❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)

✳ الجزء 45 ✳ ❤️ شــــــــــــامة اســـــــــــحاق♥ 🌸تيما مبارك🌸 🔥 احببت

✳ الجزء 45 ✳

   ❤️ شــــــــــــامة اســـــــــــحاق♥

🌸تيما مبارك🌸

🔥 احببتك حتى ضننت ان بقسوتي احافظ عليك 🔥

في طريق منين كانو راجعين بقات فوزية مع منصف و معاد شد الطريق في الطاكسي مع هند كي حك راسو مزال ما متيق ان ختو بغات تقتل ليه ولدو منين خرجو عاود سول منصف ولكن الولد كي عاود داكشي لي حفضاتو ليه مو و جداتو فرحانة حيت دارت هذه الانجاز العظيم

هند:الله ياخد فيها الحق يحساب ليها مغديش تفظح لباس منين ولدي قال ليهم الحقيقة
(شافت في معاد):مخاصناش نخليوهم معانا في الدار اليوم زاينة غادا شامة بعدو مك ا معاد
معاد:اش بغيتيني ندير
هند:هذه هي فرصتك باش تضرب ضربة صحيحة باك ضلمك من ناحية الورث و انت خاصك تكون كتفكر دابا ربي جاب ليك هذه الفرصة حتى البين يديك
معاد(شاف فيها):اشنو في بالك

هند(ببتسامة ماكرة):تضغط على شامة و زاينة يكتبو ليك حقهم في الورث و جري عليهم من الدار حتى مك معندك ما دير بيها هي و ديك العقروشة ديال جداتك

معاد:مييي منفرطش فيها
هند:اوا صافي غادا تشعل العافيا في الدار و نموتو و حتى محروقين

مول طاكسي هز راسو كي شوفهم من المراية مخنزر معاجبو حال من كلامها اما معاد كلامها كي دور في راسو لقا عندها الحق و الباصيرة عمات ليه وصلو الدار دخلو هي و ياه و مول الطاكسي حرك راسو بلا حولة منين نزلو

مول الطاكسي:الله ياخد الحق في الضالم الله يكون معاكم ا بناتي واخا مكتعرفكمش

دعوة من الغريب مستجابة بادن الله واخا مكيعرفهمش فعلا حيت راه الضلم بعينيه و خوهم غير حال فمو طمع كي خلي الواحد يدير شي حوايج و ياخد شي حوايج لي مشي ديالهم كرش الحرام كبيرة و كتاكل لي ليها و لي ما ليها دخلو عندهم و جلسو بلا ادن هند دارت رجل على رجلي شامة مكرهاتش تنوض تنتفها

زبيدة:علاش جيتي باغيا تشفاي
هند:حشومة عليك ا خالتي واش انا جاية نتشفا ياك بنتك لي بغات تقتل ليا ولدي
زبيدة:زاينة مديرهاش و منصف مقطر ليها من عينيها و انت عارفة هذه الشي
معاد:بنتك ا مي بغات تقتل ليا ولدي الوحيد
اسحاق(غوت):واش انت مريييض في ك ر ك واش كاينة شي عمة تقتل ولاد خوها
هند(مخنزرة فيه):راك سمعتي منصف ولدي اشنو قال الحمد لله لي عاش ليا ولدي باش قال الحقيقة
علال:الحقيقة عند الله عتبان يا اليوم يا غادا
هند:المهم مشي هذه الشي علاش دخلنا عندكم
(شافت في شامة):بغيت ندوي مع شامة بغيتي ختك تخرج
زبيدة:عتخرجيها و يديك فوق راسك
هند(خنزرات فيها):مكندويش معاك انت زكي عليا دلقوشك
شامة(غوتات):اواااااا جمعييييي فممممككككك
هند(شافت في معاد):شفتي ا معاد شفتي كتغوت عليا
شامة:من الاخر شنو باغيا
معاد:الا بغيتو زاينة تخرج تكتبو ليا بجوج بيكم حقكم في الورث و تخرجو عليا من الدار كاملين بيكم

صدمة عطاها ليهم لجمات فم شامة و زبيدة علال و اسحاق خلاهم غير كي شوفو هو يدوي بعصبية:واش بعقلك كتساوم خواتاتك ابنادم
معاد:هذه الشي لي عندي قلتو ليكم الا مبغيتوش ختك دوسيها عيتوسخ و على القليلة 5 سنين الحبس و راك عارفة

شامة شافت فيه و بدأت تضحك تضحك تضحك و هما مفاهمين والو اشنو كي ضحك هذه الشي ناضت من حداهم و عينيها دمعو بكثرة الضحك مشات الكوزينة هزات غراف الماء بارد تشرب و رجعت عندهم شافت فيهم