين في العروبية الا ان ولادهم وصلو
اسحاق:تخلف ا صاحبي مشي في المحيط في راس بنادم و تفكير ديالو هو ال متسلط و مكلخ و ركب هذه الشي حتى في ولادو صباح جا يصايب لوطو ديالو دار ليا فضيحة هنايا حتى دابز مع واحد من الدراري كون ما ربيتو انا
غالي:شنو عندير ا اسحاق
اسحاق(حك لحيتو و شاف فيه):عتمشي تدوي مع باك اخر مرة و الا مبغاش معندك ما دير ا صاحبي رضات الوليدين هي الأولى
غالي:يكون خير
اسحاق:غير تناسب مع ديك العائلة ياااالطييييييف و سلاااام الله يدير ليك شي تاويل ديال الخير
غالي:امين نوض يالله نمشيو الوقت تعطل
اسحاق(وقف و خلص):قولها لراسك لي من الخدمة العندك هنا
غالي(زادو كي دويو):اوا اش درتي مع حبيبت القلب
اسحاق:متفكرنيش لبارح جيت و بالي معاها
غالي:مالها
اسحاق(ولا حدا باب الدار):حتى الغدا و نعاود ليه عييت اليوم
غالي(شدو):غدا نمشيو المحمدية نتبحرو
اسحاق:علاش لا يالله تصبح على خير ا أصاحبي
هز ليه براسو و دخل كانت 12 ليل طلع الحمام نيشان دوش و خرج نزل التحت و خدا ليه ما ياكل و طلع البيتو جبد تيلي و صيفط ميساج لزاينة و هو حي حك شفايفو ببتسامة توحشتها بزاااف و بالو بقا معاها تسنا تحاوبو ولكن والو هو يدوز الخط ليها تسنا حتى جاوباتو
شامة:ويي
اسحاق:سلام زاينة
شامة:لا هذه انا شامة
اسحاق(سمع اسمها تقاد في الجلسة و هو كي حك جلهتو لي عراقت):سلام شامة صافا
شامة:الحمد لله كتصوني على قبل ختي
اسحاق؛اه فين هي
شامة:لقيتها ام حاشاك و قالت ليا نقول ليك تسناها
اسحاق(حك شفايفو و تبسم من طريقة باش قالتها):صافي واخا مش مشكل نخليك و سمحي ليا صدعتكم
شامة:مرحبا
قطعات و اسحاق حط راسو على المخدة و غمض عينيه و ولا فتحهم مجاهش النعاس و مقدرش ينعس هو ينطق:شامة يا شامة خاصني ضروري شي حاجة لي تخليني نميزك على ختك باش متغالطوش ليا
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Action🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
