✳ الجزء 97 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
خرجات من الدار غادا الحمام نيت تكمد عضامها و شحال عزات عليها شامة باينة انها تقهرات غير من صوتها مكرهاتش تقول ليها غير كي ضحك معاك و ناوي يدير ليك مفاجأة ولكن فكرات ان شامة خاصها تخرج غيرتها على اسحاق و تخرج الحب لي دار ليه حيت متأكدة انها مشي هي لي تبعاتو هو لي تبعها كيف ما متأكدة انها مغداش تشوف في حاجة ديال ختها حسات يالتيلي كي زنزن في الجيب جبداتو و فتحاتو كتشوف اسحاق مصوني ليها جاوباتو
زاينة:ولد عمي
اسحاق:كيف راها شامة
زاينة(تنهدات):عزات عليا خايفة غير دير شي حاجة لي تندم عليها
اسحاق:بلوكاتني
زاينة:تستاهل صرحة
اسحاق:غير شهر تسنا انت الا شفتيها عدير شي كاريتة وقفي جنبها حيت هذه المدة معنكونش معاها صافي
زاينة:بحالاش
اسحاق:معرفتش المهم انت اي حاجة دارتها راه تصرف ديال الغضب و سلام رديها عليها
زاينة:واخا هيييي خليتها في الدار بوحدها نخليك بسلامة
قطعات معاه و رجعات الدار تجري اما شامة منين خرجات ختها ناضت البيت مشات نيشان المجر جبدات داك البراسلي و الخاتم و خنزرات خدات مقص و شدات البراسلي قطعاتو و فرتاتو تفرتييييييت و الختداتم مشات رماتو في الزبال اما عينيها دايرين حالة ندمات حتى وافقات تكون معاه و كرهات راسها على هذه الفعلة لي دارت مكاين لي قهرها هي خيانتها لختها هي كون فكرات غير شوية كانت عتلقا كون بغاها اسحاق بصح مكانش عيجي يخطب ختها نهائيا تنهدات تنهيدة قاصحة حتى تبعاتها شهقة خارجة من أعماقها
ناضت مشات هزات حويجاتها و دخلات الحمام دوش و تنسا عليها هذه الشي و راسها كي خطط تاخد لي باغيها بصح و تابعها كيف الحمق باغي منها غير كلمة هذا و الشخص لي شاريها بصح هي مكانتش عاطياه قيمة سمعات صوت الباب تفتح و شي واحد كي دق تنهدات حيت باينة زاينة
زاينة:شاااامتي شوشو شمشم مشمش اشنو كديري
شامة:كندوش صهد بزااف
زاينة:وااا سربي باش ندخل انا راه لحمي كي تقرص
شامة: اصلا ساليت حتى حوايجي عنلبسهم برا
(خرجات عندها):ياك قلتي عتمشي لحمام اش طرى
زاينة:والو مطابش عليا غير صهودات مالي على حالتي ندخل نخرج دايبة حيدي حيدي و جيبي ليا معاك الفوطة ديالي من الصاك
دخلات و شامة تنهدات مشات البيت لبسات عليها و هزات تيلي ديالها دخلات عند الياس و هي متوترة واش تصيفط او لا في الاخير صيفطات ليه
شامة:شكرا على سنسلة عجباتني بزاف
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Action🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
