✳ الجزء 117 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
صباح جديد و كيف كنقولو صباح الماليه الملحة و سر عليه كانت شامة غارقة في نعاسها و هي فرحانة حيت بيتاتو مغدد و هذه الشي لي خاصها مخاصوش ينعس مخاصوش يصير الراحة بغات ترفض هذه الزواج ولكن فكرات من ناحية أخرى تقبل ولكن تخليه يتفقص و يتطعن و راه بصخ ما هناش ليه البال خلاتو ليل كامل بايت يتقلب في بلاصتو و من لي وقع بغا يستفزها صدقات هي لي محرمة عليه النعاس
حسات بحركة في البيت ناضت تالفة كتشوف في بنات خوالاتها داخلين عندها البيت خنزرات فيهم و هي معصبة
شامة:والله يجعلها قعيدة فيكم واش انتوما معندكمش علاش تحشمو
***:مالكي ا شامة بغينا غير ناخدو من عندك صاك باش نمشيو الحمام معاك زعمة راك عروسة ناخدو غير الفال
شامة:خرجووو بحالكم الله يرحم الوليدين خسرتوها عليا نعسة منين تبغيو الحاجة قولوها لزاينة
***:مالكي عتغوتي تقولي غير انت لي عتزوجي سلامة يا ربيخرجو كي نكرو اصلا دخلو غير يشوفو الكادوات ساعة لقا يديهم الريح حيت زاينة و زبيدة داروهم في الكاراج معندهم ما يصورو اما شامة رجعات تكات و هزات تيلي ديالها لقاتو مصوني شحال من مرة خصوصا انها كانت دايرة ليه الصيلونص تبسمات و هي فرحانة و دخلات الواتساب كتشوف التصويرة لي صيفط ليها و هي مخنزرة و جمعات شنيفانها حتى طلعات ليها نمرة ديال اسماء تبسمات و جاوبات
شامة:اسومة صافا
اسماء:لباس عليك
شامة:الحمد لله
اسماء:ياكما ناعسة
شامة(ضحكات):يالله فقت
اسماء:انت لالة العروسة يا ختي تفشي
شامة:ربي خليك أجي كيف غادا مع مالين الدار
اسماء(بضحيكة قدام خوها):رحلنا انا خويا عادلشامة(تگعدات):واش سكنتو بوحدكم
اسماء:اه بوحدنا صرحة على ما فهمت با بغاه يبقا يخلصو و هو معجبوش الحالشامة:اييييه الدنيا ناس عندها الواليدين مدة الخوت مسكدين و حنا عطانا ربي استغفر الله خلينا منهم أجي متجيش عندي
اسماء(خرجات عويناتها):اناااا
شامة:ايييه نقول زاينة تجي تجيبك مكاينش لي قريب ليا كاينة نجوى صحبتي عتجي حتى نهار العرس و زاينة أجي حتى انت دوزي معايا ههه النهار الحمام و غادا الحنة و العرس و خوك يجي يديك اش قلتياسماء (حنيكاتها حمارو):معرفتش خويا واش يبغي
شامة:الا مبغاش نصيفط ليه اسحاق حتى العندو
عادل:مالك
اسماء:بغاتني نمشي عندها المكناس نعاونها
عادل(تنهد كي شوفها باغيا تمشي و خايفة): واخا انا نوصلك لاگار الا كانت ختها تلقا ليك تما حيت نخاف عليك
اسماء(عطير بالفرحة):واخا ا شامة واخا عنجي اليوم
شامة:انا نصيفط ليك زاينةقطعات معاها و خلاتها ضحك و ناضت تمشي تغسل وجها و تخرج تفطر بعد ما سورتات الباب اما اسماء كانت كتطير توجد لخوها الماكلة و ديرها ليه في التلاجة و طلعات دارت حوايجها في الصاك ديال خوها محلات فين تنزل حتى كان خرج خوها و جاب ليها شنطة صغيرة كتهز في اليد و حطها ليها
عادل:ديري حوايجك هنا حشومة تمشي بهديك
اسماء:واخاخدماتها كتعمر فيها و هو كي وصي و يعاود متيق في حد و متخالط في حد و عيدوي حتى مع الغالي يهضر مع اسحاق باش يتوسل ليه لشامة عليها يوصيه عليها خرجات معاه و شدو طاكسي و كذلك نفس الهضرة متعاود حتى وصلو المحطة و قطع ليها البلاصة و رغب السيكوريتي باش يدخل و داكشي لي كان دخلو الداخل و حتى شد ليها بلاصتها و وصلها متحركش حتى توصل المكناس و تسمع مكناس الامير عاد تنزل باس راسها و رجع بحالو من تما بعد ما قلعات و هي عتكير بالفرحة و غير كتهز في رجليها بافيت امتى توصل
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Боевик🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...