من جيتيني و اقداري متهادنه معاي

Part22

عند فهد :
مسك فهد خط من بيت اهله لين بيته وترك نايف معهم الليله افضل له لين يرتب بيته ووضع بلاضافة ان البيت فارغ سوا من كنبات بسيطة بالصاله والمطبخ متكامل وغرفة نوم فهد ونايف وغرفة اضافيه لامه او ان جاه ضيف ومجلس رجال متكامل الباقي فاااضي واحنا نتكلم عن فله ضخمه فأكيد الشي موحش .
بالطريق كان يسمع فهد ل محمد عبده ويردد معه بعضاً من كلمات اغنيته " قربي بعد المسافة " ماكان ببال فهد احد لا ريفال ولا غيره كان تفكيره منحصر بشكل كامل على الشراكه الجديده اللي عقدها مع شخص كويتي صاحب املاك وفاهم كثير بشغله ، كانت شراكتهم محصوره بمنتجات معينه فقد وعقد محدد بمدة سنه ، كان اسمه ابو ماهر شخص يبلغ من العمر 34 تطمن له فهد كثير وخذتهم السوالف وقت رجعتهم من ماليزيا على السعوديه كان ابو ماهر متزوج وحده من للامارات ويحبها يموت بتراب رجولها ومع الايام كبرت المشاكل بينه وبين ابوها واختلاف العروق كان مُشكله اُخرى فضغطوا عليها لين طلبت من مهند الطلاق وافق مهند لانه راعي كرامه وكبرياء ولاكن سائت حالته كثير لين طاح بفراشه بحمى الكل قال هاذا ميت لا محاله وبعدها بشهور اكتشفت زوجته حملها ولان ابوها شخص متدين رجعها لزوجه بلا رضا منه ولاكن بنته كانت سعيده جداً برجعتها لزوجها ، لازم الفراش مهند شهر كمان بالرغم من وجود حبيبته قدام عيونه وبعدها طاب خاطره عليها وحن لها وحبها اكثر عاملته مثل امه لين تمكنت منه وعاشو افضل سبع سنوات مع بعض لليوم .
تنهد فهد وتمنى ان الله يرزقه حُب عذري زي ابو ماهر ولاكن كان يعرف انه شي مستحيل بالرغم من علم فهد ان خطبته لريفال كانت تبعد كل البعد عن انها عشان نايف زي مايقول وصل فهد لبيت ابو ريفال وشال معه كم من كيس جايبهم هديه لهم .
طرق الباب وانتضر دقايق لين فتحت له ريفال الباب طلت عليه بجمالها وانوثتها الطاغيه ، تقدم فهد منها وابتسم يصافح يدها المتقدمه منه .
صافحها فهد وسالها " السلام عليكم وطات انشاء الله خير عليكم ، كيفك ؟"
وكان مفيد وطات خير بدياركم يعني جايها وهو بخير ومعه كل الانباء اللي تسرها ، تجاهلته ريفال واشرت له على المجلس وقالت " ابوي هناك ماقدر يجيك للباب "
هز راسه فهد وقال " لايتعني (مد لها كيسين ) هاذي هدايا بسيطه مني والثاني(واشر لكيس ازرق ) من نايف "
اخيرا شاف فهد ابتسامتها من طرى طاري نايف ونزلت الكيس اللي هو اهداها وجلست جلسة القرنفصاء تفتح كيس نايف وطلعت منه اللعاب كانت عباره عن دبدوب لطيف جداا على شكل ارنوب وجاب لها قطه صغيره زي لون بستها البيضاء وعطاها كمان بالونات واشياء ثانيه تتناسب لعمر نايف فقد ضحكت ببهجه وقالت " وينه "
ناظرها فهد وهي تناظر له بسعاده وتتامل الاغراض اللي اهداها نايف وبعدها لمتها وهي توقف تناظر له من قريب .
فهد : تعب ورفض يجي معاي قال بينام عند جدته
رفعت ريفال حاجبها بلا تصديق له وقالت : اكذب غيرهم نايف مستحيل مايبي يجي .
قرب فهد منها وحنا ظهره لها وقال " ماقلت له ابي اتفرد فيكم"
تجاهلته ريفال ودخلت جوا مع تجاهلها برضه للكيس اللي اهداها غضب فهد من حركتها وتوقعتها قاصدتها فترك الكيس مكانه ودخل عند ابو ريفال .
