من جيتيني و اقداري متهادنه معاي

Part2

"لي ساعه ياولدي اراقبك وش مشغلك وش سوت الدنيا فيك لتوصل لذي المواصيل؟"
"ولا شي ياعم اللي عسرها سبحانه بيفرجها خليها فتره ابعد ورتاح من ذي الدنيا"
"بيفرجها بيفرجها بس الابتعاد عن المشكله مو حل"
"عمري مابتعدت وواجهت مشاكلي بس الحين نتفت جذرها رجعت لتربتها و لبقيه جذورها لين القى الجذر اللي مايسبب لي مشاكل وينزرع بحياتي وحياة ولدي "
" ووش تبغى بجذر جديد وانت توك مطلق جذر "
" الجذر الجديد بختاره لولدي ولي انا ودي ياعم ابدا حياة جديده بس بقراري"
" وانت وش تحتاج بالجذر؟ "
" تدري ماهتم كل همي ياعمي ولدي شتات سنتين حرام والله له "
" وش دخل ذا الجذر حياتك قصة حب فاشله او عادات وتقاليد "
" البنت لولد عمها "
" وليه مارضت بنت العم؟ "
"ولد الخال اغلالها من ولد العم "
" خير وخيره تعال تعشى عندي ويحلها حلال واما الولد بيجلس مع زوجتي ومع بنتي انت وين بيتك؟ "
" هنا ياعم اخر الشارع "
" وانا اللي اللي قدام المسجد وهذا انا جارك ياوليدي "
" ونعم الجيره والله لو تجي من يا.. "
" ابو ريفال "
" ونعم ببو ريفال "
" وانت ياوليدي وشسمك ووشسم ولدك"
" انا فهد شريت البيت هنا ابعد ام نايف عن المشاكل اثاريني مشكله ام نايف ف انا ابعد عن اهل فهد احسن "
" ونعم القرار ياوليدي ان كبرت مشاكلك ومعاد لك حل بمواجهتها ابعد لين تركد النار ويهدى الحطب وانا صارت ماتضر ارجع "
" حبيناكم ياوسط الرياض كيف نتركم "
" مرحبآ الف فيك"
" الله يحييك"
"اجل عشاك عندي ولا تقول لا"
" والله مع ذا الصغير ماقدر اقول لا البيت فاضي "
" اجل تيسرنا بعد الصلاة"
اقام لصلاة العشى صلى وبسجوده دعى الله ييسر له خير الناس وخير الزوجه والام لنايف ان كان الزواج هو حله وان كان شر له ولنايف يبعده من باله وييسر له طريقه واحد يعتني بنايف وقت انشغاله عنه.
توجه فهد وابو ريفال بعد الصلاه لبيت ابو ريفال دخل فهد البيت وهو مدهوش من جمال الزرع والبيت وترتيبه دخل مجلس الرجال الخارجي اللي يعتبر ديوانيه بس اجمل بكثير ومرتتب ك استقبال لرجال المجلس مليان ديكورات جملته ولونه الكحلي والسكري جذب فهد وبشده وواضح لمسة الفن والذوق فيه ريحة البخور واضحه ،اشتاق لاهله لان فتره المغرب يولعون بخور وبعد العشاء عوده وذي زي العادات لهم.
تكلم فهد وهو يثني على بيت ابو ريفال.
