✳ الجزء 76 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
جامعة يديها مخنزرة و هو كي شوف فيها شوفات في شكل و تبسيمتو لي مبينهاش لختها كي بينها ليها هذه الشي نيرفاها و خلاها مفقوصة كثر و لي زادها هو تعامل ديالو مع الياس
اسحاق(كي شوف فيها):مالك علاش صونيتي ليا
شامة:نسولك انت كيفاش حتى جيتي لهنا بغيت غير نعرف
اسحاق:عادي عجباتني القهوة و قلت نجي ليها
شامة:اسحاق انت مبانت ليك غير قهوة
اسحاق:شنو لي حارقك ا شامة بغيت غير نعرف
شامة:لي حارقني هو انت لي فين ما مشيت نلقاك في وجهي
اسحاق:بلاتي بلاتي انت مجيتش في وجهك و زيدون انت لي جيتي مع بحبيب القلب لهنا مشي انا راكم جيتو و لقيتونا جالسين مع بعضياتناشامة(بعصبية): راك بديتي كتنيرفيني
اسحاق(هبط وجها):شنو لي كي نيرفيك اممم واش ممنحقيش انني نخرج مع مراتي المستقبلية واش ممنحقيش نتهلى فيها انا بغيت نتقرب من زاينة و كنخرج معاها باش نتافقو على خطبتنا و كلشي على عينيك انت لي مالك كتنيرفاي غير بوحدكشامة ختافات عصبيتها في لحظة و عينيها بؤبؤ ديالها كي لعبو و كي شوفو في ملامحو لي كي دوي بيها و تيقة لي كي دوي بيها على ختها سرحات فيه و اول مرة تلاحظ وسامتو و رجولتو و كلامو علاش هي تعصبات الا ختار يخرج مع ختها علاش تعصبات منين شافتو جالس معاها علاش تعصبات منين كان يغوت عليها ياك هو غير ولد عمها و عيكون راجل ختها في النهاية خايف عليها ولكن حتى هو تعصب منين عرفها عتخرج مع الياس حتى هو دار ردة فعل مشي طبيعية علاش دائما كي ستغل الفرصة باش يجلسو بجوج علاش دائما صوتو و هو معاها مشي كيف الحنان لي كي دوي بيه مع ختها جات في بالها كلام ختها و حتى هو يكون صرطات ريقها و هزات عينيها و مركزاتهم في عينيه و قلبها بدا كي ضرب بالخلعة رافضة ديك الفكرة
شامة(كتحرك راسها بلا)
اسحاق(هز راسو بأه و عينيه في عينيها): داكشي لي فكرتي فيه هو لي كتينبعدات عليه كتسمح وجها و عينيها تغرغرو بالدموع و قلبها كي ضرب في 90 دارت عندو و هي مخنزرة و دوات بصوت فيه نبرة خوف
شامة:كتبغي زاينة ا اسحاق انت كتبغي ختي عتزوج بزاينة لا انا لا وحدة أخرى عندها لحياتكم سمعتيني يااااك
اسحاق (شدها من يديها):شامة تهدني
شامة(تنترات منو):متقيصنيش متقربش ليا هذه الشي لي فكرت ليه بحدو خيانة ا اسحاق لا انا لا انت عندنا الحق نديرو هكدا في حق ختي سمعتيني دابا عنطلع ناخد ختي و نمشيو بحالنا و انت سير الدار صلي جوج ركعات و راجع راسك و نفسك ا اسحاق واخاسمحات فيه و طلعات هو حك راسو و تبسم وقوفها قدامو و كيفاش جا في بالها هذه الاحتمال لحد داثو انجاز مكانش عارف بهذه الزربة ولكن لي متاكد منو هو انه عيبقا تابعها تابعها حتى طيح في حبو و متقدرش تهز راسها
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...