✳ الجزء 145 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
ايام الله كتوالى و كلها في همو شي فرحان شي حزنان شي حاسس بالدار خوات عليه علاش لا زاينة مشات و شامة مشات و عماد خاشي راسو مع عائلة مراتو بقات غير هي و الحاجة بوحدهم شامة مزال كتدوي معاها اما زاينة وسط الأكادمية مرة مرة
اما عند شامة ايامها مع اسحاق زاز لوز و لكن كتمهد لطريق كيفاش تخليه يطلع و ينزل بعد 20 يوم في تركية رجعو ولكن هذه المرة كاري دار في طنجة معاها 10 ايام اخرى يتساراو و يضورو فيها
جالسة الملل لي حاسة بيه دابا ميمكنش خصوصا منين خرج على قبل شي شاف الخدمة ديالو عيط ليه يمشي يشوف لوطو شي واحد كليان نيت في طنجة وقفات بيه بقات تلعب بستيلو في يديها هزاتو و عرضاتو الضو و صغرات عينيها فيه و هي تولي تحطو
شامة:منافعش شنو ندير
(بقات تفكر): اعدى حاجة عندو هي الماكلة مالحة ولا محروقة
ضحكات و ناضت نزلات التحت كتسلت بشوية عليه و مشات الكوزينة اول حاجة دارتها هي طيبات ليها ما تاكل و عمرات كرشها هي الاولى و عاد خدات الملحة و زادت فيها شوية
شامة:صافي بركة
(كانت دايرة و هي ترجع تهز من الملحة و زادت):صافي دابا مزياااان
دورات راسها و شافت في اللوز و الكركاع و مشات تلاجة حالتها جبدات منو افوگا :حتى هذه مزيانة او لا
طحناتها و حطاتها و دارتها تبرد تبسمات و طلعات في الدروج كدندن:نوريك ا اسحاق شهر ديال الفقصة و الاعصاب و مزال الخير القدام صبر عليا يحساب ليك عنسها ليك
دخلات البيت و مشات الشانطة هزات منها بيجامة قصيرة معرية على الفخيضات لبساتها و طلقاتش شعرها و رشات رائحتها بعد ما دوشات خرجات البرا منين سمعات الساروت شافت و ضحكات عليه اول مرة تشوفو في هذه الحالة مبهدل و يديه عامرين لاكريز عقد غوباشتو
اسحاق:مالك
شامة:كيف كتوليييييي
اسحاق(كي شوف في راسو):معجبتكش و انا في هذه الحالة ولا كيفاش أجي عزيز عليك المضاهر راها خدامة
شامة زادت قدامو و شعرها كي لعب من موراها و ريحة الانتعاش تعطعط منها دورا يديها على عنقو و هو ببتسامة كي شوف فيها
اسحاق(داخ):شامة عتوسخي حيدي حتى ندوش
شامة(حركات راسها بلا):تووووء
(قربات ودنو و همسات):الخدمة مزادت غير رجووولة على رجوووولة ا اسحاق
اسحاق(خرج عينيه ببتسامة و دور يديه عليها): بصح ا زين الصافي
شامة(صباع يديها كي لعبو في عنقها):بصح ا اسحاق شامة كنشوف الرجولة طاااغية عليييك و هذه الشي لي مخليني نحس انني انثى معاك
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Acción🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
