نرجع شوي لريفالنا دخلت خالتها وبناتهم عند امها وبعد السلام وتبادل الاحوال بدات تصبرلهم القهوة وهي تضحك وتسولف مع خالتها مزنه اللي تتقبل المزح وصاير لها فتره تشكي من حالاتها الغريبه ورغبتها المستمره بالاستفراغ .
ريم" اقول ياخاله لايكون حامل زياده وتروح هيبة عنقودتنا وتنهز مكانتها "
ميس قامت وحضنت امها وتبدلت ملامحها لباكية " لا اساسا ماما وبابا مايبون نونو غيري لاني مزيونه "
ضحكت ريم بعد ماسكرت الترمس او الثلاجه وقالت " ايه ايه يحبونك "
قالت شدن " ماعليك من ريم غيرانه ماعندها نفس فستانك "
ضحكت ريم ولفت لخالتها لطيفة " خاله انتي بشري كيفك "
" بخير بخير الحمدلله وانتي "
"بخيررر الحمدلله حالي يسرك "
وهنا بدات بينهم السواليف وكل وحده تسولف من ناحيه فقامت ريم تفتح المقلط اللي مجهزته للاطفال دايم لكثرة العزايم ببيتهم وكثره الاطفال وبعد مارتبت الوضع نادت رامي وميس عشان ياخذون راحتهم .
وبعدها نادت بنات خالاتها عشان يجلسون هم وحدهم ويعطون الاخوات حريتهم بالسوالف .
جلست كل وحده بمكان وعطتهم ريم اللي يبون وجلست جنب جود .
" جود بالله جد يعني امك مو حامل ؟ "
ضحكت جود وقالت " والله مادري بس ماحس لان امي رافضه الحمل بالمره تعبت كثير بعد ميس وميس وحدها عن عشرة عيال وثامر عن عشرين "
قالت رنيم " ياخي اساسا احس خلاص صار وقت نشوف عيالنا خلاتي انتهى عهدهم "
قالت جود " قصدك امي عجزت ؟ "
ردت عليها طيف " ياخي صدق انكتمي وشفيك مشخصنتنها ترى نمزح !"
ضحكت ريم وقالت " اقول كلكم شخصونيات اسكوتوا بس خلوني انا وشدن نسولف لكم بس "
قالت جود " وذي النفسيه مالقيتي الا هي اقسم بالله بديت اشك انها مختله "
ردت عليها شدن وهي متفشلة من اسلوب اختها معها " ليه وشفيني ! "
" قولي وش مافيك تتبسم اربع وعشرين ساعه وتضحك على اتفه شي وماخذه الحياه طقطقه "
ناظرت ريم في شدن ولاحضت ان شدن وكالعاده بتغطي الموضوع بجانب مزوح منها فاستمرت تشاهد عراكهم تللي اعتاد الكل عليه .
شدن"هههههه وتبغيني زيك منفسه ؟ "
قالت لهم رنيم كمحاوله لتسكيتهم " الا اقول بنات فكوني منكم وقولو لي ثموري وش مسوي من جديد "
لفت عليها جود وهي اكثر وحده تكره طاريه " ياخي ارحمي حالك تحبين لك واحد سربوت ومدلع خلصوا الناس ! "
قالت رنيم " حرام عليك والله انه طيب انتي لو تحاولين بس تفهمين نفسك بتفهمين اللي حولك "
وهنا كملوا سوالف بنفس الموال لين جت راسله ل شدن وفرقزت شدن بشكل جذب انتباه الكل وقالت كتصريفة
" ههه هاذي الدكتوره الجديده كنت انتضر منها رساله وتوها ردت "
تجاهلو الكل تصرفها واما هي فناظرت للجوال وقرت المكتوب اللي من الشاب اللي يكلمها " هلا كيفك وين الغيبه ؟ "
كرهت شدن نبضات قلبها وتصرفها لانها ماتقتنع بانها جد تكلم شخص مايحل لها هي مو مقتنعه بافعالها بس هي حقيقي تحتاجه وتحتاج تكلمه لانه شخص يكلمها لذاتها ويحبها بدون مصالح ذاتيه .
