ကာဇဲအင်းနဲ့ဧကရီများ : အတွဲ ၁
အ
ခန်း ၉ : ဒီကမ္ဘာမှာ ဘာတွေဖြစ်နေလဲ
အတန်းတွေပြီးသွားတော့
သူပထမဆုံးလုပ်တာက ဖုန်းထုတ်ပြီး
အင်တာနက်သုံးဖို့ ငွေသွင်းတာ၊
ဘဏ်အကောင့်နဲ့ ပင်နံပါတ်တောင်းတော့
အရင်ကမ္ဘာမှာ သူသုံးတဲ့ အကောင့်နာမည်နဲ့
ပင်နံပါတ်ပဲ ရိုက်ထည့်လိုက်တယ်။
ကံကောင်းတယ်၊ ဒီကမ္ဘာမှာလည်း
အဲဒါပဲဆိုတော့ အဆင်ပြေသွားတယ်၊
ပြီးတော့ လိုင်းဖွင့်ကြည့်လိုက်တယ်၊
"ဆိုတော့ကာ..."
အက်ပလီကေးရှင်းတွေထဲမှာ
ဂူဂဲလ်လည်းမတွေ့ဘူး၊ ယူကျု့လည်းမတွေ့ဘူး။ အယ်ဒါ နက်(ဇ်) ဆိုတဲ့ ဟာပဲတွေ့တယ်၊
ဖွင့်ကြည့်တော့ သူက ဂူဂဲလ်လိုပဲ၊
စာရိုက်ရှာဖို့ ဘားတန်းလေးပေါ်လာတယ်။
"နောက်ဆုံးရ နိုင်ငံတကာသတင်း" ဆိုပြီး
ရှာလိုက်တော့ သတင်းဆောင်းပါးတွေ၊
ဗီဒီယိုတွေအများကြီးတက်လာတယ်။
ဒါပေမယ့် အကုန်လုံးက နိုင်ငံပိုင်သတင်းဌာန ဝက်ဘ်ဆိုက်တွေချည်းပဲ။ အေးပေါ့၊
သက်ဦးဆံပိုင် စနစ်ထဲမှာ လွတ်လပ်တဲ့ သတင်းမီဒီယာတွေက ဘယ်လိုတည်ရှိနိုင်မှာလဲ လို့ သူ့ဘာသာပြန်တွေးမိတယ်။
"ဗာဂျီးနီးယားမှ (၅၂)ရက်ကြာ တိုက်ပွဲ"
"လူပေါင်း တစ်ရာ့သုံးယောက် အသက်ဆုံးရှုံးခဲ့ရသော ပါရီမြို့မှ အဓိကရုဏ်း"
"အလက်စကာဒေသတွင် စားနပ်ရိက္ခာ
ပြတ်လတ်သောကြောင့် လူပေါင်း
တစ်သောင်းခန့် အငတ်ဘေးဆိုက်နေ"
"ယူနန်ဒေသအထိ တပ်ဆုပ်ခဲ့ရသော
ဘေယန်စစ်တပ်"
"ဂျပန်စစ်သင်္ဘော ယာမာတို (၂၁) ရေချပွဲကို
ဂျပန်ဦးသျှောင် ဧကရီ ယာမာတို တိုကကိုယ်တိုင်တက်ရောက်ဂုဏ်ပြုခဲ့"
သတင်းခေါင်းစဉ်တွေကြောင့်
ပါးစပ်အဟောင်းသားဖြစ်သွားတယ်။
ပြီးတော့ ဉာဏ်ကောင်းတဲ့ကောင်ပီပီ
ဒုတိယကမ္ဘာစစ်မဖြစ်တဲ့ အကျိုးသက်ရောက်မှုတွေကြောင့် ဆိုတာကို ကာဇဲအင်း ချက်ချင်း သဘောပေါက်သွားတယ်။
လူ့သမိုင်းမှာ အကြီးမားဆုံး ပဋိပက္ခဖြစ်ခဲ့တဲ့
ဒုတိယကမ္ဘာစစ်ပြီးတော့မှ လူတွေက စစ်ကိုရွံရှာမုန်းတီးသွားကြတာလို့ပြောရမယ်၊ ဂုဏ်သိက္ခာထက် မိသားစုက ပိုအရေးကြီးမှန်းသိလာကြတယ်၊ သေနတ်တွေထက် အနုပညာကိုပိုချစ်လာခဲ့ကြတယ်။
ဒါပေမယ့် ဒီအပြိုင်ကမ္ဘာမှာတော့
အဲဒီလို ဟုတ်ပုံမရဘူး။ ဥရောပနိုင်ငံတွေက တော့ ပထမကမ္ဘာစစ်တုန်းက သင်ခန်းစာကြောင့် သူတို့ဆီမှာ စစ်ပွဲတွေမဖြစ်လာအောင် တက်နိုင်သမျှ တားဆီးနေပေမယ့် တခြားနိုင်ငံတွေမှာတော့ စစ်အေးခေတ်လို ပြည်တွင်းစစ်တွေနဲ့ နှစ်နိုင်ငံ စစ်ပွဲတွေ တောက်လျှောက်ဖြစ်နေပုံပဲ၊ အဲဒီလိုဖြစ်အောင်လည်း အင်အားကြီးနိုင်ငံတွေက အနောက်ကနေ လက်ဝင်လျှိုတာတွေလည်း
သေချာပေါက်ရှိမှာပဲ။
YOU ARE READING
ကာဇဲအင်းနှင့်သူ၏ဧကရီများ (ပူးတွဲရေးသားခြင်း)
Historical Fictionကာဇဲအင်းဆိုတဲ့ ကောင်လေးတစ်ယောက် လကြတ်တဲ့ညမှာ လိပ်ပြာလွှင့်ရင်း အပြိုင်ကမ္ဘာတစ်ခုကို ရောက်ရှိသွားခဲ့တယ်။ အဲဒီကမ္ဘာကြီးက ကျွန်တော်တို့ကမ္ဘာကြီးနဲ့တူပေမဲ့ သမိုင်းဝင်ဖြစ်ရပ်တွေအားလုံးမှာ အမျိုးသမီးတွေချည်းပဲ ဦးဆောင်ခဲ့ကြတာ။ မဝါဒကြီးစိုးနေလို့ ယောက်ျာ...