فز ابو ريفال وقال " حيا الله من جانا عز الله دم ورجع يمشي بشراييني من شفتك "
ابتسم له فهد وحنى يقبل راسه وكفوفه وقال " والله اان الشوق طغى وحبيت اجيك من اول ماتوط رجولي الدار"
ابتسم ابو ريفال وضرب كتف فهد وقال "وصلت "
دخلت ريفال عليهم بعد ماجلس ابوها براس المجلس وفهد بالكنب اللي جنبه وقال لها فهد " ماطمنتيني عنك ياريفال كيفك ؟"
ارتجفت كف ريفال ورفعت انظارها له وهي تبتسم وقالت " بخير "
هز راسه فهد وهو يتاملها تصب لهم القهوه وابتدت ببوها اللي دف الفنجان منها وقال " الضيف اول "
ضحك فهد وقال " للحين تعدني ضيف ؟ "
ضحك ابو ريفال وقال " يشهد الله من غلاك كل ماجيت داري بعاملك كانك اول مره تدخلها حتى لو جاء يوم ووراعنك يركضون هنا "
قال فهد " لا يعمي طلبتك تعدني ولد لك مثل ماعديتك بمقام ابوي "
ابتسم ابو ريفال وقال " والله انك ولدي لاكن من غلاك ابيك كل يوم تتدلل عندنا "
ضحك فهد وهو يشوف ريفال اتجهت تجلس جنب ابوها بعد ماصبت القهوه لهم وعطتهم حلا وقال " ليت ابوي يسمعك "
ضحك ابو ريفال وقال " ياولدي من كنا شباب وابوك جلف معي وانا حنين عليه وكنا كاننا نكمل بعض واللحين ترى حتى الازواج كذا كل واحد منهم شخصية عكس الثاني خلقهم الله يكملون بعض "
شرقت ريفال بالقهوه وقال فهد وهو يناظرها ويبتسم " كنا بخير ياعمي لين طريت الزواج "
ضحك ابو ريفال وهو يشد على يد ريفال ويقول " عز الله ان قلبي مرتاح دامها طالعه من بيت ابوها لتحت حنان فهد "
ابتسم فهد وقال " الله يجعلني عند حسن ضنك فيني وانا جيتك اليوم ابي ابعد الاشواق عنكم وابي نحدد موعد الزواج "
فزت ريفال وقالت " بدري مابي اللحين "
هز فهد راسه وقال " انا معك اي وقت تبينه السنه هاذي اكثر من كذا ماقدر "
هز ابو ريفال راسه وقال " شوري استعجلي يابنتي ومنتي برايحه بعيد بيتين وانتي عند ابوك "
هزت ريفال راسها وهي تحررك يدينها تشرح لهم تقسيمة حياتها الجديده وظهرها متزن قالت " برضه يبه انا ماقد تعودت على شغلي الجديد ابي اخذهم بالهون ودنيا قدامنا سعه الله لايضيق على مسلم "
هز راسه ابو ريفال وططلعت ريفال مع امها استمرت سوالفهم لحدود الساعه ومن بعدها اعتذر ابو ريفال انه بيروح ينام ونده ريفال تجلس مع فهد .
دخلت ريفال لابسه بجامتها ومجدله شعرها على ورى وجلست قريب منه وقالت " اسف بدلت مالبسي وحشرني ابوي انزل معك "
هز راسه فهد وقال " غصب ؟"
اقامت ظهرها ريفال وقالت " ابوي يتدلل بس صدمني "
فهد " ليه صدمك كلنا ندري اني جاي عشان نتفق بالزواج "
هزت ريفال اكتافها وقالت "ماعرف توقعت بتمشي دام الوقت صار 11 "
هز راسه فهد بتمثيل تعب وقال " اعتقد بنام هنا معد اقدر اسري لبيت اهلي وبيتي ممتلي غبار "
رفعت ريفال رجولها تحتضنا عند صدرها وقالت بثقه وهدوء ورزانه اكتسبتها من ابوها " الدار دارك بات وقت ماتبي "
ابتسم فهد وقال " وش اخبار شغلك ؟"
هزت اكتافها ريفال وقالت " يهبل وعادي صراحه توقعته اصعب لاكن طلع سهلات الحمدلله توضفت بمستشفى حكومي وعشان كذا راتبي حلو والمراجعين الحمدلله محدودين ، اللحين ماسكه حالت الخاله امينه عسل مره وطيبه ، من دار المسنين "
ابتسم فهد من جرائتها وسواليفها معاه بالرغم انها ثالث مره يتقابلون ولاكنها تعامله بوديه جداً وكانها تعرفه من سنين .
فهد " ووش حالتها ؟"
ريفال قامت وقالت " بسوي قهوه ونسولف تبي معاي ؟ "
هز راسه فهد وقال ماقول لا "
اتجهت للخارج ورجعت تطل عليه وقالت "تعال معي لاتجلس وحدك "
بعدها دخلت بجسمها كامل وقالت " محب اترك احد وحده "
هز راسه فهد وفك شماغه مكانه وشمر يدين ثوبه وقال " وانا مارفض الطلب "
كانت تعامله بوديه مثل ماتعامل سطام تعامله زي اخوها واما فهد فتماشى ايضاً مع معاملتها له .