ردت عليه شد " بخير وانت ؟ موجوده "
"دوم بخير ، وش تسويين؟ "
" ولا شي جالسه مع البنات"
" حلو مين هم "
" قريباتي "
شوي ونادت ريم شدن معها المطبخ عساس يجيبون حاجات فتركت جوالها مفتوح وراحت ومن لقافة جود مسكت جوالها وبدأت تقرى المحادثات بالبدايه فكرتها صديقه لين بدت وتعمقت بالكلام وانصدمت صحيح انو جود انانيه بس تحب اخوتها وتخاف عليهم ومن خوفها نست اللحضه ذي كل شي وركزت على ان اختها تكلم رجال مايحل لها ولا وكل المحدثات واضح الشخص ذا يستغلها .
راحت بسرعه وبتهور لشدن ومسكتها من يدها لفتها ناحيتها وصاحت بوجهها بشكل الكل سمعها فيه واولها امهم اللي داييم تشوف شدن غلطانه فما بالكم لو شدن فعلاً غلطانه وش بيصير ؟
" غبيه انتي ولا حماره وشذا المحادثات وشذا الكلام الغبي كيف سمحتي لنفسك تنزلين من مستواك بالشكل الرديء ذا ماشفتي ماقريتي مافهمتي يا غبيه يستتتغلك لمصالحه الشخصيه واي شخصيه الا شهوانيه يكمل فيك وقت فراغ عنده وانتي معطيته جوه كيف خنتي ثقة اهلي ودينك دينك كيف سويتي فيه الخدش ذا كله ! "
تراجعت شدن ورى وبدات تبكي انفضح اهم سر بحياتها كل حياتها ضاعت اللحين بتموت اكيد بتموت نقلت نظاراتها للكل وشافت امها ومقدار خيبة امها فيها بدات تتراجع للخلف لين سمعت امها تقول .
" ونعم التربية ذي نهاية تعبي انا و ابوك ذا نهاية الثقه لشخص مايستاهلها كيف فرطتي بكل شي عشان شخص !"
بدات تبكي شدن بشده وماعاد تحملت ولا اي شي يصير فهربت للمقلط وبدات تبكي اكثر واكثر وبعد مرور نص ساعه جت عندها ميس وقالت ان ابوها برى وهنا تاكدت انها ميته لا محاله وابوها مابيخليها حيه ابداً .
بعد مرور عشر دقايق قررت تتشجع وتقوم لبست عبايتها وخذت اغراضها وسط نظرات الكل لها نظرات قطعة شدن تقطيع ولا عاد تحملت كل هاذي النظرات ودعت من قلبها يذبحها ابوها وتفتك .
ركبت السياره وكان الوضع هدوء الا من سوالف ميس المستمره ولما وصلوا البيت قال ابو شدن لها
" اللحقيني المجلس "
ومشت وراه خاضعه لاي قرار يتخذه ومو مهتمه بتاتاً دخلت ومامدها الا وسحبها واخذ الجوال منها فتح المحادثات وشاب راسه فوق الشيب اللي فيه صحيح شدن اكثر بنت كان بعيد عنها بس ماتوقع ابداً تسوي كل ذا الاشياء كره من قلبه ان عنده بنت زي كذا كره كونه ابوها وجدا ورساله ورى رساله انهد حيله فوق ماهو مهدود رفع عيونه لها وهي ذابله وجدا وقال لها كلمه وحده هدت كل حصون شدن " ليه!"
بدات ترجف بشكل واضح وبدات الشهقات المخبيه بقلبها تطلع على كومة صعقات كهربائية من وجعها ماقدرت ترد عليه بشي لانها غلطانننه.
