من جيتيني و اقداري متهادنه معاي

Part15

تبدلت الدنيا بعيون سطام وهو يشوف شادن بذاك الطريقه اساسا هي شادن ؟
ماقدر يصدق عيونه قلبه الراجف ورجوله اللي ماتشيله مين يقدر يساعده يوصل لها يوصل للي قدرت تصير حياته بايام بسيطه طاحت من يده مجموعه الورد اللي جابهم لها كهدية تفرحها قرب منها وهي تحاول تاخذ انفاسها وتقول له بجمل غير مترتبه وراجفه ومتقطعه واثار الدم في فمها.
شاف جده وابوه خارت قواهم جنبها هم اللي تعبوا ولا هي مو عارف يلوم مين وياسأل مين تجاهلهم وركز انضاره على شادن اللي بين يدينه جثه هامده ماغير عيونهازالبريئه اللي ماسوت شي بهاذا الدنيا الا ترد الاسأه بلاحسان تطبطب على المجروح وهي القتيلة .
" سـ..طـ  ام تـ  كفى قول لهم انا ماســ ويت حرام والله ياسطام احـ..بـ..هم "
عجزت يدين سطام تسوي اي شي الا تمسكها باس راسها ويدينها المليانه دم وقال " وهم يحبونك ومصدقينك اجلسي معي تمام لاتغمضين "
شادن وهي تمسكه " يـ..ـوجعني"
انهارت دموع سطام بدون استئذان وقال لها وهو يطلع يجيب عبايتها " بجيك يابعد سطام واخذ الضيم منك وعد"
ركض ببعثره وعثرات وخوف نسى كيف يمشي وكانه طفل فقد امه يطيح ويوقف لين وصل الغرفه ودور العبايه بخوف ورجفه غير متناهية .
اخذ عبايتها وحاول يشيلها من فوق الزجاج بدون تتاذئ اكثر واهمل ذاته اللي امتلت قزاز شاف مكانها مليان دم وانجن اكثر غطاها وشالها معاه متجاهل جدها اللي معد شالته رجوله و ابو سطام .
الجد ودموعه تنزل وبحة صوته يسمعها الكل " ذبحت بنتي"
اما ابو سطام اللي ضن ان قوته بتكفيه يشيل ابوه ويلحق سطام تبددت لما شاف دمها مسكوب قدامه وتذكر ابتسامتها واستقبالها لهم تذكر اول كف عطاها واخر كف تذكر اول مره شالها وهي بكوفلة امها تذكر اول مره راحت معه البقاله .
وهنا شال نفسه غصب وتماسك ببوه وركضوا ورى سطام اما سطام اللي لاحضهم وهو يركب شادن اللي تون من وجعها " ياليتكم زرعتوا رصاصه براسها ولا عذبتونا "
وركب السياره بسرعه يسوق باقدام راجفه مو متاكد لو بيوصل او بيصدم بنص المسافه يد تمسك الدركسون ويد تمسك يد شادن.
بعد ربع ساعه وصل المستشفى وشالها ووداها للمرضات وهنا انفكت يده من يد حبيبة قلبه ولين باب الطوارئ وانهارت رجوله وانهارت حياته وورى ذا الباب مصيره يوقف .
دقايق وابوه وراه يمسك كتفه وجده اللي ماقدر وطاح من طوله .
سطام " يبه تكفى لاتشوفك عيني "
وتحامل على نفسه وجر نفسه لين الجدار وجلس هناك يضغط على راسه اللي بينفجر وصورة شادن ماتغادره .
اخذ جواله برجفه واتصل على مها وقال لها تجيه المستشفى ومها قالت لكل اللي يعز عليهم عن حالته .
ساعتين وصلت امه وصوت بكائها يسمعه الكل كان الكل بذاك السيب ابو ريم ابو شادن ابو ريفال والجد وابو رنيم دخلت مها من بينهم وطاحت عند اخوها بالرغم انها بنت الا انها قوووية كثير باي موضوع يمس مشاعر سطام تصير جدار يستند عليه وصلت عنده وحضنته .