دخلت المطبخ وقالت للخدامه تشيل الاشياء اللي بالمجلس وتبعد الطاوله من النص ، جهزت الاكواب وقالت له " تبي معاه شوكلت ؟ "
هز فهد راسه بالرفض وقال " ماني صاحب مع الحلا "
ناضرت ريفال جسمه وقالت " واضح مشاء الله "
وكملت تسوي القهوه سألها فهد " مرتاحه ؟"
هزت ريفال كتوفها وقالت " كنت متخوفه ولاكن استخاراتي ريحتنى واجد وبعدها كلمت بنت خالتي شادن وقلت لها عن الملكه وقالت لي ان الدنيا كلها تبدا خطوات ودام الله فتح لك بحياتنا مجال اعطيك فرصه ومو شرط ابداها بالحب الصداقه تكفي بالبدايه"
هز فهد راسه وربع يدينه وهو يسمعها ورد بعدها "طيب عطيني حدودك والاشياء اللي تحبينها وكل شي احب اكون بالصوره من البدايه وكيف طفولتك مراهقتك وعشان اكون صريح اكثر معاك تجربتي السابقه بالزواج انتهت بفشل بسبب خيانة قلب فهل بقلبك احد ؟ واعذريني على السؤال لاكن يشهد الله ابي اصونك "
تقدمت ريفال تسلمه كوبه واتجهت معاه للمجلس ولما تكت بلارض تبعها فهد يجلس بجانبها وردت عليها بعد ماشربت من قهوتها وقالت " اعطيك حقك بكل الاسأله لاني وبكل صراحه ابي نبدا بدايه واضحه ولو ماسألتني كنت بسألك انا عن سبب انتهاء زواجك الاول ، وجواباً عل سؤالك عمر الحُب مازارني ولا ابيه خارج حدود الزوجيه ، عشت طفولتي بدلع اهلي ومع شادن ومع سطام وبالنسبه لحدودي فصراحه مقدر اختصرهم لك الان ولاكن ان بدايتا ان بدينها نحترم بعض ونصون العشره ونخاف الله ببعضنا الامور طيبه وانت"
ابتسم فهد لها وقال" وانا اشوف كل شي مع العشره يبان اهم شي امي وابوي ومن بعدهم ولدي نايف ، وماخفيك علم وولا ابي احد يدري حتى اهلي ولاكن لانك بتصيرين جزء مننا ببلغك ، نايف كانت عنده مجموعة مشاكل وبسفرتي الاخيره سلمت حالته لستشاري اطفال كوس الحمدلله وتغير للافضل واعتقد تتذكرين ان خطواته كانت مرتبكه بلاضافه لاحاديثه وردات فعله "
هزت ريفال راسها بعنايه وسالته " وش اسبابها ؟ "
تنهد فهد بهم عميق وقال " طفولة نايف ماكانت الافضل بالرغم اني حاولت باستمرار اني ماتجادل مع امه الا اني اوقات اضطريت "
سكت فهد يتفكر باحواله ولما شافت ريفال انها قلبت مواجعه قالت " الخاله امينه كان عندها ولد واحد وكانت تشوف الدنيا فيه هي وزوجها التفاهم بينهم كبير بس توفى زوجها وعمر ولدها 10 سنوات واضطرت تكبر ولدها بنفسها وبيوم كبر ولدها وتزوج وسكن بمنطقة بعيده عنها وصارت امينه كل ناسها جارتها ، بيوم وهي تغسل حوش بيتها طاحت وكانت الطيحه قوية شوي واثرت على قدرتها بالمشي والنُطق ، وبعد ماصارت حالتها افضل وولدها مايستجيب للمرضات والدكاتره استدعوا ولدها اما ياخذ امه معاه او انه يحطها بدار العجزه ، وقرر ولدها يتركها بدار العجزه ، تكفلت الدوله بعلاجات امينه وبورث تبقى لها من زوجها قدرت برضه تروح مشتشفيات خاصه واخيرا جت الحاله عندي اني اخلص اخر مراحل علاجها وهي قدرتها على المشي "
تنهد فهد بصدمه وسال ريفال " وولدها معاد سال ؟ "
هزت راسها ريفال وهي تراقب عيون فهد وقالت " ابدا ولا كانها امه بكل جلسه اخذها معها تذكر لي ولدها وذكرياتهم ولاكنه اناني بحت باعها واشترى راحت باله "
هز راسه فهد بحزن وقال " الله لايصدمنا بعيالنا "
توترت ريفال من طاري العيال والهم وقالت له " مابي "
تساءل فهد " وش ماتبين ؟"
ناظرته ريفال بوهقه وقالت "الاطفال "
قال لها فهد " ونايف وشهو "
ريفال بتوضيح " نايف نايف والاطفال الاطفال نايف جاني كبير واعي وفاهم تخطى مرحلة المهد والحمل والولاده والرضاعه وكل ذي انا مابغى "
قال لها فهد بصراحه بحتيه " وانا ناوي نجيب اخوان لنايف "
تجاهلته ريفال وقالت " مو مستعده العشر سنوات الجايه "

انتهىىىى
نبدا باول تعليق
كم شخص انصدم من شخصية ريفال الجديده 🫣
وفهد وش فيه ميت وصار يبي عيال ؟