✳ الجزء 214 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
باش كانو هما شادين طريق الكلينيك كانت الحومة شاعلة فيها العافية بالبوليس لي جاو كي قلبو على ليلى باها و مها غير كي جرو في بنتهم معارفينش گاع اشنو دارت و هذه الأخيرة لي جالسة ممصوقاش و غير كضحك تبعوها حتى الكوميسارية يعرفو اشنو واقع ولكن ملقاو حتى جواب حتى يخرج الكوميسير هو يقول ليهم اشنو واقع
في الكلينيك غير حلات عويناتها و دورات راسها بحال الا كتقلب على شي واحد حداها بان ليها علال طلقات يديها و حاولات تنوض ولكن مقصحة و بدأت تبكي مهمها لا راسها لا حتى بنتها اهم حاجة عندها اسحاق لي كلا الدقة خايبة و من مو يا حصرة
شامة(بدات تشهق):عمي عمي اسحاق اسحاق فين هو
علال(زير على يديها):غير تهدني ا بنتي ها هو جاي
شامة(دموع خيط من عينيها):قاصوني ا عمي في الغالي بغاو يقتلوني جات الدقة في اسحاق اعمي عافاك عيط لمي عافاك ا عمي قبل ما يفوت الفوت و نخسر راجلي عافاك ا عمي عافاك
علال (مفهم والو):مالو ولدي
شامة:مراتك تبعات الشيطانة ديال ليلى و دارو ليا التوكال و انا مكليتوش و اسحاق لي كلاه في بلاصتي بلا ما نعرفو اسحاق مريض ا عمي مرضاتو مو جات تاديني ادات ولدها عطاتني ضربة مقاداش نهز منها راس ا عمي مراتك كواتني في الغالي ا عمي
علال(خرج عينيه)؛شامة هذه الشي لي كتقولي ميدخلش العقل مريا كنعرفها بصح فيها الخبث ولكن متوصلش تقتل روح و خصوصا السحور
شامة:سمعت ليلى بودنيا و منين واجهتها هي و مراتك ها انت كتشوف ليلى دفعاتني من الدروج و بغات تهنى مني ا عمي عافاك عتق اسحاق قبل ما فوت الفوت فين هو اسحاق
كتحاول تحرك لكن مقصحة و علال كي ردها البلاصتها:غير تهدني اسحاق ها هو جاي مشا يجيب غير مك من المحطة غير رتاحي
شامة:صوني ليه صوني ليه ا عمي
هي كتدوي سمعات ماريا كتغوت برى اسحاق طاح طيحة وحدة و الكشكوشة خارجة ليه من فمو خرج لبرى و شامة فيها الحريق باغيا تنوض ملقاتش كيف دير مزال الحريق كي زيد يجهاد عليها و الجهد لا جهد عندها مسكينة كانت حاسة اسحاق مريض و عارفة عندو شي حاجة ولكن هو مكيبينش ليها من جهة و من جهة اخرى فكرات المشكل لي وقع ليه معاها هي لي خلاتو يضعاف و يتراجع
حطات يديها على كرشها محاولة تنوض ولكن مقداتش حتى جات الفرملية لي شافتها ناضية نبهاتها ولكن شامة تقولي واش كنسمع بغات رجلها هذا مكان عاوناتها في الكرسي جلسات و داتها المستعجلات فين كاين رجلها✳ الجزء 215 ✳
❤️ شــــــــــــامة اســـــــــــحاق♥
🌸تيما مبارك🌸
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Acción🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