وكان سطام كان ينتضر اخته بكل صبر حضنها وبكى وقال " ذبحوها ويحضرون مشهد وفاتها ماكنت موجود اكيد نادتني تبيني احميها منهم بس ماكنت سند لها مثل ماتوقعت ! تخيلي مين قتلها "
وابعد مها عنه وناظر بعيونها بنظارت مخيفه لاي احد بذاك السيب ووجه غضبان وعروق وجهه بارزه وقبضات يدينه اللي تدل انه يحاول يسيطر على حاله قال " جدها اللي ربها وعمها اللي كبرها تتخيلين احن شخص عليك يذبحك ؟ "
انهارت حصون مها وهي تتخيل الشعور اللي عاشته شادن كانت شادن دايم تقول ربي ماكتب لي حب الاب والام لاكن كتب لي حب جدي وعمي وعوضني بدل الاب اثنين كانت تتعزوا فيهم دايم وتشوفهم دنيتها كانت تبيع روحها عشانهم واليوم صدق باعتها .
الكل كان مصدوم فكروا ان شادن طاحت طيحة عاديه بالغلط ماتوقعوا جدها وعمها ضروبها وقتلوها محد فاهم بس ابدا محد توقع مستوى الشناعه ذي .
الشناعه اللي اقصدها كرسي شادن اللي توه مرر من قدامهم واثار الجروح بوجهها وجسمها اللي كله مغطى بشاش ابيض بياض وصفاء بشرتها اختفى بين الضمادات وقف سطام بكل سرعه لجهة سريرها ومشى معاهم متجاهل الكل .
مسكه ممرض وقال " ممنوع تقرب منها بنوديها العنايه فتره نتطمن على سلامتها ونتاكد ان علاماتها الحيويه بخير"
لف سطام لطبيبة وقال " وش صار "
الدكتورة " الجروح عميقة وكثير والواضح مو طيحة ذي اعتداء ولازم نفتح تحقيق ، ضمدنا جروحها وجبرنا كسر يدها وغض بكتفها كمان حاولنا نخففه الباقي بيد الله تاثر شوي راسها بس نقول انشاء الله مافي اثار جانبيه اللحين مين المسؤول عنها؟ "
سطام "انا زوجها "
الدكتورة " تمام تفضل معاي المكتب بنفتح تحقيق الوضع جِدي"
سطام " مايحتاج البنت طاحت وواضح للكل انها طاحت !"
الدكتوره "تفضل "واشرت له مكان مكتبها
توجه سطام معها وقال " كلكم ارجعوا بيوتكم مايحتاج كثر الله خيركم "
تقدمت منه مها وعطته كيس وقالت " تعال الليله نام عندنا "
سطام " لا مايحتاج بنام هنا"
مها وهي تشد على يده" احبك لاتنسى "
ابتسم سطام وهز راسه وكمل طريقه .
دخل مكتب الدكتوره وبدأ بلاجرائات وكل كلامه الببنت طاحت .
الدكتورة " اجل ننتظر رأي جدها وعمها والمريضه لما تقوم والتحقيق بينفتح "
وبدأت التحقيقات وغيرها الكثير من الاجرائات ولانهم عائلة معروفه انتهت بشكل سريع والكل ينتظر شدن تقوم عشان تكمل لهم اجزاء الاجحية.
سطام راح مع ممرضه وضمدت جروحه وصى عمه ابو ريفال يجلس هناك شوي ورجعزالبيت سريع شاف الصاله بنظره سريعه وكمل يطلع فوق ركض اخذ شور وازال اثار الدم لبس وانتهى واتصل على خدمة نظافة ووصى المها تجي وتتاكد ان البيت يتعدل وتجيب طاولة جديده وترجع البيت مثل ماكان لانه مايتحمل ينام هناك .
انتهئ اطول يوم على سطام ...
وهنا ننتقل لعائلة بطلتنا العائلة اللي بيتحرك فيهم كل شي الا ضميرهم لاسباب عديدة اوولها الحقد الحقد اللي مزروع بقلوبهم حتى لاطفالهم ، لما تولد بعائلة مهمشتنك وانت صغير بتكبر طماع بكل اللي حولك ولما تولد مدلل وتتربى مدلل بتكبر نرجسي مغرور ماتتعاشر ، تخيل شخصيتين تجتمع وتقرر تبني اسرة وش النتيجة؟
الامراض مابتستمر كسلسلة من الامراض للاطفال ولاكن بتكون مقبرة لعائلة كان يمكن تكون اجممملل بكثير من اللحين .
هاذي عائلة بطلتنا شدن بنت عانت كثير لاسباب وهمية او مو مفهومه عانت من عائلة ماتخلفه ومو هي بس كان لاختها نصيب من معاناتها .
جود مسؤولة عن اخوانها والشخص لما يتولى مسؤوليات اكبر من عمره وخارج طاقته بيبدأ يتصرف تصرفات شخص اخر وهاذي كانت جود .
