❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)

✳ الجزء 28 ✳ ❤️ شــــــــــــامة اســـــــــــحاق♥ 🌸تيما مبارك🌸 🔥 احببت

✳ الجزء 28 ✳

   ❤️ شــــــــــــامة اســـــــــــحاق♥

🌸تيما مبارك🌸

🔥 احببتك حتى ضننت ان بقسوتي احافظ عليك 🔥

جمعات يديها عندها و عينيها تجمعو فيهم الدموع و هي كتسمع اسحاق كي دوي مع نعمان و بلي فرح ليه منين ناوي المعقول مع شي وحدة دورات وجها و هي كابحة دموعها صرطات ريقها و هي هابطة ليها معگودة مقاداش تصرط حتى ان وجها تززززنگ و حسات بالشمة و خيبة أمل حطات فيها راسها بدون ما تحس شامة كان نعمان واحد الشخص لي حلات عليه عينيها لدرجة من الباك و هي متبعة اخبارو غير في الفايس و متمنية تشوفو ولو مرة وحدة في حياتها فعلا خاطرها تكسر واحد الكسرة خاااايبة بزااف اسحاق حط تيلي من يديه و شاف شامة و هو كي ضحك

اسحاق:هذا خويا ا زاينة باغي يتزوج قال ليك حمق والله
شامة(شافت فيه):ش شكون
اسحاق(كي حرك القهوة):شي وحدة جات تدوز الكونكور اليوم
(رشف منها و شاف فيها حطها مستغرب):مالك واش كضرك شي حاجة
شامة(وقفات بالزربة):عنمشي الحمام و راجعة

ناضت هاربة من حداه و مشات الطواليط دخلات ليه و جلسات طلقات عينيها لدموعها و هي كتشهق

شامة:كتبغي واحد محاسش بيك ا شامة كتبغي واحد معارفكش كاع واش عايشة كتبغي واحد لي محاسش بيك گاع علاش علاش دخلتيه لحياتك ا شااامة علاااش ها هو قرر يتزوج واش كنتي تسناي منو يبغيك انت و يتزوج بيك انت فيقي فيقي من احلام اليقظه فيييقيييي ا شامة نعمان معمرو عيكون ليك هو عايش حياتو و انت رابطة راسك مع واحد كتشوفيه غير في خياااالك

(طلعات ليها شهقة و هزات راسها السماء): يااااااربييييي راااااانييييي نتقطططعععع ياااااربييييي يااااربييييي عونيييي يااااربيييي

صرطات ريقها و هي كتقنع راسها ولكن القلب شاعلة فيه العافية غسلات وجها و خرجات مشات وقفات عليه هو هز راسو فيها مفاهمش مالها

اسحاق(وقف عندها مستغرب):زاينة واش لاباس
شامة:بغيت نمشي
اسحاق:ولكن مزال ما دوينا
شامة:عييت بزاااف قيالة في لاصال عييت
اسحاق:واخا يالله نوصلك

حنات راسها و معندهاش جهد فين تدوي اما هو ستغرب كان باغي يدوز معاها وقت كثر و يتعرف عليها واخا الوقت ا يتعطل ولكن هي مع ولد عمها معندها مناش تخاف ركبات معاه في لوطو و هو ديمارات حتى دار شاف فيها ساكتة حالو معجبهاش

اسحاق:زاينة واش كضرك شي حاجة واش نديك الطبيب
شامة:بغيت نمشي غير الدار عند ختي مبغيت والو
اسحاق:معجبنيش حالك عتخليني مخلوع عليك
شامة:عافاك ا اولد عمي بافيت غير نتصنط لحريق لي فيا ديني غير عند ختي

سالت دمعة من عينيها هو عزات عليه هز يديه مسح ليها عينيها و هي هربات وجها لكن محكرش وصلها الدرب و دار نزلها جات نيشان مع زاينة يالله حطها الطاكسي غير شافتها مشات تجري عندها

اسحاق(في ودن شامة):هاد شامة عزري الدوار عاد داخلة الدار
شامة(هزات راسها فيه مخنزرة): متعاااااايرررررش
اسحاق(هز يديه):صافي صافي
زاينة(جات عندها شدات ليها في يديها):اويلي مالك
شامة:يالله اختي ندخلو
زاينة:مالك اشنو ضارك
(هزات عينيها في اسحاق):اشنو درتي ليها
اسحاق:مدرت ليها والو ا عزري الدوار
زاينة:عند مك عزري الدوار
اسحاق:واش بغيتيني نفوت فيك شي دقة حتارميني
زاينة:حتى تكون انت كتحتارم ربي سلامة منك
شامة:ياااااللللله
زاينة:حمد الله ختي مريضة منين كتجيها لي مكتعلم كدير ليها هكدا اما كون فوت فيك انا شي دقة
(شدات فيها):يالله اختي يالله

مشات شادة فيها و اسحاق عقد غوباشتو منين سمعها جاتها لي متعلم عاد فهم حالتها حك شعرو و مشا الفرمايسان شرا ليها الدواء نيت و داز المرجان خدا ليها السقاطة ميكة معمرة و مشا الدار صيفط ميساج و كي تسنا تخرج عندو