✳ الجزء 187 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
اسحاق كي شوف فيها مخنزر و بدا كي غوت في الكوزينة و يلوم مو على هذه الفعلة و هي حانية راسها و كتبكي ها تاني شوهة دارتها ليها شامة و طيحاتها في الفخ و ماريا من صباح و هي تشكر فيها على طياب لي ريحتو كي تشم من فين و فين صدق مشي هي
ليلى:مي قالت ليا عيني ميزاني باش عنعرف ان الدجاج الا دار ليه الملحة مكنديروش ليه من بعد
ماريا:ليلى واش اول مرة طيبي عتحمقيني
ليلى(شافت فيها و دوات بلا ما تحس):والله ا خالتي الا اول مرة
ماريا(خرجات عينيها):هي لسان ماضي و دراع گاضي
اسحاق(جلس):ياااربييي سيري سيري عيطي لشامة من الداخل و درقي عليا زلافتك سيريشامة جلسات حدا العائلة كتدوي و تضحك معاهم راشقة ليها حتى جات ليلى و هي عينيها حومر غوتات ليها ناضت عندهم كتعنگر
شامة:يا لاباس
اسحاق:شحال الوقت الدجاج يطيب
شامة:ساعة علاش
اسحاق:دوزي طيبي مخاصني شوهة مع ولاد العائلة
شامة:غير سمح ليا اولد عمي كيف شفتي يدي جرحتها و دايرة ليها الفاصمة ها خالتي طيب
ماريا:انا عيااانة
شامة:اوا صافي حطو ليهم داك الغدا ياااك ليلى كتعرف طيب حسن مني
ماريا(شدتها من يديها):شامة الله يرحم الوليدين لما طايبي
شامة(تكات على الحيط):وليتي باغياني نطيب ياك لبارح كنتو شادين بيا الكورة بيناتكم في الاخير مخرجيني في الشموشات الحارة نتقضى ها تقضيتكم عاودو الطياب ولا متعاودوهش داكشي شغلكم انت و ضرتيمشات حلاة التلاجة و خدات منها الصوبة سخناتها و هما كي شوفو و اسحاق جالس و كي حك لحيتو هزاتها و شافت فيهم: عطيوهم الصويبة تريكتي و نعرفها عزيز عليهم هذه الشي اما جيرانك منكم ليهم
خلاتهم و طلعات عند عمها حطات ليه الصوبة و عاودات ليه البلان لي وقع ليلى
علال:و انت عجبك الحال
شامة(حطات راسها على يديها و تنهدات): ولدك ا عمي لي بدلني غلطت اه واخا ولكن حكم عليا بلا ما يسمعنيعلال:صعيب على الراجل باش يعرف مراتو كانت كتبغي خوه و انت درت غلاط منين مقلتي ليه والو و هو حس بالشمتة و فقد فيك التيقة انت عارفة ان ليلى معيتزوج بيها ما عيدير معاها الدراري و و سكت حتى انا حيت عارفة باغي يتاكد واش كتبغيه هو و الا جينا نشوفو ا بنتي راه انت لي غالطة خاصك تحملي راجلك و تطيعيه و مديريش شي حاجة لي تندمي عليها
شامة(تنهدات):اختبارو صعيييب ا عمي و صعيب بزااف حتى كتقول نخوي الدار و نطلق منو
علال:هذه الشي لي بغاو هما ا بنتي عتخلي راجلك ليهم و انا كنشوفك كتوفاي عليه و غير تقولي نطلق
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Action🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...