رمى عليها الجوال واصاب وجهها ماهتمت لشي ولا حست بشي وقال لها " دقي عليه او كلميه او سوي اي تبن وقولي له يجي يتقدم لك وان قال لا استعدي لاي قرار بتخذه "
بدات تبكي وقال " لا لا مابغى تكفى يبه لاتزعل ماقصدي كانت والله محادثات نظيفه بس هو تغير يبه تكفى كنت اساسا ببعده من عندي والله يايبه شفت انا مارديت على اي كلمه تخدش ديني صنت نفسي هو حتى ماشافني ولا سمع صوتي والله يايبه صدقني "
الرد الخاص بابوها كان كف غير ترتيب وجهها وقال لها بصوت عالي ممكن بذاك الوقت اخترق طبلتها " اقول لك قولي للكلب ذا نشوف رده "
ارسلت له " تتزوجني ؟"
رد " لا اكيد اللي بيننا علاقه مؤقته مستحيل توصل لزواج "
عطت ابوها الجوال بكل برود انتهت هي حرفياً انتهت ببساطه بدون تفكير بدون اي شي الرد جاهز ماخذ حتى خمس دقايق يفكر ببساطه تركها !
وهنا كان وقت ابوها مسك جواله واتصل على اخوه وقال " سطام مو قلت لي تبون جود لولدك طلال جود رفضت بس شدن موافقه وبكره بامكانكم تجون نعقد القران وفي العجله سلامه "
قامت شدن من عند ابوها ببساطه بعد اخر جمله ابوها رماها او هي رمت نفسها ماتدري بس اللي متاكده منه انها فرصه لاتعوض لابوها عشان يتخلص منها دخلت بعدها امها وكومة عتاب ماقدرت تسمع شي منها وطبعاً شدن معتاده على ضرب امها لها بسبب او بدون واليوم امها لقت السبب بدات تضرب شدن بكل جهدها وشدن ماهتمت بشي نهائيا الا انها تنام بعد ماتنتهي امها .
ومن بكره ..
حضر سطام وولده طلال وبداو يتكلمون واغلب الكلام كان اساله من سطام ليش قرر عقد القران يكون بذي السرعه ورد ابو شدن عليه ان ذي قناعته الشخصيه .
كان كل شي كامل من شيخ لاقارب بسيطين حضروا ملكة الرجال لين توقيع العقد ولما وصلوا لشدن كانت نايمه بدا اخوها يصحيها وقامت منصدمه وشذا ولما قال لها رجع كل شي لعقلها رفضت بالبدايه لين دخل ابوها
"انتي باقي تفكرين انتي ماتعرفين ماحد بيقبل فيك غير ولد عمك "
ومسك شعرها وقال " ياتوقعين ياقسم بالله لاوريك نجوم الصبح "
وقعت شدن بكفين ترجف خوف وحزن بس ماعندها الا الرضا وبعدها قال ابوها
"اللبسي وانزلي المجلس "
وطلع ومن بعده رجعت تنسدح لين رجعت امها "غبيه انتي لقينا من يستر عليك وانتي باقي نايمه "
خذت اقرب فستان قدامها ومالاحضت انه يكشف جسم شدن وانه بيبرز جمالها بشكل مبالغ فيه كاول مره بيتقابلون
تجاهلت شدن كل شي ولبست وفكت شعرها شوي دخلت جود وعدلتها وهي ساكته وهي عادت اخواتها علاقتها فيهم معدومه .
كان ببال شدن خطه عشان تخلي طلال يتراجع عن الزواج كلها فنزلت بهدوء ..
احس يبي لها تعديلات بس صبركم عليه 🥹
حسابي الانستا ياحلوات ( shajan_w21)
أنت تقرأ
من جيتيني و اقداري متهادنه معاي
Romanceروايتي الاولى - احداث الرواية تتمهد وبكل بارت بنشرح لكم شخصية وعائلة وحدث بالرواية ،تحتاجون صبر لين نوصل لمرحلة حياتهم . لمرحلة تغيراتهم وكيف بدأت تتكون حياتهم فعلياً . بنبحر سوا ببحر مليئ بالمد والجزر . الكاتبة | شجن حساب الانستا | Shajan_w 21 قر...
