❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)

✳ الجزء ✳ ❤️ شــــــــــــامة اســـــــــــحاق♥ 🌸تيما مبارك🌸

✳ الجزء 241 ✳

   ❤️ شــــــــــــامة اســـــــــــحاق♥

🌸تيما مبارك🌸

🔥 احببتك حتى ضننت ان بقسوتي احافظ عليك 🔥

كل ما كتغوت بالحريق اسحاق كي زيد يشجعها انها تصبر و كلشي عيدوز هو هذاك هذاك الفرمليات كلها كدير شغلها و القابلة كبيرة في العمر شوية كتشجها تزيد تزحم

جهد اسحاق مشا و ولا طالب السلة بلا عنب هذه ساعة و نص لي دوزاتها شامة غير غوات و وجع خلاتو يضعاف و كي دعي الله تفك على خير

كيف ما هو كان كي دعي معاها و هو شاد يديها حتى على برى كلشي كي دعي تفك على خير مسيكينة عتحماق بالوجع مكاينش اي مكيذكرش الله معاها حتى لحظة تسمع صوت صغير كاملين وقفو مصدومين من الغوة لي سمعو كيف ما كان صوت صدمة لإسحاق هو كي شوف بنتو قالبينها راسها التحت و رجيلاتها الفوق كانت فرحة و كلشي مجموع عليه دور راسو لشامة لي دموع هابطين ليها و هي كتشوف فيه فرحانة و مخلوعة كلشي مجموع فيها

شامة:إس اس اسحاق اسحاق
اسحاق(باس راسها بحب):نسمة الريحان جات اروح قلبي جات كيف النسمة تعطر لينا حياتنا

شامة:بنتي فين هي

اسحاق مداتها ليه الطبيبة ملوية و هي قابلة شليقماتها و كتبكي كيف هزها بين يديه حس بالدنيا مسايعاهش بالفرحة باس راسها هي كتحرك رويسها و عويناتها مغمضين هبطها الشامة باستها و كتشوف فيها بحب فرحانة و اخيرا جات لي ضوي ليهم حياتهم بالفرحة و الغوات و السعادة احساس مكيتوصفش

خداوها من عندو و شامة متبعة بعيوناتها: خليها غير شوية عافاك عافاك غير نشوفها
طبيبة(ضحكات):ها انت عتشديهتدا غير نقيوك و نغسلو ليها و نديرو ليها التحاليل
اسحاق:مشي مشكل

خرج عندهم و عنق باه فرحان و كوريهم قداش بنتو اما الغالي و داوود عنقوه فرحانين ليه حتى شوية كتخرج عندو الفرملية كتعلمو حولو مراتو الغرفة ديالها مشا عندها دخل لقاها ملبسينها حوايج حيت اصلا مخليهم عندو في لوطو و كان ضارب حسابو لا يجيها الوجع في الزنقة شكون عيجمع ليها داكشي و حتى مو مكايناش

جلس حداها كي دوز على خدودها بحنان كبير و هي كتشوف فيه ببتسامة فرحانة و فرحتها متعطيها الحد كانت الساعة وحدة ليل قرب ليها و دخل معاها في قبلة مخليها تخوي و تفرغ الفرحة ديالها لي مكرهاتش تنقز على قبلها ما بعد عليها حتى سمعو الباب كي تدق و دخلو عندها فرحانين الدراري و كي باركو حتى دخلات الممرضة دافعة كريريسة ديال بنتهم ببتسامة شافت فيهم

ممرضة:ها انا جيت عند ماماتيييي الزويييينة مبروك عليكم تربى في عزكم
اسحاق:شكرا بزاف

يالله ناض كي شوفهم تجمعو عليها كي طلو عليها و يستغربو حتى شافو في اسحاق و نطقو

الكل:شامة غير مسخرة البنت محطوطة منسوطة على اسحاق
اسماء:هييي الغالي شوف شوف خديداتها كيف الدليليحة حميمرين شفتي ما شاء الله
نجوى:شوفي حتى شفايفها
اسماء:نااري تحمق تحمق