"مشاء الله ياعم البيت يجنن وتصميمه خرافي اكيد كلفك كثير"
"والله ياوليدي ذوق بنتي وهي اللي تهتم بالبيت وبكل تفاصيله حتئ تفاصيلي انا وامها تحت يديها صدق من قال انها روحنا والله"
"مشاء الله الله لايضرها لها خبرة بالتصميم الداخلي؟"
"لا هي تدرس ياوليدي اخر سنه بالعلاج الطبيعي"
"مشاء الله الله يوفقها فكرتها تصميم او شي "
" موهبتها، الا اعطني نايف ادخله للحريم تراهم يتشفقون لشوفة البزران"
" مابغى اثقل عليهم خله يناكر كثير "
" ماعليك وش تثقل وان استغربهم رجعته "
" اجل خذ ياعمي"
اخذ ابو ريفال الولد ودخل جوا استقبلته ريفال بالضيافه وصدمها شوفة نايف اللي صدق تحب الاطفال جددداً
"يبه من ولده ذا لايكون ولدك وسويتها وخنت الغالية "
" اوف يابنت قصي الهرج لاتسمعك امك وتمصع رقبتي ذا ولد جارنا الجديد فهد وهاذا الشبل ولده نايف  "
حطت الضيافة على طاوله قريب واخذت نايف الهادي بعكس طبيعته
"هلابك يابعد حيي هلا والله بالزين والجمال يازين نايف بس يازينك وش اخبارك ياشبلي؟"
" ههه مايتكلم يابنتي وهذا اللي شفته من ابوه بالرغم ان عمره سنتين ممكن مستغربنا او شي"
" يوه يبه سنتين ومايتكلم مستحيل اكيد مستغربنا شوي ويهرج ويقول اسكتي يامره ازعجتيني ببثرتك"
"والله ماغيره يتأتأ والواضح مايمشي بس دامه معك والله اني داري انه بينطق ويركض من هرجك"
"يبه اللي بعمره يركضون ويغنون مستحيل اهله وين ما دروا عنه وبعدين يازينها لو خليته يركض عساه بس يسمع لهرجي ويستحمل فهاوتي وتكليجاتي"
"والله واضح التشتت واليوم ابوه طلق امه وجا يسكن هنا والولد لا ام ولا عمه ولا خاله وهو يبغاله حرمه "
" حرام والله طيب ليه ججابوه كلهم كذا مو قد الزواج واللي راح ذولي الصغار صدق تخلف "
" تاخرت يابنتي على الرجال بروح له وماعلينا الله يصلح حاله "
" تم يبه بحفض الرحمن ان نقص شي نغمه وانا قربك"
راح ابو ريفال لفهد وهو كل تفكيره يقول لفهد ان ولده لازم له ام يكون معاه وممكن يسااعد هاذا الطفل الصغير لو جلس معهم وقت دوام فهد .
اعطى فهد القهوه والتحضيرات وجلس يتأمل فهد.
" ياوليدي كم عمرك"
" عمري والله ٢٧ توني داخلها"
" مشاء الله ومن متى تزوجت؟ "
" تزوجت وانا ٢٣ "
" كم عمر زوجتك يوم تزوجتها ومتى جابت نايف"
"كانت ١٧ ولما جابت نايف ١٩"
"وكان تفكيرها يلائم تجيب طفل. "
" والله ماعرف ياعمي انا بعيد عن ام نايف من كثر صدها لي هي تحب غيري ف مابغتني وجبت نايف عشان ابوي بس عمرها ماعتنت فيه وانا رجال عندي شركتي وشغلي اطلع الشغل من الساعه ٨ مارجع الا ٣ العصر واروح مع نايف عشان امي اللي معه من الصباح اول ماجابته جاها اكتأب ولاده وسكت بس بعد سنه طفح الكيل وتخاصمنا راحت لاهلها وغصبني ابوي اراضيها ولما رضت عشان ابوي رجعت اسوأ وتخاصم نايف كثير واحيانا تضربه لين طفح الكيل معها وتضاربنا بس برضه ماهدت واليوم طاح نايف وشفت وش صار فيه لحقتها الغرفه اعطيها نايف بس كانت تكلم اختها وتحكي عن كرهها لي وحبها لولد خالتها وكرهها لولدي لانه من لحمي ودمي وعييت اطلقها بعدها دخلت وطلقتها بالثلاث وزعل ابوي بس انتهئ اللي بيننا من زمان مهما حاولت اطبطب ما تتغير نايف يحتاج ام مايحتاجها هي لانها بس حملت فيه والاهي تستحق ضناي لين تعقل من حب المراهقات ذا"
" خيره ياولدي بالنسبه لنايف اترك شغلك والتفت لولدك بيع الدنيا عشانه ولاتنتظر ام بتعوضه امه مابتلاقي دامك انت مو معتني فيه ولدك صار سنتين وهو لايمشي ولا يتكلم المفروض انك ملاحظ وتهتم فيه نفسيته اهم من الدنيا ذي كلها"
" لا ياعمي نايف يتكلم بس هو يميل للهدوء نادر يتكلم يحب يسولف معي وقت اللعب او مع جدته مايكلم غيرنا الباقي بس اصوات بدون كلمات واما المشي خطوات بطيئه ولا الولد مافيه شي بس يتدلع قدامي عشان اعطيه حنان حاولت وياعمي ماسرع حكمت ان بطلي مايمشي ولا يتكلم صدقني يعجبك بس اصبر ياخذ عليكم"
" الله يحفضه لك ويحميه لك، ووش بتسوي مع امه "
" اولا بكفر يميني وبعدين لو تبغى تشوف ولدها بشوف لاختي توديه انا ماثق فيها ابدا"
" عرفني بهلك وحياتك "
هنا بدأ يسولف فهد عن اهله وسولف ابو ريفال عن اهله كمان وقال ابو ريفال قصة حبه لزوجته وضروف زواجهم.
