✳ الجزء 43 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
وصل عندها و وقف عليها هي هزات راسها و كتحك يديها عقد غوباشتو شامة دورات راسها شافت في هيثم لي دار ليها ضحكة استفزاز و معجبهاش الحال دورات وجها مغددها هذه الشي كامل تحت عيون اسحاق لي شرارة خارجة من عينيه
اسحاق:يالله نحيدو من لهنا
شامة(مشات معاه ركبات و دارت سانتور و هي كتحرك رجليها بعصبية)
اسحاق(شاف فيها):علاش بغيتي تمشي الحومة
شامة:معرفت ربما نشوف تما شي واحد ولا وحدة شاهد ان ختي جات معطلة
اسحاق:دويت مع المحامي و قال ليا شهادة الدري الصغير لي زيرات القضية
شامة:اصلا كلشي من ديك لي متسماش الله يگيها ليها بالحق حالفة بحلوفي حتى عنصيفطها هي و باها و مها لفين باغيا تصيفط ختي
اسحاق(كي شوف يديها مزيرة عليهم تنهد و دور راسو):ها حنا وصلنا
نزلو بجوج كي دورو تما و لقاو دراري صغار كي سولوهم ولكن ملقاو حتى واحد واش جات شامة قبل او بعد هذه الشي هرسهم كاملين اسحاق بقا كي دور راسو على الله يبان ليه شي واحد داير كاميرة ولكن تقوووول واش لقاو شي واحد دورات راسها شامة كتشوف اسحاق كي مشي سول مالين الحوانت واش عندهم شي كاميرة شادة الشارع الكبير ولكن تقوووول واش لقا شي وحدة رجع عند شامة لي حتى هي سولات حتى مالين ديور و واالووو
شامة(وجها حمر بالاعصاب):ملقيتي حتى واحد
اسحاق(حرك راسو):تقولي
شامة(سمعات تيلي كي صوني جبداتو و جاوبات عمها):نعام ا عمي
علال:فينك ا بنتي رجعي الدار يحللها حلال
شامة(تنهدات): معنرجع الدار حتى نجبد دليل براءة ختي و نصيفط دوك تريكة الغبار
علال:الله يرضي عليك ابنتي لما رجعي
شامة:اعمي الله يهديك راها ختي عندي
اسحاق(خدا تيلي من يديها و دارو في ودنو): الوليد متخافش ها هي معايا
علال(تبسم):واخا اولدي الله يرضي عليك
قطع و عطاها تيلي و رجعو من جديد كي قلبو بيعينيهم و يسولو مالين الديور واش شي واحد حظر الواقعة كاين لي مكانش فعلا ولكن حتى لي حضرو مبغاوش لي يشهد في الكوميسارية حيت خاطيه المشاكل معرفوش اشنو يديرو نهائيا اسحاق شافها عيات مشا بيها لوطو مع شموشات گادية مشا جاب ليها قرعة الماء باردة شربات منها و تنهدات
اسحاق:مراتك خوك قلبها عامر عليكم و عمرات حتى خوك و ولدو
شامة(هزات عينيها فيه):المشكلة مي انها معرفاتش معامن تناسب
اسحاق:هو لي ختارها
شامة:ياريت كون كان هو نقول يتحمل نتيجة اختياراتو ولكن مي هي لي ختارتها هذا هو المشكل يا اما كتكون العكوزة لي حارة او المرة حارة و الا كانو بجوج بيهم دراوش كي كون الراجل لي حار بعد المرة اختيارنا الشخص الغلاط في حياتنا كي كون نتيجة خايبة و بزاااف و كي رجع علينا بالسلبي و مكنقدروش نتحكمو في المشاكل لي كي جيو من بعد خاص الواحد دائما يكون حكيم في قاررات حياتو و يعرف الصح من الغلاط خاص الواحد يسول و يعاود على شريك حياتو و واش عتكونو متفاهمين و اخلاق ديالو اهم حاجة الأخلاق حيت ان فسدت الأخلاق فسد الناس جميعا و هذا هو الغلاط لي دارت مي مختارتش لولدها مزيان كان خاصها تخليه يختار راسو باش متكونش هذه هي النتيجة خرجات على خويا و حتى اختي ختي مشات في الرجلين
هزات راسها فيه و هي كتدوي حتى كتسكت من الهضرة و عينيهم بجوج مرتابطين هو منين بدأت تدوي بواحد الرزانة و كلام على حق خلاه بلا هواه يشوف فيها و تفحصها بعينيه بكلشي ليها طريقة كلامها جلستها و حتى قوة شخصيتها و رزانتها حاظرييين تفكيرو كامل تحول و كلمة كدور ليه في راسو
(زربتي ا اسحاق)
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
