✳ الجزء 31 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
كيف صبح الصباح ناض من بلاصتو كي حك عينيه و هو مشابعش نعاس دخل يشوف تيلي لقاها فتحات مع اخر مرة خلاها فيه غمض عينيه و ولا فتحهم يصحصح دوز الخط نيت و تسنا شوية حتى سمع صوتها ولكن مشي براحة ديالو كيف لبارح معرفش علاش اما زاينة كانت ناعسة حدا ختها حتى سمعات تيلي ناضت مضهشرة هزاتو و جاوبات و عينيها مغمضين
اسحاق:صباحو
زاينة:شكون
اسحاق(سمح على وجهو):ها وجه الله ا زاينة واش باغيا تحمقيني معاك
زاينة:ااه ولد عمي
اسحاق:نحيدو الرسميات بيناتنا
زاينة:واخا ا اسحاق
اسحاق:صبحتي مزيان
زاينة:فيقتيني من احلى نومة
اسحاق(ضحك شوية و ولا نطق):عارف راسي فيقتك بكري ولكن بغيت نشوفك اليوم و ضروري
زاينة:علاش ياك لباس
اسحاق:عندي موضوع مهم بغيت ندوي معاك فيه
زاينة:صرحة ا اسحاق هذه السيمانة منقدرش عندي بزاااف الحوايج نقضيهم ياك متقلقش الا خليناها الخميس الجاي ياااك
اسحاق(هز راسو الفوق و ولا نطق):شهاد الصواب كامل لي فيك
زاينة(حكات شعرها):عادي عادي راه حنا ولاد العم
اسحاق:واخا ا بنت الريس بقاي ليا على خاطرك
زاينة: شكرااا
اسحاق:زاينة سمحي ليا على لبارح مكنتش قاصد و**
(قاطعاتو عند بالها على قبل كلام لي قال لشامة لبارح على قبل القمع لي عطاها حيت مخدماتش):هانيا حتى انت ولاد العم لبعضياتهم
اسحاق(حك شعرو ببتسامة و قلبو كي ضرب): معندكش مشكل دابا معايا ياك الخاطر صافي
زاينة:غير متعاودهاش
اسحاق(بختورية):لا
زاينة:بسلامة
اسحاق:باي
قطعات و حطات تيلي على قلبها كتفرنس اما اسحاق كان مرتاح و ما مرتاح نبرة الصوت مشي طبيعية لبارح كانت فيها واحد الرنة مهدنة شوية ديال الراحة و رزانة اما دابا شوية الزربة و الخفة واخا صوت هو هو فسر هذه الشي غير حيت يالله فاقت الصباح ناض لبس في رجليه و نزل التحت بالكلاكيطة غسل وجهو و خرج كي نشفو و دخل الصالة لقا مو وجدة الفطور جلس حداهم بنشاط
اسحاق:صباح الخير
ماريا:صباح النور
اسحاق: نايضة نصايبو المسمن على الصباح
ماريا:لا اولدي مسيكينة ليلى لي صايباتو
اسحاق(هز وحدة و يالله عيحطها في فمو هو يسمعها رجعها الطبسيل و شاف فيها مخنزر): بافيت تنگدي عليا النهار و سلام فايق ناشط الوليدة و انت شادة ليا في بنت قادر
ماريا:مالها شفيها البنت حادگة و ديالها بنين راك كليتي حتى شبعتي فيه
علال:خلي الولد يفطر على خاطرو ا ماريا
اسحاق(هز راسو):الوليدة قررت قرار لا رجعة فيه عنتزوج بنت عمي الله يرحمو
ماريا:كي قول واحد المثال بعد من دمك لا يطليك و انا خايفة هذه التزويجة يجيك من موراها غير المشاكل
علال:علاش مال بنت خويا
ماريا:مشي قلتي انها طيارة البنت
اسحاق(كي غمس الزيت):غير تهناي من هذه الناحية البنت متبتة و مرزنة و قافزة
ماريا:زاااااينة
علال(عقد غوباشتو):دوي على شامة نقول ليك واخا اوليدي اما زاينة راها طير من المقلة
ماريا:قولها ليه راك شفتي ليلى على مزويناتها اولدي
اسحاق:زين لا زين الفعل ا ميمتي خليني نفطر الله يسهل عليك و بالنسبة ليلى متبقايش تعطيها امل على الخوى الخاوي
بقا كي فطر و ماريا ملقات ما دير مع الولد لي في راسو في راسو دورات وجها و هي مخنزر معاجبها حال اما علال جاه عجب منين شكر زاينة قدامو و هو عارفها طير من المقلة
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Acción🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