عند ريفال اللي انبسطت وجدا بنايف بدأت تكلمه وتلعب معاه وتعرف على ام ريفال بس جلس متعلق ب ريفال ومافكها اخذته معاها الغرفه وتوريه العابها المحشوه انبسط بالحيل معها نواف وبدأ يسولف معها فرحت ريفان ان شكوكها خاطئة وان الولد مافيه الا العافية وجربت تخليه يمشي وقفته بس كان يرجع يجلس.
"يلا ياشبلي يلا امشي عشان ريفال يلا يلا"
وقف معها نايف وهو يناديها بطريقه لطيفة
"رفول رفول انا رفول امسي معها"
"صح حبيبي يلا"
"هبيبي رفول"
بدء يقلد كلامها وبدت تدربه يمشي شوي وبدأ يبكي عرفت انه جوعان دخلت المطبخ وسوت له جزر وبطاط مسلوقه بمويه وسوت له حليب قبلهم شرب الحليب بعد ماشرب وعلمته بكوب مويه ولما تعلم شوي اعطته يشربه وتحط له بنجان قهوه من كوبه شوي شوي عشان مايكب الحليب عليه.
بعدين سوت له عصير برتقال طبيعي وبدأت تاكله هريس الخضروات وهو فرحان بالطعم جربته شوي من العصير بس كان جوعان وعطشان ف اعطته العصير ووقفت تدور له اكل لقت بسكوت واعطته بدء ياكل وهي معاه ويتابعون مسلسل كرتوني وهي اندمجت اكثر مع نايف لين نام نايف في حضنها.
.
.
وقف فهد واستاذن ابو ريفال انه يعطيه ولده بيمشون دخل ابو ريفال ولقاهم نايمين ابتسم بخفه وحاول ياخذ نايف بدون تنزعج بنته بس صحت قبل يشيله وحضنت نايف
"يبه خرعتني وشفيك؟"
"فهد ماشي ويبغى ولده"
"اوه نسيت شويه يبه بعطيك اكل لنايف"
اعطت ابوها اكل نايف
"يبه قول له ياكله حاجات صحيه ويجيب له سيرلاك وحليب الولد يحتاج تغذيه او هاته كل يوم انا بعتني فيه حرام الولد واضح جيعان"
"ابشري يابنتي"
طلع ابو ريفال ووصئ فهد على نايف
"وياولدي ان رحت شغلك وانشغلت لا يردك عن باب بيتنا شي تعال واعطني ولدك بنتي تخلص جامعتها الساعه٢ من ذاك الوقت الولد هنا وماعليك "
"تسلم ياعمي وماتقصر لاكن بعطي امي اوقات ولو فضيت يزوركم نايف "
"اللي يريحك وتراني اعدك ولدي فاعدني ابوك ولاتستحي "
"ابشر ياعمي الله يديمك"
ودع فهد ابو ريفال وتوجه لبيته وبالطريق يفكر باهتمام بحياته الجديده البعيده كليا عن الكل.