وصل ابو جود البيت وجلس بالصاله بحزن بسيط شوي وجت ام شدن او جود مروقه وقالت له بنبرة مستغربه .
" وشفيك عسى ماشر ؟"
ابو جود " شادن ماتعرفين عنها شي ؟ "
ام جود " اي مافيها الا العافيه ليه ؟"
دخلت جود بهدوء وسلمت على ابوها وقالت " وشفيك يبه وجهك معفوس ومهموم ؟ "
ابو جود بنبره منخفضه وهو منزل راسه قال " ولا شي يابنتي بس اختك اللي فيها "
جود فزت وانتقلت من الكنب اللي جنب ابوها لين جنبه ومسكت ذراعه وقالت " وشفيها يبه ؟"
ابو جود وهو يحضن اكتاف جود " بالمسشفى يقول سطام طاحت من الدرج ووضعها سيئ بس يقولون انها علامات ضرب اللي فيها واحد معتدي عليها وغير كذا فتحوا تحقيق وسطام حاول يسكر السالفه بتستر على المُتهمين ولو قامت يكملون تحقيق "
ام جود بخوف سكتت مو خوف على بنتها خوف انها السبب وترجع براسها صحيح ان ابو جود ساحب على عياله وقااااسي وعصبي ويحبهم كلهم الا شادن اللي تذكره بماضي سيئ الا انه يحن عليها احياناً رجعت ظهرها بصمت وتفكر هل جد ابوها و عم شدن اللي ضربوها ؟ او صدق طيحه ؟ او ان سطام عرف السالفه وضربها ؟ اكيد وصل العلم لثلاث وضربوها
انتهت سلسلة نقاشاتها معرذاتها بجود واقفه تصيح لعل ابوها يوديها لاختها وابو جود يقنعها انها بالعنايه لين بكره ومارح تطلع اليوم .
تفاقم الكره بقلب ام جود على شدن وعلى حب جود لها ولو جود تعرف اللي تعرفه ام جود كان كرهت اختها .
ولاكن الصمت كان سيد الموقف ام جود " يقول لك ابوك بالعنايه يعني مادرت عنك اجلسي لين بكره ثم روحي ! "
جود بزفره هزت راسها وقالت " اذا انتو ماقمتوا بدوركم كام واب لاتتدخلون بدوري كاخت وسند لها !"
تجاهلت الصرخات اللي جتها من امها وطلعت تلبس عبايتها نزلت بعد ربع ساعه ووقفت قدام ابوها وبسطت كفها قدامه وقالت "ابي المفتاح "
ابو جود " خلي السواق "
جود باصرار وغضب " مابغاه ابغى المفتاح "
هز ابوها راسه واعطاها المفتاح توجهت جود لبرى وام شادن تطالع لزوجها بصدمه وقالت " بكل سهولة ! تستهبل عليه وشلون تسمح لها تروح عند النكره ذي "
ابو جود " لا اسمع صوتك يعلى عليه وثاني شي علاقة كل فرد بالشخص الثاني له الحرية لاتحددين علاقتهم كاخوات "
اما جود اتجهت بسيارتها للمستشفى بكل خوف وتدعي بقلبها ان اختها بخير .
بعد ربع ساعه وصلت واستفسرت عن مكان الغرفه وبعد ثواني دخلت السيب ولقت سطام هناك متكي بظهره ويتامل السقف بحزن جلست جود مقابل له وقالت " وش صار "
سطام اللي له علم بالسالفه كلها من ولادة شدن لليوم يعرف بقد معرفته بقصة شدن ان جود احن ثالث شخص بحياتها ولولاها كان انتحرت شادن بعمر 13 سنه كانت رفيقة له بايام وايام ثانيه كانو يوهمونه انها زوجته المقدره مع انها يكن له مشاعر اخويه فقط .
