✳ الجزء 120 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
باركة تلعب بصاك و تشوف ها لي دايز مع ولادو ها لي جالسة و شادة تيلي ها لي واقف و كي دوي مع صاحبو ها لي كي دوي في تيلي مع حبابو اما العيالات خلااص عالم الاخر جاها خدغريب ولكن حبات هذه الجو بزااف
داكشي لي عاشتو من و هي صغيرة خلاها بعض الحوايج لي حنا كي جيونا عاديين راه حاجة كبيرة بالنسبة ليها و تفرحها الا قلتي ليها هاكي غير شكلاط تفرح من قلبها حتى الطلعة السطاح و انها دوات مع الغالي ولو انها تخلعات الا خلا بصمة في قلبها لي سدات عليها و كل ما تشوفو في الحومة بالتخبية من الشرجم تخبا و قلبها كي ضرب غير بوحدو شنو هذه الاحساس لي شدها معندهاش عليه دراية حيت محيطها كان متمحور فقط على اب زوجة الأب جوج خوت
عادل دابا منين ولا قريب لختو لمس منها انها كتقلب على الحنان و شي واحد يشد بيديها و شي لي دارتو شامة فيقاتو و زاد كمل منين عرف باه انه كان كي بيع و يشري في بنتو هذه لي ضراتو و منين قلب عليه باه عرف بحق اسماء كثر و كثر كان فيه ما يخليها في الدار حتى يديها نهار العرس و يجيبها ولكن بغاها تحاك و تلاقا مع ناس و تحاك مع الناس باش تكسب شخصية ديالها او نقدرو نقولو تزيد تكتاشف شخصيتها حيت على ما بان ليه منين ولات تقدر ترد الهضرة على رشيدة راهابدات تكسبها
كتشوف في يديها و تهز عينيها و تشوف ضفيرات البنات عقدات حجبانها و هي مستغربة مع عتهز راسها كتبان ليها تاينة طالبة ليك شعر و دايرة نضاضر خرجات عينيها بصدمة و ناضت عندها
اسماء:شامة علاش مشي دايرة الحجاب و زيدون خاصك تكوني في الدار راك انت العروسة زعمة
زاينة(حيدات ليها النضاضر و ضحكات):انا مشي شامة انا زاينة ختها
اسماء(حكات شعرها):اااه سمحي ليا واش انت و ياها توأم
زاينة:اه انت اسماء ياك
اسماء:اه عرفتيني
زاينة(حضكات):نااارييي اختي مصاب كون كنت في برأتك والله زيدي يالله اري هذه
اسماء:لا لا حشومة انا نهزها
زاينة:اري بركة من التفلسيف
اسماء:بلاتي نصوني لخويا نعلمو
زاينة(شدات ليها حنيكاتها):ويلي ويلي على نصوني الخويا صوني اختي صوني
ضحكات ليها اسماء ببلاهة و عيطات لعادل عاد رتاح عليها و زادو و اسماء كتشوف في الشارع و تبسم غير بوحدها مع الحرارة شوية بدات تطلع
زاينة:انت لي معطلة علينا الحمام
اسماء:واش مزال ما مشات
زاينة:مزااال اختي مزااال
اسماء:واش على حسابي
زاينة:اااه على حسابك تسناتك صرحة ا اسماء شامة قليل لي كي دخل لحياتها و تبغيه انت معرفتش فيك القبول
اسماء(ضحكات):و لاااا حتى انا عزيزة عليا
زاينة:ياختي على عزيزة عليا أجي من لهنا من هذه الدريبة
دخلو بجوج و حتى وصلو الدار و هي تحل زاينة الباب و دخلات لقات شامة في البيت سلمات على زبيدة و رحبات ليها كيف بنتها و حتى الحاجة كذلك و عاد دخلات عند شامة لي كانت كتجبد جلابتها و شافت في اسماء طارت عليها بتعنيقة
اسماء:مبرووووووكككك
شامة:فرحت حيت طلقوووك
اسماء:نااري كنت كيف الطير المسجون
زاينة(كتحيد الحوايج باش تلبس الجلابة): السيدة لقيتها تالفة و غير حالة فمها
شامة(عنقاتها):خليها أجي عطيها جلابة ا زاينة
(شافت في اسماء):عندك ما تلبسي معانا في الحمام
اسماء(كتشوف فيها):اه جبت حوايجي
شامة تنهدات و حاسة خنزرات و مشات الشانطة ديالها و جبدات منها جوج جوج من الحاجة و رماتها عليهم
شامة:ديرو هذو في الساك كل وحدة تلبس
اسماء:لا لا ا شامة عندي
زاينة(شافت فيها):شدي و سكتي
اسماء:شامة طواليك
زاينة:راها انفاص معاك
اسماء:واخا
مشات تجري دخل و زاينة شافت في ختها: عندي ما نلبس علاش عطيتيني
شامة:اسماء معتبغيش تشد من عندي و انا عارفها معندهاش و مع عائلت مك الزينة على اقل من هيا حاجة عيبقاو ينكرو و يخسرو خاطر البنت
زاينة:مفكرتش فيها
شامة:يالله جمعي باش نمشيو
اسماء مشي مكانش عندها انما خوها عطاها نهار خرجات معاه و دخلات شرات باش تكون بوحدها حمر وحتى شامة باش متحشمهاش عطات حتى لختها باش ميكونش مشكل و يحساب ليها طيحات بيها
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
