من جيتيني و اقداري متهادنه معاي

Part 11

نرجع شوي لاهل فهد :
كان فهد منسدح وقطع عليه اتصال بجواله رد على الاتصال اللي كان من ابو ريفال يسأله عن احاوله وجاوبه انه بخير وبعدها قال ابو ريفال بلهجه ماتتقبل الرفض .
:ابيك تجينا انت واهلك بنت اخت ام ريفال زوجت بنت لها بزواج صغير وانت وابوك اهل لي فقول لابوك وتعالو بكره باذن الله والموقع برسله لك .
فهد : بس ياعمي ..
ابو ريفال : لا بس ولا شي انا حطيتكم بمقام اهلي احترمني ياولد
ضحك فهد على نبرة ابو ريفال اللي كانه اب ثاني له من كثر الاوامر اللي يعطيه : ابشر ابشر مع ان معد فيها ابشر .
قام فهد على حيله وخرج من المقلط اللي كان منسدح فيه ودخل المجلس لقى ابوه جالس مع اخوانه قرب من ابوه وهو يدرك زعل ابوه سلم على راسه وبعدين كتفه ومن ثم يدينه وقال :
والله انه مايهون عليه زعلك لاكن لمره وحده اسمعني ، انا وندى ولا ابغى سوالف بيننا اندفنت بالطلاق اجلس احفر فيها يبه انت تعرف اني كل لليلة ادخل عليها كاني دخلت حفره ضيقة سكتت وماقلت ولاشي وحمدت الله على نعمتها ونعمة ولدي ومع الايام الوضع صار مبالغ فيه وكمان تجاهلت لين الحادثه الاخيرة وهاذا انا اقول لك يبه والله ماطلقتها الا وانا داري انه اخر حل قبل مايصير لنايف اخوان ويعيشون نفس اللي عاشه تذكر يبوي كل يوم معها وقول لي هل بيوم عشت فيه متهني انا او ولدي ؟
بكل هاذي الاثناء ابو فيصل يناظر قدامه بصمت ويتذكر فعلاً كل حياة فهد البأسه ومن شدة بؤسه كان فهد يدخن بشكل مفزع لين بيوم قبل سنه ونص طاح عليهم والدكتور قال لهم عن مرض فهد وقد ايش تطور وصار خطير .
ترك فهد التدخين فتره ولاكن ايام كان يرجع له من شدة ضيقته ووقف لما كبر نايف كان يخاف ياخذ الله روحه ويترك نايف من بعده مكسور فوق ان امه ماتهتم له صار يحاول بكل صبر ولاكن ايام يرجع له بسبب كلام ندى اللي يهز رجولته وكلام كثييير من ريم انه مايسوي لندى عشان تحبه تجاهل لين وصلت لطلاقه ومن بعدها تغيرت حياته .
ترك الدخان وترك كل شي الحمدلله بدا يقرا القران ويصلي وغيرها امور بشكل اكبر ويهتم بروحته للمسجد وبقائه بقرب اهله وهنا شهدوا فهد الحقيقي اللي قبل الزواج .
قال ابو فيصل :
وان جبنا لك مره ثانيه تضيمك برضه وش تسوي ؟
فهد : يبه الامر اسهل لو كانت المره اللي بتزوجها تستخير وتفكر فيني بدون اجبار او ضغط توافق فيني وهي متوكله على ربها ولا تكرر علي كل ثانيه انو تزوجتني بالغصيبه
ابو فيصل : اجل قل لامك تتوكل على الله
تنهد فهد براحه وقال : تبشر وترى عمي ابو ريفال كلمني يقول اليوم عندهم زواج صغير لبنت اخت زوجته وعزمنا لاننا بقام اهل له .
ابتسم ابو فيصل وقال : اجل نروح نقوم بالواجب
بعدها وصل الخبر لامه وقال لها تستعد بكره بالبدايه رفضت ولاكن وافقت لمقام ام ريفال واختها بقلبها .

طلب فهد من ريم تجيب ولده للمجلس عشان يسولف معه شوي وجلس بين يلاعب ولده وبين سوالف مع فيصل ، ومن افضل الاشياء اللي بينه وبين اهله او طريقة تربية تربوها انه مستحيل ينام اي طرف زعلان من الثاني لو يعتذر له برساله من كلمة تكون كافية لطرف الثاني لين تهدئ النفوس وتتوضح وجهات النظر .