✳ الجزء 30 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
دخلات الدار و في يديها الميكا زاينة عاد خرجات من الطواليط كتمسح وجها شافت فيها لقات شامة مصدومة ستغربات هبطات يديها الميكا و مشات عندها
زاينة:اوووهوووو فين ساهياااا
شامة شافت فيها و هي معارفة اشنو تقول ليها مقادراش تخرجها على فمها حيت عارفة ديك بوسة الجبهة حق ختها مشي ليها هو مشا غالط بينها و بين زاينة صرطات ريقها و قررات متقولهاش ليها حيت خايفة ينوض الصداع بيناتهم مدات ليها الميكة
شامة:عطاك هذه ليك
زاينة(حلاتها كتشوف السقاطة):لا ا شامة هذه ليك انت لي مريضة
شامة:لا والله ما نشدها خودي
زاينة:لا معناخدهاش شدييي
شامة(هزات كتافها و جبدات تشيبس):صوني ليه و قولي ليه شكرا كي بان مشا مشطون
زاينة:أجي عاودي ليا اشنو درتي معاه
شامة:واخا
مشات جلسات و عاودات ليها كل ما طرى و جرى و هما مخشيين حدا بعضياتهم و كي ياكلو تشيبس زاينة كتبسم حيت عارفة ختها حقها متسكتش عليه و معزيش عليها لي يعطيها الاوامر داكشي علاش سكتات معاتبتهاش
زاينة:واش بصح صافي عتنساي نعمان
شامة:اه اختي
(حطات يديها على خدها):كي بان ليا اسحاق باغيك اختي
زاينة:معرفتش ا شامة هذه الشي فين عيوصل
(شافت فيها):خايفة نقبل بيه و نتقبل في الخدمة و نصدق واحلة بين عمي و ولدو و انت عارفاني كيف دايرة
شامة(تبسمات):جاب ليك ربي راجل كامل مكمول واخا متسلط و كيبغي يتحكم و كلمتو هي لي تكون ولكن كتحسي بيه راجل واقف حداك و مزالة تشرطي
سكتات كتفكر و رجعات شافت فيها:شامة الا كنتي انت في بلاصتي اشنو ديري
شامة:ندوي معاه و نصارحو اولد الناس انا دزت في الكونكور و كنتسنى غير نتقبل فيه الا تقبلت راه عنمشي المستقبالي هذاك وا شقادر تصبر عليا 5 سنين عاد نتزوجو
زاينة:موحااااال
شامة(ضحكات):قولي انت عتهربي نهار عرسك
زاينة:والله حتى نديرها انت عارفاني مكيهمني حد راسي راسي
شامة:و تخلي مك و يضحكو عليها الجيران
زاينة:عندك الحق اجي بعدة كيف جاتك شخصيتو
شامة:بغيتي صرحة عندو حظور قوي بزااف و فأرض شخصيتو ميمكنش متحسيش انه جالس حداك و حتى انه كي حس بيك اذا كنتي
سكتات منين عاقت براسها و بقات ساهيا لاواني و زاينة كتشوف فيها مفاهمة والو و هي تنغزها:الا كنت اش
شامة(شافت فيها):مرضتي
زاينة:باش عرفتي
شامة:راك كتعلفي خير دليل
زاينة(هزات حبة خشاتها في فمها و غير كتدوي غير جيب ا فم و قول):كي قولو الحباب كي حسو بقا بعضهم واخا ميكونوش كيعرفو بعضياتهم و هذه الشي لي طرا معاك انت و اسحاق
هي كتدوي بدون ما توزن و شامة سرحات بعقلها منين باس جبهتها و منين قاص خدودها و منين مسح دمعتها يديه الخشنة و شفايفو الرطبين مزالة كتحس بيهم على وجها غمضات عينيها و هي كتكبح تفكير فيه و جا قبالتها غير نعمان لي غدي يتزوج هذه الشي لي خلا قلبها يتزير عليها و عينيها يدمعو من جديد حتى نطقات في داخل ديالها
شامة:اللهم اجرني في مصيبتي و اخلف لي خيرا منها
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