ناظر فيها وقال " ابوي وجدي ضربوها وانهوها انهم طيحوها على الطاوله وتكسرت ودخلت القطع بجسمها "
شهقت جود وقالت " مستحيل مستحيييل ماصدق جدي وعمي احن عليها من نفسها اختار شخص ثاني عادي قول انك انت عرفت بالسالفه وتبي تلزقها فيهم "
سطام بغضب وقف مع جود ومقابل لها وقال " تستهبلين انتي معاد الا هي اضرب زوجتي ولو على السالفه انا اعرفها من زماان وماعندي مانع الذنب ذنب ...." وسكت باخر الجمله وهو يمسح وجهه ويستغفر
بكت جود وجلست وهي تغطي عيونها بحزن عميق بذا الثواني جا الطبيب اللي مسك حالت شدن مع ممرضتين يركضون لغرفه شادن فز وراهم سطام وجود تركض وتسال سططام " رايحين لمين لاختي.... ردو.. وين تروحون" كانت دموعها مستمره بالنزول وهي وراهم مسك الدكتور المسؤول جود من اكتافها وقال ممنوع تدخللون "
سطام بغضب سحب جود وراه وقال " لاتلمسها نعرف البنت خايفه بس "
تجاهل الدكتور بقية كلام سطام وصك الباب بوجهه رجع سطام وجود ينتضرون الدتور بفارغ الصبر والغضب والخوف والتوتر جود " وش تتوقع فيه "
سطام ووجهه محمر من الغضب ومن الخوف غضب لان الرجال اللي جوه بنظره منحرف ماحترم جود الصاحية بيحترم شادن المرميه ؟
" معرف معرف "
جود سكتت تدعي ربي
ماكمل الدكتور ربع ساعه خرج عليهم ووفك الكمامه وقال " انا الدكتور ابراهيم حالة المريضه مستقره ومافي اي مضاعات صار لها كابوس بسيط ادى لارتفاع بنبضات القلب ف نبهنا الجهاز والحمدلله بعد الفحوصات هي بخير "
جود " دكتور اقدر اشوفها ؟"
الدكتور " ايه لك عشر دقايق بعدها بنادي الشرطي المسوؤل ويكمل الاجرائات "
ركضت جود جوه واما ابراهيم كرر " اعتذر عن الوقف وصدقني انا بموجب المهمه تصرفت بلا شعور "
تنهد سطام وقال " حصل خير اخوي "
ابراهيم كمل خطواته بهدوء وهو يحاول يتذكر وين شاف ملامح سطام من قبل
عند جود دخلت ل شدن بعد مانقلوها الغرفة بدور ممختلف دخلت و الممرضات يعدلون لشدن السرير وشدن تتوجع من ابسط حركة
تالمت جود وكثير لشوفتها اختها بذي الحاله الاثار ما طابت من وجناتها واما يدها اللي معلقه برقبتها وش تقول عنها كانت عيون شدن مسحوب منها الحياه وواضح تتوجع طلبت من النيرس تفك يدها لانها تضايقها وافقت النيرس بشرط ماتحركها وهنا انتبهت شادن لجود من بين الممرض ابتسمت بحب ودموعها تتلألأ بعيونها ونادت جود عندها مدت كف يدها اليسار لجود وجود وافقت بصدر رحب وهي تبكي مسكت يد شادن وباستها من كفها لين كتفها بعدين حضنتها وباست خدها .
كان حضن جود خفيف ولاكن كافي لشادن اللي بدات تبكي وتنوح بصوتها الخفيف جلست جود جنب شدن وهي مستمره تحضنها وتخلل يدينها بين شعرها وشادن تحضن جود بقوة برغم الالام جسمها اللي حتى المسكنات ماتفيد .
شادن " جود معاد ابي اعيش تكفين تعبت والله تعبت كلهم ماصدقوني ماسموعني ياجود حتى انتي تكفين مابي اكمل مابي احد اكره حياتي كثير "
جود بعدت عنها وسكرت فمها وقالت " وش قلنا من زمان شدني انا احبك انا كل احد ومصدقتك ماتعرفين قلبي قلب ام يقسى ويحن لاتنسين احبك انا وفاهمتك مايكفيك وسطام مايكفيك تدرين انه برى من الصبح ينتضرك تدرين انه طرد جدي وعمي عشانك ؟ "
شادن ودموعها بللت يد جود "تدرين انه صدقني قبل اكمل كلامي ؟"
جود بتعجب " قلتي له !"
شادن " خفت خفت امي تقول له قبلي وتهدم حياتي تهدمني قبل حياتي فكسرت نفسي قبل تكسرني مانتبهت اني بنيت حياة حلوه معاه "
جود ببتسامه وهي تاخذ منديلين تمسح عيون اختها بعدين عيونها وقالت " يعني طحتي؟ "
شادن بخجل حتى حمره وجنتيها ماتوضح من اثار الضرب قالت " لا مو كذا بس احترمه "
دق الباب وسمعوا حمحمت سطام اللي قال لابراهيم والشرطي ينتضرون بيهيئ المريضه عشان ماتنتكس على نصيحة ابراهيم .
