✳ الجزء 232 ✳
❤️ شــــــــــــامة اســـــــــــحاق♥
🌸تيما مبارك🌸
🔥 احببتك حتى ضننت ان بقسوتي احافظ عليك 🔥
دخلات زبيدة كتنگر حتى حطات شامة يديها على فمها اسحاق متكي على صداع و منصف حداها حتى يكونو بوحدهم اما معاد فرحتو كانت كبيرة و كي حمد الله ركع لعائلتو و من ناحية فكراتو شامة على الحبس لي مدوزاه هند و باها على قبل تضليل العدالة داكشي باش الولد معتاخدوش و عيتربا مع باه هذه رتاح منها جيت ولدو عيتربا وسط مو و خواتاتو
دخلات البيت طلات على اسحاق لقاتو متكي مشات طحنات ليه الصوبة و قطعات ليه شوية الديسير و دارتو ليه عصير و هزات الصينية و دخلات عندو البيت و سدات الباب غير ضرباتو نسمة ديالها خل عويناتو و شاف فيها ببتسامة هي حطات داكشي على الكوافوز و مشات بسمات الشرجم و هبطات الخمية هزات الفوطة و حطاتها حداه عاد رجعات جلسات حداه و هزات المعلقة و كتوكلو
اسحاق(بصوت تقيل):شكون لي جا سمعت صوتك في الزنقة
شامة(كتوكلو):هند مرات خويا جات تدير صداع و جريت عليها
(شافت فيه):خاصك ترتاح ا تاج راسي مناقصك صداعات الرأس
اسحاق(حل فمو و خدا من عندها):لهلا يخطيك عليا
شامة(ببتسامة حنونة):باش كتحس دابا
اسحاق:شوية دابا كنحس براحة ا شامتي
شامة:عرفتي شنو
(ببتسامة نطقات):مكنتش نقدر ندخل الدار ولا هذه البيت
(سرحات عينيها فيه):25 يوم ا اسحاق دازو عليا كيف 25 عام مكنت عارفة واش عتعيش او لا كنت خايفة نخليك غير ساعة و نرجع منلقاكش
(هزات كتيفاتها و دوات بكل صرحة):عارفاك فقدتي فيا التيقة من ناحية واش انني كنبغيك واخا دوينا في هذه الشي ا اسحاق ولكن
(هزات يديه بشوية و حطاتها على صدرها): هذا محدو عايش و كي ضرب مستحيل نتنازل عليك لشي وحدة
(مسحات دمعة من عينيها و تبسمات):كرهني متبغينيش يكفي تكون جنبي و نشوفك كل نهار غير دخلتك عليا الدار و صوتك و صباطك محطوط في الباب و ترد عليا الهبة راه دنيا و ما فيها ا حبيبي
اسحاق كي سمع ليها و عطاها ودنيه تخرج لي في قلبها حتى جاتو غصة في حلقو على ديك 3 شهور لي دوزها طيحة ديالو هذه بينات ليه العدو من الصديق بينات ليه لي كي بغيوه بصح و لي معندهم غراض بيه بصح في وقت الشدة هما لي كي بينو ليك شكون معاك و شكون حاكيها فيك هز الصينية و بعدها و حل ليها يديه جات تخشات فيه كيف مومو صغير كتقلب على دفء ديال رجلها كي دوز على ضهرها بيديه و هي كتشم ريحتو ببتسامة مرة مرة كي هبطها لكرشها لي بارزة باس راسها و بحنان نطق
اسحاق:انت كتقولي متبغينيش غير بقاي معايا و انا كنقول متبغينيش ا شامة غير بقاي معايا داك الوقت كنت تالف معارف راسي من رجلي كنتصرف بلا عقل يمكن كون عرفت راكي حاملة داك النهار مكان يوقع والو من هذه الشي ولكن كل حاجة مكتبها لينا الله غير فرحتي انني نحل عيني و نلقاك جنبي كافياني
VOUS LISEZ
❤️ شــــــــــــامة اســـــــــــحاق♥ 🌸تيما مبارك🌸 الدارجة المغربية (مكتملة)
Hành động🚨جديد جديد 🚨 #لا_يــــــــــــــــحلل_النشر ⛔ #حــــــــــــصريا_عـــــلى_وردات_المــــــلوك 👑 قصتي اليوم قصة مختلفة عن المعهود قصة كتجمع جميع انواع الغذر و الخيانة و كذلك الحب و الوفاء جوج حاجات متناقدين في القصة وعما لي جمعو الأبطال ديالنا لي ح...
