✳ الجزء 106 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
جلس هو و ياه في القهوة و كي لعب بصباع يديه في الكاس ديال اتاي و الغالي كي شوف فيه مصدوم اشمن نوع ديال اباء هذا حك شعرو و هو مخنزر و شاف فيه
غالي:دابا بقيتي بلا خدمة و هاكداك خاصني ليه هذه الشهر كامل
عادل:شنو ندير
غالي:لي عدير هو عتنوض تهز ختك و تهز راسك و تخرج انت و ياها من داك الدار مخلص 1800 اللهم خلصها في دار تكون مرتاح فيها
عادل:صابر على قبل اسماء
غالي:طالمة ان اسماء ساكنة في ديك الدار معمرها ترتاح ولا عترتاح الا مكانش الضرب كاين الهضرة الناقصةسكت عادل و دور راسو و الغالي تنهد و مسح وجهو و شاف فيه:هذه الايام الوليد كي قلب على لي يشد ليه محال البزار التاني و باغي شي واحد تقة حيت عيبقا مقابلو غير هو و في اخر الشهر عيجي يتحاسب معاه
عادل(شاف فيه):اوا
غالي:عندوي ليك معاه دخلت تخدم المهم خلصة تهز راسك و تهز ختك حتى نقنع الوليد باش ناخدها
عادل(شاف فيه):واش بصح ناوي تزوج بختي
غالي:و انا كرهت باك دار لينا العصى في الرويضة و عالم الله اش قال لبا حتى تبدل حالو من غير انه كان طامع يبيعها مشي يزوجهاعادل:انا كون جات عليا نزوجها ليك اليوم قبل غدا معنديش مشكل
غالي(رتب ليه على ضهرو):عارف لي كاين اصاحبي مديرش في بالك نوض يالله نمشيو عند الوليد نوضهز براسو و تبسم ناض معاه ركبو في لوطو و شدو طريق المحال ديال الباه و دار عندو :اسماء لباس عليها
عادل:مزيانة
غالي:كيف دايرة مع مرات باك
عادل(ضحك):صرحة ختي تصرفاتها ولاو يضحكوني كتبغي تعاير معاها و هي تفتف مرات اسحاق جابت نتيجة عليها
غالي(ضحك):المهم خاصها تعلم تدافع على راسهاوقف لوطو و شاف فيه:عاونها و سلام يالله نزل
نزل هو و ياه و سد لوطو مشا دخل كي قلب على باه لقاه جالس و عاصر على براد اتاي و كي جمع الحسابات مشا باس ليه راسو و جلس حدا و عادل حتى هو سلم عليه و جلس
مصطفى:لباس عليك
عادل:نحمدو الله و نشكروه
الغالي:الوليد كنتي تقلب على لي خدم ليك في البازار
مصطفى:اييه
(شاف في عادل حيت فهم ولدو من اول كلمة): عندك مع البيع و شرى ميتخافش عليك
عادل(فرح و هز براسو):اه عندي معاهمصطفى:سمع ا عادل انا عندي بيض بيض كحل كحل معنديش مع لون رماضي حيت مكنحملوش ولدي عارف هذه الشي
عادل:لهلا بحشمنا
مصطفى:ان شاء الله الغالي عيديك لبازار يفهمك كلشي حتى ندير شي وقيت عندك و ندوز نتفاهمو على الخلصة
غالي(رتب ليه على ضهرو):مبروك
عادل:لهلا يخطيك و كان
غالي(شاف فيه):احم الوليد دار ديال مي مزالة خاوية
مصطفى:مزالة علاش
غالي(شاف في عادل و نطق):باه ولا مخليه هو و اسماء ساكن عندو بمقابل 1800 درهم
مصطفى(حيد النضاضر و شاف فيه):لاااا حولة و لا قوة الا بالله العلي العظيم هذه السيد مكيتهدش ولا كيفاشعادل:هذه الشي لي مقدر علينا الله
مصطفى(شاف فيه و خشا يديه في الجيب و جبد ليه السوارت):سير هز ختك و خوي ديك الدار حسن ما شي نهار تمشي تلقاها مخرجينها مفنة سير اولدي حسبيا الله و نعمة الوكيل الناس تولد الولاد تحن عليهم في الكبر و هو والد الولاد يحرت عليهمعادل:هذه الشي لي عطا الله
(ناض باس ليه راسو):لهلا يخطيك الحاج ولكن بشحال عتكري ليا
غالي:حتى يجي عندك وتفاهمو راس في الراس نوض يالله تشوف المحال و تعرف فين كاين و يالله تدي اسماء الدار و منين يجي عندك في العشية ديك الساعة تكون عندك هضرة معاههز ليه براسو و ناضو بجوج سلمو عليه و خرجو و مصطفى كي شوف في الغالي و هو مفتاخر بيه راجل و نص
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Ação🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...