قامت جود ولبست نقابها وقالت " لاتكذبين خذي حقك منهم"
مافهمت شادن وش تقول ولفت لفتحت الباب بعد ما اذنت جود لسطام يدخل تلاقت عيونها بابراهيم المتكي على الجدار ويناظر بكل هدوء قدامه .
دخل سطام وقرب من شدن اخذ العبايه ولبسها وبعدها اخذ الطرحه ورجعها على وجهها وقال " بيدخلون يحققون معاك "
شادن تجاهلت كل شي وركزت نظرها على سطام ليه تجاهلها ولا تصادفت عيونهم لو لوهله معقوله بيزعل لو قالت الصدق لشرطة ؟ او زعل لان ابوه لامه انه تزوجها وهي انسانه مليانه عيوب ؟
كل شي انتهي بدخل ابراهيم والشرطي وراه مع شرطية مسكت يد سطام قبل يبعد اكثر وكانها تستمد الامان منه
وطرحت الشرطيه اول سؤال ولين اخر سؤال واجابات شادن تقول " انخفض ضغطي وكنت بنزل اكل لي شي بس ماشفت بقية الطريق وطحت "
ابراهيم " التحاليل ياشدن قبل سقوطك ماتقول كذا وصلتي المستشفى ضغطك ودمك وسكرك بخير مو حالة اغماء"
شدن " يمكن شي ثاني ماعرف بس كان فيني دوخة "
جود من ورى " يمكن حامل !"
شادن وسطام ناظروا ببعض وابراهيم بملل جهة جود وقال " مافي اي اعراض حمل وولا اي شي يدل انك طحتي "
شادن بتوتر اكبر " مو من حقي اني اجاوب او لا ؟ "
الشرطيه " اكيد من حقك بس يفضل تجاوبيننا عشان الاجارئات تنتهي "
شادن " اجل مافي غير اني طحت بدون سبب يمكن ماعرف امشي او تداخلت رجولي ببعض ماعرف بس نسيت كنت ابي انزل وطحت كنت متحمسه لاني توقعت جدي جاني بس انصدمت اني قمت هنا وكذا "
واشرت على حالتها الشرطية بنفاذ صبر " لو سمحتي ياختي الكدمات اللي بجسمك مو كدمات طيحه كدمات اعتداء واضح "
شادن " ماعرف ماعرف "
بدات تبكي وتمسح عيونها ومع كثرة بيد وحده وبصعوبه من الالام قرب سطام منها وبدأ يمسح دموعها ويهديها .
ابراهيم " المريضه معاد تتحمل لو سمحتوا قفلوا القضيه وتفضل معي استاذ سطام ابي اكلمك "
دنى سطام من شادن بعد ماطلعوا وشال الطرحه والعبايه وباس راسها وقال " اهدي ماحصل الا كل خير انا اخلص السالفه "
شدن حضنت يده وقالت بحزن ودموع " لاتخليني ارجع اخاف وحدي "
هز راسه سطام وتوجه للخارج وجت جود مكانه وتهدي من حالت اختها الصعبه .
ابراهيم برى قال لشرطة بوجود سطام " ممنوع تعيدون تحققون للمريضه مره ثانيه كاجراء طبي لشخص مر بكل ذا هي تعبانه وماخلصت 24 ساعه حقتها واجبرتونا نستجوبها الان "
الشرطي " لو سمحت ماتقدر كمان تعلمنا شغلنا وهنا انتهى شغلنا الواضح البنت تبي كل مره تنضرب وتسكت لهم "
وناظر في سطام كانه يلومه .
سطام حليم كثير ولا اهتم وابراهيم قال " ماعليك منهم اسلوب ماش بس تاكد تاخذ حق زوجتك ، وثانياً لازم تجلس عندنا اسبوع وبعدها تقدر تغادرنا الكسر ياخذ من شهر لشهرين يلتأم حسب النظام الغذائي اللي بتتبعه وحسب قوة عظامها بلالتماء الجروح بيتم تعقيمها يومياً من النيرس الا اماكن بيكون عليك او شخص مقرب اخر يسويها "
وكملت محادثتهم حول هاذا الشي ..

البارت الجاي بيكون انشاء الله لاهل فهد بس حبيت اقفل سالفة شادن تماماً ومو تماماً .
اسمها شادن مو شدن ولاكن احياناً اختصره شدن اللي تجي تقول لخبطتي بنتضارب معها 😡
و رايكم والنجمه حلواتي
انستا بالبايو 🤍